المشاركة الأصلية كتبت بواسطة alf2boshra
العزيز الغالي أستاذ أيمن ..
مساء الخير عليك .. مبسوط ان تعليقاتي عجبتك .. وبص يا سيدي ..
فيك من يكتم السر انا عاجباني قوي فكرة ان احنا نخطف التوكيل من هشام عز العرب ، وهو مش هياخد باله (( هننفذ بالليل ))
وتحفة فكرة شقتك دي اللي هنعملها مركز خدمة (( مانعملش اعلانات زيه ))
ونفتح مركز خدمة عندنا في الصعيد في الصندريه اللي في المكتبة عندي ..
يامعلم إيه الدماغ دي .. هتبقى فله خالص
وبالنسبة لستوكات قطع الغيار .. انا عندي يا باشا ثروة من قطع الغيار.
(( بس في سرك )) كلها بتاع مكن تصوير
أصلي صاحب مكتبة وعندي بلوة مكن التصوير ده
إشطاااااااااااااااااااااا اااااااااا خاربه بيتي
بس خلاص اللي عندي اول ما هيجيبوا آخرهم
هاعتبرهم نواه لقطع غيار العربيات ومش هاشتنغل في اللعبه دي تاني (( ينفعونا جامد ))
بس متهيألي إن الحكايه كده مش هينفعوا لبروتون
ماناخد (( نخطف )) توكيل حاجه صيني .. إيه رأيك في جيلي مثلا ؟
اهي جيلي بتتهز زي مكنة التصوير رايحه جايه ع الفاضي
===========
ليلتكم بيضا قولوا آمين .. التوكيل هيفتح بإذن الله
جميع ماركات العربيات الصيني عندنا في مكتبة الألفي
الحجز والاستلام من الصندريه مباشرة بدون حجز
ولأول مرة ممكن نبعتلك عربيتك ع الإيميل بتاعك
لأول مرة عربيات بتشتغل بالحبر ( حبر التصوير - بس والله خسارة في العربيات الصيني ) نمشيها بالعادم .
============
باقولكم ايه أديها طله ع الفيس بوك وارجع
ألفي بشرى