احذروا محل موستاش عباس العقاد مدينة نصر !!

**meza** · 13-01-2008 06:23 PM

أولاً متسبش حقك
ده نصب علنى ... عندك جمعية حماية حقوق المستهلك . أو قدم بلاغ فى القسم

ثانياً أنا حصل معايا موقف كده برضوا فى موستاش اللى فى عباس العقاد
دخلت قعدت أتفرج على كام تى شيرت و قميص و عجبونى .. بس أنا مش بشترى على طول ... لازم أشوف كذا محل .... فقلتلهم هبقى أعدى عليكم تانى ... لقيتهم مصممين أقيس التى شيرت قلتلهم مش دلوقتى هبقى جى تانى ...... لأ هما راسهم و ألف سيف لازم أقيسه ... دخلت قيسته و لقيته جابلى تى شيرت تانى و قيسته برضه .... بعديها قلتله حلوين بس بعدين بقى
لقيته بصلى كده بقرف .... كأنى بلقح جتتى عليه .. رحت قلعت التى شيرت و سيبته و مشيت
من ساعتها عرفت طريقة التعامل بتاعتهم و مدخلتوش تانى

بس أنا بجيب بدل من موستاش اللى فى شارع الأهرام . الناس هناك أرحم شوية
بس فى عباس العقاد يا ساتر.
برضه فى guy laroche .... الناس هناك كويسه ...

**liquidator** · 13-01-2008 07:35 PM

يعني أنا مش أول واحد الناس دول يتعاملوا معاه وحش ... ان شاء الله هنحاول نديهم درس كويس ...

**tutankhamoun** · 13-01-2008 07:47 PM

خدمة عملاء في مصر = صفر أو ZERO أو زيرو أو Zero بالفرنسي أو Cero بالأسباني
بمعنى أصح لا يوجد خدمة عملاء لأن خدمة العملاء تتطلب ذوق و الذي هو منعدم عند غالبية شعبنا الجميل
أهم حاجة أزاي يموصوا دمك زي مصاصي الدماء و يأخدوا منك الفلوس اللي في جيبك
و لو ما أشتريت منهم تحس أنك حشرة من نظراتهم
معاملة زبالة
.......... يبقى أنت أكيد في مصر ...........

**liquidator** · 13-01-2008 10:45 PM

والله يا أخي كلامك في شيء من الصح بس أكيد مش كل الناس كده ... بس الناس دول بالتحديد عدوا حدود قلة الأدب بكتير كمان و وصلوا للوقاحه و السفاله و علي أد ما أنا متغاظ علي أد ما أنا مش عارف أعمل ايه و يكون حاجه تبهدلهم بجد بس واضح ان في بلدنا دي ما باليد حيله

**Dr Ahmed** · 13-01-2008 11:47 PM

المشاركة الأصلية كتبت بواسطة tutankhamoun

خدمة عملاء في مصر = صفر أو ZERO أو زيرو أو Zero بالفرنسي أو Cero بالأسباني
بمعنى أصح لا يوجد خدمة عملاء لأن خدمة العملاء تتطلب ذوق و الذي هو منعدم عند غالبية شعبنا الجميل
أهم حاجة أزاي يموصوا دمك زي مصاصي الدماء و يأخدوا منك الفلوس اللي في جيبك
و لو ما أشتريت منهم تحس أنك حشرة من نظراتهم
معاملة زبالة
.......... يبقى أنت أكيد في مصر ...........

كلام صحيح للأسف...
وبعدين؟؟؟
هو احنا فعلا بقينا وحشين قوى كده؟
إزاى وصلنا لكده من غير ما حد ياخد باله ويقف قدام التغيير ده؟
وإزاى مافيش حد بيقعد يدرس سلوك المصرى اليوم كدراسة مستفيضة ويضع الحلول؟؟؟؟
هو فيه إيه يا بلد؟؟؟؟؟؟؟؟

**ابوحميد** · 14-01-2008 12:08 AM

المشاركة الأصلية كتبت بواسطة tutankhamoun

خدمة عملاء في مصر = صفر أو ZERO أو زيرو أو Zero بالفرنسي أو Cero بالأسباني
بمعنى أصح لا يوجد خدمة عملاء لأن خدمة العملاء تتطلب ذوق و الذي هو منعدم عند غالبية شعبنا الجميل
أهم حاجة أزاي يموصوا دمك زي مصاصي الدماء و يأخدوا منك الفلوس اللي في جيبك
و لو ما أشتريت منهم تحس أنك حشرة من نظراتهم
معاملة زبالة
.......... يبقى أنت أكيد في مصر ...........

والله كلامك صح 100%
تدخل المحل وتكون ناوى تشترى امال يعنى بتضيع وقت وساعة لما متلاقيش حاجة عاجباك
يقوللك قيس ويلح الحاح كانه حيدهولك ببلاش
وانا من عادتى انى محبش اقيس قبل ما اسمع السعر يمكن ميعجبنيش يبقى ما بيا الا انى ضيعت وقت فى القياس
تلاقى الواحد من دول راسه والف سيف انه ميقولكش السعر غير لما تقيسه
ولو لا قدر الله معجبكش اللبس وانت بتقيسه يبصلك بقرف كانك اللى كنت بتبوس ايده عشان تقيس

**meza** · 14-01-2008 01:27 AM

المشاركة الأصلية كتبت بواسطة Dr Ahmed

كلام صحيح للأسف...
وبعدين؟؟؟
هو احنا فعلا بقينا وحشين قوى كده؟
إزاى وصلنا لكده من غير ما حد ياخد باله ويقف قدام التغيير ده؟
وإزاى مافيش حد بيقعد يدرس سلوك المصرى اليوم كدراسة مستفيضة ويضع الحلول؟؟؟؟
هو فيه إيه يا بلد؟؟؟؟؟؟؟؟

السلبية يا دكتور أحمد للأسف
كل الناس سلبية و لو قلت لأ محدش هيبقى شجاع و يقف معاك

لما ببص على الإضراب اللى عاملينه الكتاب فى أمريكا و لا إضراب سواقين المترو و القطارات فى ألمانيا و غيره .. بحس بالحسرة على حال البلد.... عندنا حاجات أكتر من كده بكتير لكن محدش بيعترض.

ليه لما أسعار بعض السلع غليت بدون مبرر ..... معملناش إضراب عن السلع دى .. يقولك جنيه مش هيفرق !!!! .... سلبية رهيبة ...

إيد وحدها متسقفش ... لازم كلنا نتفق إن إحنا نغير الوضع ....... بس طبعاً لسه بدرى على ما نوصل للمرحلة دى :(

**liquidator** · 14-01-2008 01:12 PM

المشاركة الأصلية كتبت بواسطة meza

السلبية يا دكتور أحمد للأسف
كل الناس سلبية و لو قلت لأ محدش هيبقى شجاع و يقف معاك

لما ببص على الإضراب اللى عاملينه الكتاب فى أمريكا و لا إضراب سواقين المترو و القطارات فى ألمانيا و غيره .. بحس بالحسرة على حال البلد.... عندنا حاجات أكتر من كده بكتير لكن محدش بيعترض.

ليه لما أسعار بعض السلع غليت بدون مبرر ..... معملناش إضراب عن السلع دى .. يقولك جنيه مش هيفرق !!!! .... سلبية رهيبة ...

إيد وحدها متسقفش ... لازم كلنا نتفق إن إحنا نغير الوضع ....... بس طبعاً لسه بدرى على ما نوصل للمرحلة دى :(

كلامك كله صح بس كل واحد بيقول أنا مالي مع اننا كلنا متضررين !!!

**Demirell** · 07-02-2009 11:34 PM

أعتقد اللي بيعملوه صحاب المحل ده ممكن يكون علامة من علامات غسيل الأموال!!

ليه لأ....ما كل شيء جايز في البلد دي! :)

**Terrible_DaRsH** · 08-02-2009 06:47 AM

للاسف ده بقي حال المحلات كلها ..
رقة فى التعامل واحترام ويقنعك انك زوقك قى الملابس مفيش زيه ويقولك خلى يا باشا عنك احنا بنشترى زبون محترم بس ...
مرة دخلت توكيل ملابس بدون ذكر اسمه ..
فعجبنى تى شيرت فبصيت عليه .. وانا ببص عليه لاقيت واحد لازق فى ظهرى وبيقولى زوقك تحفة ..
فقلت له شكرا .. واشتريت التى شيرت وانا بدفع لاقيته بيقولى انت تشرف فى اى وقت وكلام حلو وابتسامة جميلة ...
رحت تانى يوم ارجعه علشان كان (منتوش) وكمان كان واسع شوية ..
لاقيت الرجل المحترم اتقلب الى بلطجى وخرج بره البدلة اللى لابسها والابتسامة اتقلبت الى تكشيرة مفيش بعدها وسمعنى كلام زى الفل ...
وكمان وانا ماشي بيقولى ده انا عامل لك تخفيض على التى شيرت مع ان مفيش فصال فى اى توكيل اساسا ...
فبقيت اخد بالى بقي من ساعتها ...