الموضوع: شقق ايجار قديم

جيتو على الجرح انا وارث عمارة مشاء الله دخلها الشهري 250 جنيه الاسم صاحب املاك فعلا الايجار القديم اللي مبيتحركش مع تطور الدخول ظلم للمالك مثلا الساكن كان متوسط دخله الشهري في السبعينات 120 جنيه بيدفع 10 جنيه ايجار الان مثلا دخله اصبح 1500 ازاي يدفع 10 جنيه؟؟؟؟!!! بالنسبة لمميزات الايجار القديم الاستقرار

حسما للجدل فى موضوع الايجار القديم و الجديد
صدر قانون الايجارات فى ابريل 1996 و بالتالى اى عقد ايجار يبرم بعد هذا التاريخ يخضع لقانون الايجار الجديد .
و قد انهى قانون الايجارات الجديد الابدية فى عقود الايجار و اشترط ان يكون العقد محدد المدة و قياسا على حق الحكر تم تحديد الحد الاقصى لمدة عقد الايجار ب 59 سنة .
و جرى العرف على تسمية العقود التى تمتد مدتها حتى 59 سنة باسم ايجار قديم
و تسمية العقود صغيرة المدة ايجار جديد
و لكن فى الحقيقة ان كلا العقدين خاضعين للقانون الجديد .

شكرا جدا على التوضيح

بس السؤال دلوقتى ايه اللى بيخلى المالك يأجر بالصورة دى يعنى ايه اللى بيستفيد منه

يعنى بصورة اوضح انا معايا مثلا شقة انا شايف انه الاحسن انى اكتب ليها ايجار جديد
يبقى ايه اللى يخلينى احكم نفسى بمستوى ايجار ثابت لمدة 59 على عكس ان الجديد الايجار بيتغير كل سنة مثلا

يعنى برضه ايه اللى خلا فكرة تقليد الايجار القديم مازالت قائمة حتى الان

الايجار الجديد بتدفع التأمين و غالبا بيبقى شهرين من الايجار و بس كدة
الايجار القديم بتدفع مقدم ايجار و حسب مستوى الشقة و موقعها و مساحتها يتدرج المقدم يعنى يبدأ من 20000 الف او اقل فى المناطق الشعبية و يوصل ل 50000 او اكثرفى مناطق اخرى و عند دفع الاجرة يتم خصم نصف القيمة الايجارية الشهرية من المقدم .
و عموما نظام الايجار القديم بقى شبة مش موجود الا فى المناطق الشعبية او المناطق اللى فيها العرض اكتر من الطلب او المناطق الطاردة للسكان زى منطقة فيصل و الهرم .