و بجملة الرغي معلش استحملني لو عندك معلومات عن المساعدين بتوع الفيرنا و البيضات و الحاجات دية بتبوظ تقريبا بعد اد اية و بكام ؟
عرض للطباعة
و بجملة الرغي معلش استحملني لو عندك معلومات عن المساعدين بتوع الفيرنا و البيضات و الحاجات دية بتبوظ تقريبا بعد اد اية و بكام ؟
علي فكرة أنا لا خبير و لا حاجة ،،
أنا مجرد مستخدم للعربية ،،
يعني كلامي مش ثقة ،،،، بس اديني بدردش معاك
النتيروجين ،،
بيفضي الهوا من العجل و يملاه نتيروجين ،، ميزتها إنه لا يتمدد و لا ينكمش مش محتاج ضبط بعد كده ،، بينعم العربية نسبيا و يقلل احساسك بالطريق و عين القطط و الحاجات دي ،، و لو العجلة نامت بتزودها ( المفروض متنامش بالنتيروجين تتخرم بس ) طبعا تزودها هوا عادي لحد ماتروح لحد بتاع نتيروجين و تملاه تاني
تكلفته عشرين جنية للأربع فرد ،،
معرفهش تأثير الكاوتش النسر علي العربية كمكونات ايه ،، بس اعتقد مش تأثير فظيع ،، مادام استخدامك معقول
بس طبعا تأثيره علي أداء العربية أكيد انتا حاسه دلوقتي ،،
الكاوتش مش حاجة سهلة ده اول علاقة ما بين العربية و الشارع ،، و تأثيره فظيع علي العربية ،،
بش أنا زيك استخسرت أغيره ،، خاصة أنا عندي لاسا تركي مش نسر كمان ،، قالولي ماهو الكاوتش الجديد بعد عشرين الف هينشف هوا كمان
أنا زي ما قلتلك عمري مظهر عندي أصوات مع الفرامل بس يعني دي بقت ظاهرة في كل العربيات اليومين دول و ممكن تتابع مواضيع كتير في المنتدي عنه لعربيات تانية فكويس أوي إنه مش مستمر عندك ،، و ده ميمنعش انك تتابعه مع التوكيل ،، في كل صيانة ،،
بخصوص العفشة و المقصات و الحاجات دي معنديش خلفية لأني زيك يدوب 11 الف كم ،، اللي سمعته من الناس قبل ماشتريها و دي كانت اهم حاجة عندي لأني ساكن في حتة مدغدغة ( عايزه عربية نص نقل مش حتي دفع رباعي ) إن عفشتها كويسة و معمرة و مفهاش مشاكل عامة ،،
عموما أنا بس مش عايزك تبقي شايل الهم اوي كده لسه قدامك 40 الف كم ضمان و انتا مضبط التوكيل حسب كلامك و لو حسيت انك مش عارف تحافظ عليها علي 80 أو 100الف و بيعها ،،
و لا تخش في عفشة و لا موتور و لا الكلام ده ،،،
وفين الاقيه النيتروجين ده
عند درش ،، زميلنا بالمنتدي ،،
و عند مراكز بريدجستون ،، دول اللي اعرفهم ،،،
و اعتقد في ناس بتوع كاوتش كتير برده جابوهم ،،
الكاوتش النسر اللي بيركب في الفيرنا يا جماعة كويس و عن تجربة
لأن النسر أنواع كثيرة و يقوموا بتركيب أفضل نوع من النسر في السيارات الحديثة و هو كاوتش مختلف عن الذي يتم تركيبه في الشاهين
و الكاوتش ممتاز فعلا ............ و يجب الحرص في المطبات مع أي ماركة كاوتش
و ربنا يباك لأصحاب الفيرنا في عربياتهم و يبارك لأعضاء المنتدى كله
و هذه صورة للكاوتش مصحوبة بمعلومات عنه
http://i11.tinypic.com/73dkp04.jpg
مع احترامى الشديد لرأى حضرتك ، معلش انا لى رأى مختلف تماما عن الكاوتش النسر الى فى الفيرنا ، علشان انا قبل ما اغيره كنت قرفان جدا من العربيه و مكانتش طابقها كنت حاسس بان العربيه ناشفه زى الحجر فى المطبات و كمان كانت بتحدف يمين حتى بعد ضبط الزوايا و كمان كانت العربيه بتترج عند سرعه 110 كم و انت طالع حتى بعد ما رصصت ، لكن الحمد لله بعد تغيير الكاوتش كل ده اتظبط و كمان لاحظت ان بعد ما الكاوتش الجديد اتركب الراجل شال كل الترصيص القدبم و العجل طلع اصفار ما عدا عجله واحده بس الى كانت محتاجه ترصيص ، و انا انصح اى واحد معاه فيرنا فيها كاوتش نسر انه يغيره و ميستناش عليه كتير.
النسر فعلا قوي جدا و مخصص للاراضي الصحراوية و الجبلية الي احنا عايشين فيها و سعره رخيص و اكيد القوه و الرخص مش ببلاش اكيد لازم يكون فية شوية عيوب بنضيع اكبر قدر منها بالرصيص و خلافة
اما موضوع الرصيص انصحك عن تجربة عنيفة ما رصصش علي كومبيور لان عكل الفيرنا ترصيصة علي الكومبيوتر فاشل جدا و في محطات في اسكندرية مش بترضي ترصص للفيرنا بالذات لانة مش بينفع فيها
يبقي تروح لحد بيرصص زي زمان يرفع العربية و يخلي العجل يلف في الهوا و يشوف الذبذبات و دول بيكونوا نادرين جدا يعني في اسكندرية انا ما اعرفش حد هنا بالمنظر دا غير واحد بس في محرم بيك بيعمل الموضوع دا بالرغم من ان عندة كومبيوتر
المنهم ان الهزات ما راحتش من العربية غير لما غير موضوع الكومبيور دا و رصصتها كدا الذبذبة راح بكاوتش النسر
جرب و ادعيلي بس حد يكون معلم
, متشكر جدا للاستاذ احمد انور علي الرد بس فية واحد صحبي مغير بيضات علي 30 الف اية بقي الحوار دا يمكن علشان حالة فردية و لا مشكلة عامة بالمناسبة هوا سواقتة محترمة جدا
ما تخفش يا سيدي اسعار العفشة بتاع الفيرنا انا سالت عليها و نزلتها قبل كدا في النتدي دا لقيتها كويسة جدا و خصوصا لو جبتها من محلات بره مش توكيل بس المهم تروح عند حد يركبهم كويس او لو ممكن تاخد الحاجات دية يركبوها هما في التوكيل يبقي افضل برضة بس مش عارف ينفع و لا لا