احذروا محل موستاش عباس العقاد مدينة نصر !!

**Busquets** · 08-02-2009 08:56 AM

على فكرة أنا واثق انك لو بلغت ف أي قسم بوليس هتاخد فلوسك كاملة
أنا عند والدي محل وبنشوف أشكال ميعلم بها ربنا
ناس غريبة تاخد البدي وترجعه بعد سنة !!!! وتقول لك مش عيزاة ومش دخل فيا
طب أنا مالي هو أنا الي قولت لك تاكلي!!!
ولو قلت لها مش هرجع تجب البوليس وساعتها لازم تدلها فلوسها !
عشان كدا متسبش حقك وروح بلغ وهتخد فلوسك !

**osamaesm** · 08-02-2009 12:42 PM

مش كل المحلات كده
انا السنه اللي فاتت او اللي قبليها اشتريت بنطلون قطيفه من داندي اللي في طيبه مول قبل مايقفل وروحت البيت وقصرته وولسته 3 او اربع مرات وكان سليم ومفيهوش حاجه وبعد اسبوع بلبس البنطلون لاقيته بدأ يدوب كده من الحجر وبقي شفاف وخلاص هبتقطع
رحت لهم وقلقتلهم انا مشتر البنطلون ده من اسبوع تقريبا وحصل فيه كده بعد مالبسته 3 او اربع مرات وقصرته
قالي افتكر اليوم بالظبط او تقريبا (ما كنتش واخد فاتوره )افتكرت اليوم بالعافيه
قالي هي اكيد غلطه في القماش احنا اسفين عايز واحد تاني قلتله لا
لاقيته بيطلع الفلوس قلتله طب ممكن اخد حاجه تانيه قالي المحل محلك واحنا اسفين وخد بنطلون جبردين ووكان في فرق فلوس فخدت حاجه تانيه
مع ان داندي محل مش قد كده بس بصراحه احترمتهم من ساعتها

**mohmd76** · 08-02-2009 01:15 PM

قسم الشرطة على بعد دقائق
ثانيا يوجد جهاز حماية المستهلك ويعمل بجد ويعطى الكثير من الحقوق ويكفى انه بدا بقوة فى البلد وكثير من الناس فعلا استجابت معه

**abou_ruqi** · 08-02-2009 02:14 PM

كلم 19588 وهما حيعملوا اللازم

http://www.cpa.gov.eg/

**maka** · 08-02-2009 05:12 PM

ياباشا اعمل محضر وكلم بتوع حقوق المستهلك وكده تبقى احلى شوشرة

وممكن كمان تعمل محضر تقول انا موبايلك اتسرق هناك (بس كده هيبقى ادعاء كاذب)

**Goodle** · 09-02-2009 02:50 PM

شكرا على التحذير

**semsem67** · 11-02-2009 04:40 PM

أقول لك فكرة من اختراعي وجربتها و نتيجتها مضمونة : اكتب ملخص الموضوع أن المحل ضحك عليك وباع لك بنطلون مقطوع بسعر كذا واستحل إنه يأخذ منك البنطلون وميرجعش الفلوس - يعني باعه مرتين واكتب بعدها عبارة : أنا مش مسامح - حسبي الله ونعم الوكيل ، واطبع منها عشر نسخ وكل ليلة إلصق نسخة على باب المحل بعد ما يقفل بالليل وروح لهم بعد كده وحيدوك فلوسك - بس ابقى ادعي لي - ؛أنا حصل لي موقف مشابه والطريقة دي ممتازة ؛ لأن الشكوى لغير الله مذلة ، ومفيش حاجة تزعج أي تاجر أكثر من الشوشرة وسوء السمعة-تحياتي