صدق أو لا تصدق ... عود كبريت خرم الكاوتش

يوم الجمعه كنت راجع من اسكندريه وطبعا كعاده ملاك اللينيا كنت ماشى 160 اقل سرعه فى الليل المهم ركنت العربيه وتانى يوم بعد الظهر فوجئت ان العجله الشمال امام نايمه تماما !!!! طبعا العربيه لسه تحت 5000 ك وكنت مش مصدق وطبعا ركبت الاستبن واثناء الفحص الظاهرى يمكن أجد مسمار او اى شىء يساعد على تفسير ماحدث أبدا لايوجد شىء لكن لاحظت انه فى بقايا عود كبريت لازق على الكاوتش وعتد محل الكاوتش وبعد الفحص العميق لايوجد شىء لكن تم تحديد مكان الثقب وكانت المفاجاه عند تطهير الثقب لبدء اللحام ربع عود كبريت كامل داخل الثقب .. لو ان احد حكى لى ذلك فلن اصدقه ولكن رايت بعينى وطبعا كل من عرف قالى دى عين وخصوصا العربيه دى بتلم عيون زى ما انتوا عارفين.... انا لاأستطيع تفسير ذلك غير الحمد لله انه حصل ذلك بدلا من اى شىء آخر خصوصا وانى كنت بجرى جامد ونسال الله السلامه لنا جميعا

قدر الله ماشاء فعل ..... مش عارف بتوع الينيا محظوظيين ليه اليومين دول ... بس الحمد لله انها بتيجي في حاجات بسيطة ...

فعلا ده اللى انا قولته فداء شىء بشىء والحمد لله

ما أنا لسة لابس بلاعة بوظت فردة كاوتش بس العربية ملهاش ذنب بس حاول تلحمها عند حد محترم علشان الكاوتش ده مش رخيص

يا لهوييييييييييييييي !!!
هو انتو الأتنين ؟؟؟؟
و كمان يوكو قبل كده دخل في الرصيف !!!!
و واضح ان مش انا لوحدييييي
الله يخربيت الحقد و عيون الناس ربنا يحمينا و يحميكم ده بقت حاجة تقرف
و قول الحمد لله علشان حصلي موقف كتبتو في الموضوع التاني اكدلي ان لو مكتوبلي حاجة هتحصلي هتحصلي

ممكن اعرف يعنى ايه

اقتباس:

---

قالى دى عين وخصوصا العربيه دى بتلم عيون

---

ده عيب فى الكاوتش يعنى ولا ايه

قدر الله ماشاء فعل

اقتباس:

---

المشاركة الأصلية كتبت بواسطة misoalex

ممكن اعرف يعنى ايه


ده عيب فى الكاوتش يعنى ولا ايه

---

:))
يقصد العربيه منظوره يعنى
أو الناس بتحسده

الى صاحب الموضوع
الحمد لله على قد كده :)
بس دا عود كبريت محترم أوى
ويا ريت نعرف نوعه :)))
هو كاوتش اللينيا نوعه أيه؟

double post

الحمد لله إنها جت على اد كده.. واقرا المعوذتين كل يوم صبح وليل

اقتباس:

---

المشاركة الأصلية كتبت بواسطة NoRmAl

:))
يقصد العربيه منظوره يعنى
أو الناس بتحسده

الى صاحب الموضوع
الحمد لله على قد كده :)
بس دا عود كبريت محترم أوى
ويا ريت نعرف نوعه :)))
هو كاوتش اللينيا نوعه أيه؟

---

الكاوتش نوعه Brigdestone ايطالي بس المقاس مش موجود في مصر

اقتباس:

---

المشاركة الأصلية كتبت بواسطة normal

:))
يقصد العربيه منظوره يعنى
أو الناس بتحسده

الى صاحب الموضوع
الحمد لله على قد كده :)
بس دا عود كبريت محترم أوى
ويا ريت نعرف نوعه :)))
هو كاوتش اللينيا نوعه أيه؟

---

ااااااااااااااه
اصلى جت فى بالى حاجه تانيه لان ساعات الكاوتش بيعمل عيون وبقاليل هوا كده
فكنت عاوز اعرف
وصلت


الحمد لله انها جت سليمه الحمد لله

قدر الله وما شاء فعل، الحمد لله أنها جت سليمه

انا حاسس احساسك ده بس انا مسمار و كانت تالت يوم ليا بيها و بتاع الكوتش بيقولى ده مين الفنان الدخلوه ده مفهمتوش فى الاول لقيته جاب المسمار تانى و الشكوش بتاعه و اعد يدق علشان يدخله مدخلش و لا اثر فى العجله , عمل العجله و حططتها استبن و حمدت ربنا

بجد الحمد لله انها بتيجى فى حاجات صغيره كده مضيقش نفسك يا باشا

لا حول ولا قوة الا بالله
قدر الله و ما شاء فعل

هي العربية دي فعلا ( و اظن الفيات الجديد كله ) عشان شكله مش مألوف و ملفت ( و اظن لأن الدوكو بتاعه عالي جدا ) بيبقى ملفت و بالتالي بيلم .... المهم طالما بتيجي في الكاوتش ولا الصاج الحمد لله

بس ايه موضوع ان المقاس مش موجود في مصر ده ؟

أنا لسه داخل مسمار ١٥ قلوظ في الكاوتش!!!! وعملته في بريدجستون
ويا ريت لو عملت الكاوتش خابور روح إلحمة في بريدجستون

والكاوتش موجود مقاسه بس مش نفس النقشة ولا فيه في بريدجستون كله أنا جبت من ميشلان

قدر الله ما شاء فعل و الحمد لله انها جت على قد كده انا بالنسبالى فى الفترة الاخيرة اكلت 3 مطبات على سرعات فوق ال 120 كم والصوت بقى اللهم احفظنا جميعا أكن قنبلتين يدويتين فرقعو جوه العربية !

قدر الله ماشاء فعل والحمد لله انها جت فى حاجه صغيره انا اول سفر ليا بالعربيه لاسكندريه حصلى نفس الموضوع مسمار كبير جدا فى الكاوتش الامامى اليمين.
وموضوع تانى برضه ركبت واحد معايا اوصله لاول الطريق وجه يفتح الباب , الباب بيفتح على درجتين فخبط فى وشه فقالى: بابك اييييييييييه تقييييييييل قوى , جيت اركن العربيه فى الجراج حكيت فى العمود من نفس الباب وبعدها باسبوع بايت عند اخويا فى مايو من نفس الباب طوبه كبيره معلمه على باب العربيه مدوره!!

نصيحه بلاش تخلى الصنايعى يستسهل ويقولك اعمل الكاوتش خابور بما فيه من عيوب قوله عايز لحام للكاوتش احسن وافضل للكاوتش.معظمهم هيقولك مابعملش سيبه و روح لواحد تانى

الحمد لله على كل شىء وبتاع الكاوتش جنبى راجل محترم ولحم على البارد لحامين فوق بعض مع فاصل زمنى 15 دقيقه لكن اللى تعبنى فك وتركيب الكاوتش والمكان كان ضيق واستخدمت الكوريك التمساح بتاع 127 طبعا البواب اللى عمل لكن ده جعلنى افكر انى لازم ولابد اشترى منفاخ عجل على البطاريه لانه اصبح شىء اساسى بدل الفك والبهدله وخصوصا لو المكان ضيق او فى اى مكان مقطوع بالليل واللى يلاقى منفاخ كويس حتى لو صينى بس يكون محترم يقول لنا عليه والف شكر لكم جميعا