اقتباس:
المشاركة الأصلية كتبت بواسطة mohammad_alshamy
ده ممكن يكون في طبه من طبات الموتور دابت ولا حاجه , او خرطوم مش راكب صح سواء في الوصلات الداخله اوالخارجه للموتور او كوع الثرموثتات !! لكن مظنش ان ان الطلمبه تعمل تنفيس , لان الطلمبه تبوظ لما بتتأاكل الشفرات الداخليه لها والمفروض عمرها الإفتراضي 80 الف كم أو 8 سنين , والمقصود بالشفرات اللي هي بتقلب الميا جوه دوره التبريد , يعني مستبعد شويه ان الطلمبه تعمل صوت تنفيس
وده حسب معلوماتي
ولو فرضنا انك غيرت الطلمبه او اي حاجه في دوره التبريد فـ ده ملهوش اي علاقه بسير الكاتينه طالما انه لسا جديد , يعني لا تغير سير كاتينه ولا شداد
ولو هتغيير الطلمبه ممكن تبص بالمره على الثرموثتات والكوع
سعر الطلمبه الإيطالي حوالى 110 جنيه
سعر الطلمه الالماني حوالى 90 جنيه
سعر الطلمبه الصيني او الكوري حوالى 70 جنيه
وسعر الكوع حوالى 20 جنيه او 25 جنيه
وسعر الثرموثتات حوالى من 25 جنيه لـ 45 جنيه تقريبا حسب النوع
والله أستاذ يا أخ mohammad_alshamy فعلا كان كوع الثرموستات متاكل خالص و المية بتنفس من عند أول الكوع. غيرته عند أبو الحسن و بالمرة جبت طقم بوجيهات NGK و طقم فلاتر بنزين و هواءGM يعنى قلت نضافة كاملة و جبت جركن مية أسبانى أخضر. و الحمد لله بقت تمام. على فكرة محمد هاشم الميكانيكى تعبان عنده إنزلاق غضروفى و مبينزلش الشغل بقاله أسبوع (وجب التنويه لأن على و محمود عند أبو الحسن قالى إن ناس كتير يتيجى تسأل عنه)
الأسعار كانت:
كوع الترموستات 30 جنيه
بوجيهات NGK حوالى 35 جنيه
فلتر بنزين 35 GM
فلتر هواء 20 GM
جركن مية خضرا 35 أسبانى (كان عنده السعودى 25 جنية)
خرطوم فايظ للهوا 15 جنية
مصنعية 40 جنيه
بصراحة الواحد بأسعار اللانوس دى بيحس إن الدنيا لسه بخير.
الف شكر للأخوة اللى ساعدونى و شكر خاص للأخ mohammad_alshamy
و حمدا لله بالسلامة يا أخ محمد ممدوح و عودت لنا بالسلامة
ممنوع الكتابة باللون الاحمر حيث انه مخصص فقط للمداخلات الادارية
مشـــرف دايــــو