المشاركة الأصلية كتبت بواسطة mostafabasal
انا طبعا من ساة ما اي اي تي نزلت الاعلان في اهرام الجمعه دماغى ولعت و اكتأبت و صدعت و اتخنقت من المعلومه دي
بس ازاي بقى
اعلنت الحرب على التوكيل و بعت ايميل لشركه كيا راسا من دمياط مصر المحروسه الى كوريا ايميل موجه ارض جو ارض
الساعه 11 ونص بالضبط
و طبعا قلت فيه كل اللي في نفسي و كان نفسي اصور الاعلان باسكاتر و ارفق صوره منه و اترجمه بالانجليزي و ابعته في الشكوي بس للاسف موقع كيا لا يدعم الارفاق
المهم فوجئت وانا باكل سمك مشوي الساعه 1 ونص(بتغدى بدرى) بالموبايل بتاعى بيرن ورقم 0103437456 بيكلمني و رديت وانا متأزم عشان هغسل ايدي
لقيتها شركه كيا بتكلمنى و مهندس بيقوللي ان انت بعت ايميا لشركه كيا و الدنيا اتقلبت قلتله انا بعته بناء على الاعلان الذي نشر مش عداوة لا سمح الله:wink:قاللي الاعلان معناه ان الصيانه للخليجي هتتعمل عادي انما الضمان لا قلتله وانا مش عاوز غير كده ياه الموضوع وصل كوريا بسرعه كده قاللي ايون قاللي اظن الموضوع منتهي دلوقتي قلتله ايون و قفلنا السكه
طبعا تهللت اساريري لدرجه اني رجعت اكل السمك بقشره من الفرحه و كلى امل و اني لما اروح اعمل صيانه العشره يمنعوني من الدخول بس عشان اولع في الشركه دي بايميل تاني نظام حار نار شعللها