الموضوع: عفوا يا أوبلاوية ... أعتقد أن النوبيرا تكسب !

فى رحلة بحثى عن سيارة عائلية فى الفئة السعرية من 45 : 50 الف جنيه ... لفيت ودورت وقريت وقارنت بين أنواع كتير من العربيات ، والنتيجة كانت وصول الاوبل فيكترا B والدايو نوبيرا 2 للنهائي ... تعالو نتفرج عالماتش
أوبل فيكترا :
المميزات :
العربية اللى بحلم بيها من زمان ، بموت فى شكلها الانسيابى العصرى اللى مش لاقى عربية تنافسه لحد دلوقتى ولا حتى فى موديلا 2010 ( ما عدا البى أم طبعا )، بحب أقف قدام الاوبل كدة واتفرج عليها ، فعلا قطعة فنية جميلة
بحترم فى الاوبل صاجها المتين اللى تفوق بشدة على كل العربيات سواء الجديدة أو القديمة ، عمرك ما تشوف عربية أوبل صاجها فيه عفصات أو مش مظبوط مهما كانت العربية متهانة ( انا فى مرة قعدت على سقف العربية متهزش )
بعشق فى الاوبل ثباتها اللى بينافس موديلات تتخطاها بمراحل فى الفئة السعرية ، وخامات تقفيلها الممتازة اللى مش بتلاقيها غير فى العربيات المحترمة ، وشنطتها غريبة الوسع
العيوب :
1- عربية تقيلة على مواتيرها (بتكلم على الموتور ال 1600 القديم ) طبعا كلنا مقتنعين أن شوارعنا زحمة وأغلب سواقتنا بتكون عالاول والتانى ، الواحد فى خنقة الزحمة بيبقى عايز حمامة تطير بيه ، وتكييف ابن ناس يرحمه من حر الصيف .... ودى الحاجات اللى بتفتقدها الاوبل
2- قطع الغيار ، وأن كانت مناسبة بالنسبة لعربيات كتير ، ومعمرة بس برضه ما زالت غالية بالنسبة للى دخلهم على قدهم ، وطلما العربية ماشية عالارض لازم هتعطل (أو على الاقل هتحتاج أكسسوارات لو أتخبطت مثلا ) ومهما كانت حالتها لازم هتحتاج قطع غيار(خاصة وان العربية بقالها أكتر من 10 سنين ماشية )
3- بالطبع مش أى ميكانيكى يقدر يشتغل فيها لانها معقدة ومحتاجة متخصص ( خصوصا للناس اللى فى المحافظات برة القاهرة )

دايو نوبيرا :
بأختصار سيارة عائلية بسيطة ، شكلها معقول ، ووسعها كويس ، كمالياتها جميلة وتكييفها قوى، موتورها وسحبها ممتاز ، قطع غيارها رخيصة ومتوفرة ( مقارنة بالاوبل ) وأى حد يقدر يشتغل فيها (مش محتاجة متخصص) ، وثباتها كويس
العيوب:
1- الصاااج ثم الصاااج ثم الصااج ، أكبر غلطة فى النوبيرا ونادر جدا لما تلاقى عربية نوبيرا بدون عفصات واعوجاجات خصوصا الرفارف
2- عزل العربية مش حلو وخاماتها مش قد كدة (بلاستيك فى بلاستيك )

...خلص الماتش وأعتقد أن النوبيرا كسبت (ده تحكيمى وممكن ميعجبكمش )...
مع حبى الشديد للأوبل وزعلى أنى مش هقتنى القطعة الفنية الجميلة دى ، لكن أعتقد ان بلدنا عايزة عربية زى النوبيرا ، خفيفة وتطير فى الزحمة ، سهلة فى الصيانة وقطع غيارها رخيصة ، عملية وأى حد يقدر يشتغل فيها
منتظر تعليقات الجمهور(بدون رمى زلط وازايز مية فاضية )

هههههههههههههه
بص يا باشا
الحمد لله أنا معايا فيكترا موديل 98 وجالى فيها 65 الف العربية وهم
مع إحترامى للنوبيرا لكن النوبيرا دى أخرها مع الشوما يعنى مع الكورى واليابانى لكن الاوبل حاجة تانية خالص
على فكرة النوبيرا مفيهاش ثبات بصاغ وعن تجربة وشكلها مش حلو زى الفيكترا وطبعا غير الصاج
اما قطع غيار النوبيرا موجودة عند البقال لانها مش معمرة يعنى ممكن تركب قطعة 3 مرات فى الدايو قصادها 1 فى الاوبل
سحب الموتور 1600 ضعيف عشان العربية تقيلة وطبعا دة عشان الثبات اللى فيها لكن جرب ال2000 وشوف الغباء اللى فيها أنا شديت مع عربيات من أول النوبيرا لحد السيراتو الجديدة وكلهم بفضل الله أتخيطو مع إن العربية موديل 98 يعنى مش 2002 ولا حاجة
وبالنسبة للتكييف هو جامد بس مش بتاع عك لانه لو لسه بحالة المصنع هتلاقيه ممتاز وأحب أوضح ان العربيات الكورى واليابانى عبارة عن تكييف
وطبعات نظرا لان العربية كانت نقلة جامدة أوى فى تكنولوجيا السيارات فلازم حد فاهم فيها اللى يشتغل فيها لكن النوبيرا مع إنها تبع جنرال موتورز الا انها مفيهاش أى تكنولوجيا
ودة مجرد رأى

المشاركة الأصلية كتبت بواسطة Ahmed_lol2007

وطبعات نظرا لان العربية كانت نقلة جامدة أوى فى تكنولوجيا السيارات فلازم حد فاهم فيها اللى يشتغل فيها لكن النوبيرا مع إنها تبع جنرال موتورز الا انها مفيهاش أى تكنولوجيا
ودة مجرد رأى

هية الاوبل مش نقلة تكنلوجية جامدة أوى زى ما بتقول ، الاوبل بتعتمد على تكنولوجيا الرشاش الواحد اللى بيغذى الاربع سلندرات فى حين ان النوبيرا 4 رشاشات ، الاوبل كامة واحدة بس فى حين ان النوبيرا 2 كامة ، وكل ده بيفرق فى اداء العربية وتوفير البنزين والسخونة ، الاوبل غالبا بتكون 2 ازاز كهربا بس فى حين ان النوبيرا كلها 4 كهربا ومريات كهربا كمواصفات اساسية
بس طبعا الاوبل فيها حساسات وشاشات اعطال وشوية تكنولوجيا مش موجودة فى النوبيرا

المشاركة الأصلية كتبت بواسطة elshreef_hemo

هية الاوبل مش نقلة تكنلوجية جامدة أوى زى ما بتقول ، الاوبل بتعتمد على تكنولوجيا الرشاش الواحد اللى بيغذى الاربع سلندرات فى حين ان النوبيرا 4 رشاشات ، الاوبل كامة واحدة بس فى حين ان النوبيرا 2 كامة ، وكل ده بيفرق فى اداء العربية وتوفير البنزين والسخونة ، الاوبل غالبا بتكون 2 ازاز كهربا بس فى حين ان النوبيرا كلها 4 كهربا ومريات كهربا كمواصفات اساسية
بس طبعا الاوبل فيها حساسات وشاشات اعطال وشوية تكنولوجيا مش موجودة فى النوبيرا

والله انت عسل

اولا معلش يارجالة مينفعش نقارن اوبل فيكترا ب النوبيرا دى اول حاجة ودة لعدة اسباب:
1-اولا دى فائة ودى فائة (يعنى الفيكترا الجديدة ب 170000 و النوبيرا الجديدة ب 70000)
2-تانى حاجة الاوبل المانى وماركة عاريقة و النوبيرا كورى وماركة محترمة جدا

المشاركة الأصلية كتبت بواسطة elshreef_hemo

هية الاوبل مش نقلة تكنلوجية جامدة أوى زى ما بتقول ، الاوبل بتعتمد على تكنولوجيا الرشاش الواحد اللى بيغذى الاربع سلندرات فى حين ان النوبيرا 4 رشاشات ، الاوبل كامة واحدة بس فى حين ان النوبيرا 2 كامة ، وكل ده بيفرق فى اداء العربية وتوفير البنزين والسخونة ، الاوبل غالبا بتكون 2 ازاز كهربا بس فى حين ان النوبيرا كلها 4 كهربا ومريات كهربا كمواصفات اساسية
بس طبعا الاوبل فيها حساسات وشاشات اعطال وشوية تكنولوجيا مش موجودة فى النوبيرا

تانى حاجة ياباشا الاوبل فيكترا بتتفوق بكتير جدا عن النوبيرا
اول حاجة الكمليات الفيكترا تتفوق بمراحل عن النوبيرا
كمليات اعلى فائة فى النوبيرا:
اربعة ازاز كهرباء - تكيف -بور -مريات كهرباء-جنوط
اعلى فئة فى الفيكترا اللى هى cdx :
وطبعا كلنا هنا نعرف كمليات cdx وهى ماتور 2000 سىسى
2-مريات كهرباء و ضم كهرباء
3-و كمبوتار رحلات و اعطال
4-حساسات لاى عطل فى المتور او الزيت او ماية
5-مثبت سرعة
6-اربعة ازاز كهرباء+ مكن رفع
7-كرسى جلد طبيعى
8-فرامل abs
9-وسائد هوائية
10-سى دى تشنجر
11-جنوط
12-شاشه اعطال
13-مفتاح مشفر بريموت
14-طارة متحركة ترتفع وتنخفض بها تحكم للكاست
15-مخدع امامى جلد طبيعى
دة غير ان الاوبل تتفوق فى التقفيل و الخامات اللى جوة بكتير جدا جدا
دة غير الكمليات اللى انا مش فاكرها دلوقتى

-----
تالت حاجة تتميز بها الاوبل عن النوبيرا الثبات العالى عن طبعا النوبيرا
رابع حاجة صاج الاوبل حدث ولا حرج طبعا معروف جدا
وطبعا النوبيرا عيبها الصاج الصاج الصاج ضعيف جدا جدا جدا
وتتفوق النوبيرا على الاوبل ايضا فى حاجات :
وهى ان النوبيرا مش من نوع العربيات اللى فيها تكنولوجيا عالية علشان كدة اى ميكانيكى ممكن يقدر يشتغل فيها لان الاوبل مش بتاعت عك و التكيف ممتاز بس بشرط تكون كل حاجة حالتها كويسة و طبعا تكيف النوبيرا ممتاز
تانى حاجة قطع غيار النوبيرا ارخص طبعا بس طبعا قطع غيار الاوبل بتعيش اكتر
وتتفوق فى الطلعة با العربية دة طبعا انا بتكلم على 1600 اوبل ونوبيرا لاكن لو اوبل 2000 يبقى الاوبل تتفوق
يعنى من الاخر شوف انت عايز اية عايز تكنولوجيا و ركوبة وبرستيج وثبات وكل حاجة
ولا عيز عربية تركب و تمشى متبصش على اعطال وكدة
طبعا لازم تعرف ان مصاريف الاوبل اعلى من النوبيرا ودى حاجة معروفة
معلش انا رغيت كتير وعارف ان الكلام دة هيضايق ناس كتير بس دى الحقيقة اللى محدش عايز يصدقها

المشاركة الأصلية كتبت بواسطة kimonesta

اولا معلش يارجالة مينفعش نقارن اوبل فيكترا ب النوبيرا دى اول حاجة ودة لعدة اسباب:
1-اولا دى فائة ودى فائة (يعنى الفيكترا الجديدة ب 170000 و النوبيرا الجديدة ب 70000)

يا جماعة أنتو فهمتو غلط ... أنا بقارن النوبيرا بالأوبل فيكترا b ال 1600 المنيوال أقل فئة

المشاركة الأصلية كتبت بواسطة omdaz_5538

النوبيرا من رأى فيها كتير من روح اوبل
هى عربيه ممتازه جدا و عمرى ما شفت حد اشتكا منها
و الثبات بتعها ماشاء الله
و موتورها قوى جدا شدينا بيها قبل كده مع تويوتا كورولا الجديده و خيطناها
و جرينا مع بى ام 2005 والله لحد 190 مافيش مشاكل خالص
موضوع الرفارف و خصوصا قدام فعلا اى تريحه بسيطه اوى اوى بتدخله لجوه

+11111111111111