انا بقى كنت ماشى على الزراعى جنب سواق تريللا (الله يحرقهم جميعا)
البيه كان نايم والعربية عمالة تروح يمن وشمال وكل دا وانا بعدية
لولا ستر ربنا كان زماى انا وابويا معجونين جوا العربية
المصيبة انى بديلو كلاكسات ونور وكان فاضل اطلعلو من الشباك
دى بقى حصلت مع عمى
تريللا برضة قطعت الطريق الزراعى عند ابو حمص من الناحيتيين مرة واحدة
وكان فى عز الصيف والناس بتبقى رايحة جاية من اسكندرية
الراجل اتسبب فى خبط مش اقل من 10 ل 15 عربية ورا بعض
لولا ان عمى كان بعيد شوية كان لاقدر الله مات مع اللى ماتو (ربنا يرحمهم)
لدرجة ان الظابط اللى جة قلع الجاكت بتاعو ونزل ضرب فيه واعد يقولو انا مش ظابط ياعم اللى عندك اعملو من كتر هول الحادث
ربنا يكفيكو شر الطريق
المفضلات