ياراجل.....انت مضايق لية اوى كدة
ده قسم شرطة دار السلام الجديد اتعمله افتتاح ا بالزينه والنور الملون والدي جيى .....
كان ناقص يكون فى نقطة للمأمور ورئيس المباحث ...........
عرض للطباعة
ياراجل.....انت مضايق لية اوى كدة
ده قسم شرطة دار السلام الجديد اتعمله افتتاح ا بالزينه والنور الملون والدي جيى .....
كان ناقص يكون فى نقطة للمأمور ورئيس المباحث ...........
ههههههههههههه أخ شكلك كده ياhuman12 من الناس اللي بتعمل كده وبتشجع علي كده
طب هاتلي شربات مانجه بس من غير سكر علشان انا السكر علي عليه النهارده وياريت السندوتش
يكون تشيكن هاواي وياريت تشغلي أغنيه صمت السكون اللي ميكنش فيها كلمات خالص ولا ألحان
غير السكوت ههههههههههه
الموضوع مش كده الموضوع اني كنت تعبان جدا وكنت مطبق
يومين صاحي ويدوب نايم بعد صلاه الفجر وحصل اللي حصل
ومش انا لوحدي اللي اشتكي من الموضوع ده ناس كتير في
المنطقه أشتكوا من الموضوع ده علشان كده قلت اناقش
الموضوع ده معاكم هنا يمكن نلاقي حل يرضي جميع الأطراف
ده مرض إسمه الإحداث
طيب ماتشتكوا - ده حقك
و هما برضه عملوا الواجب قبليك و مافيش حد هيتناقش معاهم
انت حر انك تشتكى و هما حرين يعملوا الواجب
طيب اقولك - اديك حرقت دمك و تعبت نفسك و عملت شكوى النتيجه ايه؟؟
بص هقولك على الخلاصه ديه اللى خلت الديناصور ينقرض انه ماقدرش يتكيف مع الموقف
فيبقى لازم تتكيف - ونرجع للسؤال الاولانى واجبك معاك ولا عايز اصطباحه
على فكره الديناصور كان برجماتى برضه :)
اهو الراجل ده متكيف مع الوضع
صباااح الخييييير
صبح تاتا
هههههههههههههه الحمدالله اني مش ديناصور وألا كنت نزلت كلتهم وعملت بيهم أحلي أصطباحه
وبعدين الحمدالله ماليش في الواجبات حاتم سليم عايز اصطباحه ابقي اديله من الواجب والأصطباحه
اللي معاك هههههههههههههههههههههه يعني ايه برجماتي دية علي وزن برجوازي ههههههههههه
أقسم بالله ده تخلف عقلي و تصرف عشوائي لا يمت للتحضر بصله
المصيبه إن الخطا إذا شاع صح و الناس كلها بقت واخده على كده و عااااادي الناس جرالها إيه !
أنا مره رحت فيصل لقريبي ساكن في التاسع و صوت الدي جي مسمع عنده تخيلوا اللي ساكن في الأرضي يبقى عامل إزاي و تيجي تتكلم يقولك ده يوم واحد و كل سنة و إنت طيب
ربنا مش هيبارك لأي عريسين يعملوا كده خالص من الدعاوي الناس المريضه و كبار السن و اللي عايز يذاكر و اللي راجع من شغلوا تعبان نفسوا ينام
لازم يطلع قرار من محافظه يمنع الدي جي ده للابد
لا حول ولا قوة ألا بالله فعلا ربنا مباركلهمش لسه عارف دلوقتي ان العربيه اللي كانت شايله أثاث الزوجيه لعش الزوجيه
السعيد عملت حادثه ونص العفش والتنجيد اتبهدل وأتكسر ومش كده العربيه اللي شايله الدي جي
اتسحبت رخصها وصادروا الدي جي اللي كان علي العربيه فعلا اكيد فيه ناس دعوا عليهم وربنا
استجاب لدعواتهم فعلا ربنا يٌمهل ولايهمل
وسبب الحادثه ان السواق كانوا عملين معاه الواجب وعملين معاه احلي أصطباحة بانجو فمعرفش يسوق وخيش بعربيته وبالعفش
بالذمة!
والله أنا فرحت .. رغم إنى متأكد إنهم مش هيفكروا أبدا إن المصيبة دى ممكن تكون بسبب تعديهم على حقوق الناس وأذاهم وإكراههم على سماع الأغانى بصوت منفر ساعات طويلة
بس خد بالك طالما التنجيد إتبهدل يبقى الليلة هتتكرر من تاااااااااانى بس المرة دى هيسيبوا الدى جى شغال تحت بيتكم مش هينقلوه بالعربية