ألف شكر يا أستاذ سمير على تعبك معايا
وانت فعلا أخ فاضل
لكن بالنسبة للبارات أنا غيرتهم من 6 شهور تقريبا والثبات مفرقش خالص قبل أو بعد التغيير أنا هاراجع عليهم تاني وهارد عليك
اقتباس:
لكن بالنسبة للبارات أنا غيرتهم من 6 شهور تقريبا والثبات مفرقش خالص قبل أو بعد التغيير أنا هاراجع عليهم تاني وهارد عليك
:018:
1- يبقى أكيد غيرتهم علشان كنت بتطير برضه
يعنى كنت أنت والعفشجى أو بتاع الزوايا بتفكروا صح
فأى لعب جانبى فى المنطقه دى حيبوظ التوجيه معاك
والعربيه حترقص معاك مع أى مقاومات جانبيه لها ( زى الهواء فعلا )
وستصير السياره مع السرعات
مثل القشه الملقاه فى مهب الرياح .....توديها وتجيبها كيفما تشاء
وعلى حسب الريح ( على رأى حلم )
حتروح وتيجىء مع مقاومة الهواء الجانبيه للسياره
وحتبقى أنت على طول (سواح ) ...على رأى حلم
وأنت باعينى غلبان ومظلوم
وعمال تقول
أنا طير فى السماء ..........على رأى أيمان البحر درويش
أو أنا طاير ...................على رأى سامح يسرى ( اللى مش نازلى من زور كمطرب )
_____________________________________________
المهم دواك وشفاك فى الحته دى يا أحمد باشا
هى أو موضوع لعب البلى فى الركب ( موضوع الموتوسيكل )
:ask:
غالبا ممكن تحتاج تغير بيض وأتياش
طالما مغير البارات
بس أهم شىء
تختار عفشجى وبتاع زوايا
يكونوا ناس بيفهموا
حساسية المنطقه دى
باركلي يا أستاذ سمير المشكلة شكلها اتحلت خلاص يارب تكون اتحلت
باركولي يا جماعة الحل طلع في حاجة بسيطة خالص
باركولييىىىىىىىى باركوليىىىىىى
أنا جربت الطيران على سرعة 80 في الرياح الهادئة والمتوسطة والحمد لله مطارتش
جاري تجربة الحكاية في رياح قوية علشان هي اللي بتفرق وهتوضح النتائج ويارب ما تطيرش
وهأقولكم على اللي عملته بس بعد التجربة علشان اتأكد ، لأني بدأت أقارن بين عربيتي والعربية اللي مش بتطير ولقيت الفرق ده وجربته
اللي هيعرف الحل هيكسب المسابقة
المشكلة لغاية دلوقتي تكمن في كلمة من 5 حروف ، ويارب ما تتغيرش
مين عرف ؟:Ta_clap[1]::Ta_clap[1]:
الاجابه
سوااق
طب ما تقولنا انت خلينا نفكر معاك
زوايااقتباس:
المشكلة لغاية دلوقتي تكمن في كلمة من 5 حروف
:U_thin1[1]:
اتياش
وقد يكون الحل فى كلمةاقتباس:
باركولي يا جماعة الحل طلع في حاجة بسيطة خالص
مسمار
أو
ميزان
اقتباس:
المشكلة لغاية دلوقتي تكمن في كلمة من 5 حروف
:C_laugh[1]:اقتباس:
سوااق
أوعى يكون
علايات
لحسن كده
تبقى أنت كنت حاطط قوالب طوب على سيفها ( أو بالطول ) تحت السوست
اقتباس:
لخبراء الثبات وتماسك العربية وعدم طيرانها في الهواء
:120146bاقتباس:
الإسم / أحمد
تاريخ الميلاد 1985
الوظيفة / للأسف صعب أقولها علشان أنا مشهور شوية ولو حد عرفني وعرف موضوع طيران العربية هيضحك عليا وبالأدلة وخصوصا إن معظم مواضيعي غريبة شوية :E_braces[1]: وهو ده أحد أسباب تأخري عن الرد
يامثبت العقل فى الراس يارب ..........هذا دعاء منى لله
أنت بتشتغل أيه ياحج / أحمد
وأيه شهرتك دى اللى خايف عليها
أنا حاسس أنك شغال حاوى مثلا
أو شغلانه ليها علاقه بالتمثيل والذى منه
أوعى تكون أحمد حلمى
أو أحمد عز
أو أحمد ؟؟؟؟؟؟؟؟؟؟ ....بتاع حماده يلعب
صح الإجابة صحيحة وكسبت معانا المسابقة
للأسف سواق أربع حروف ، وحاول مرة تاني كل ما تتصل أكتر فرصتك في الفوز تكبر
هي قوالب الطوب تعمل كده ؟ :d
الإجابة الصحيحة هي :
1- ز
2- و
3- ا
4- ي
5- ا
زوايا
لكني وقعت في مشكلة ان اللي بيظبط صح بيبدل الكاويتش وبيخلي الطارة عوجة واللي بيظبط وبيخلي العربية تطير الطارة بتكون عدلة (ظبطت عند 3 أماكن نفس النظام ) وفي مكانين ظظبطت العربية بتحدف وحديها مرجعتلهمش تاني
والحمد لله لغاية دلوقتي مطارتش لكني مش عارف امشي بطارة معووجة وكاويتش معمول له مقصات
عايز حد يعلمني أظبط زوايا علشان اظبطها بنفسي
في حاجة عايز أضيفها
إن الفرق بين الاتنين اللي بيظبطوا زوايا إن واحد فيهم بيخلي العربية لما تحود يمين فيها مساحة لا تستجيب السيارة للحركة مباشرة عكس الشمال ، ولو الطارة موجودة في المنطقة دي العربية بتطير
المهم في الآخر العربية ما تطيرش في الرياح الشديدة شوية وده اللي عايز أتأكد منه
ولا ليا أى دعوه بيك
ألا أما أعرف
أنت بتشتغل أيه
وإن شاء اللهاقتباس:
صح الإجابة صحيحة وكسبت معانا المسابقة
المكسب ده أيه
بضاعه أتلفها الهوى مثلا
للأسف بعد ما رجعت الزوايا عند اللي بيخلي الطارة عدلة العربية طارت وبتطير من غير وجود هواء كمان
أنا زهقت فعلا
أنا جربت هيوانداي أكسنت على الرغم من قلة وزنها (أعتقد إنها أقل من الشاهين في الوزن) لكن ثباتها عالي
فكده في حاجة
عموما أنا رفعت العربية في البنزينة ورفعت العجلتين الأماميتين وخليت العفشجي يحاول يحركها علشان نشوف هل هي مش ثابتة وبتتحرك (مع تثبيت الطارة ) ولا لأ طبعا كانت ثابتة جدااااااااااا
لكن في حاجة عايز أضيفها إن على سرعة 40-60 الطارة بتتهز يمين وشمال زي ما تكون عايزة ترصيص لكن على 100 مفيش أي هزة طبعا دي حاجة جديدة ظهرت بعد ما رجعت كل حاجة زي ما كانت
فهل ده ممكن يفيدنا بحاجة ؟ أو علامة لحاجة؟
عموما أنا مستني في الأجازة لو ما توصلتش لحل هاجيب المساعدين القدام عندي وهرجع كل حاجة كانت زمان مساعدين بارات كاويتش هافك العلايات واللي مش موجود هجيبه استيراد مش جديد علشان يبقى زي الأصلي تماما يمكن نتوصل للحل
لكن في سؤال تاني
لو جربت شيفروليه لانوس لسه طالعة من المعرض هل هتكون مظبوطة زوايا ولا لأ ؟
ظاهره فريده من نوعها فى عالم السيارات
وأن دل هذا على شىء
فإنما يدل أن السيارات الانوس على وجه الخصوص
كسرت حاجز الصمت وأستطاعت أن تقلع عن الأرض
وتنفذ رحلات مكوكيه عبر الهواء ........
قبل أن تأخذ هذا الأتجاه
ماركات عريقه مثل المرسيدس وال bmw
كان عندى الحوار دة ع خفيف يعنى سرعات فوق ال 150 طلع زوايا (بعد 6محاولات) و ضغط العجل (مفيش قراءة صح ابدا) يعنى انفخ واللى تستريح لية خليك معاة سواء قرايتة بقى كانت 50 ولا 30 ولا حتى 70
ملحوظة انا عمرى مازودت ضغط الهوا عن 28 اكتر من كدة العربية تعووم و ترزع فى المطبات جامد مش عارف اذاى بتستحملوا 32 دى !
موضوع عدم الثبات دا طبيعي في اللانوس
خصوصا لو كنت بتسوق عربية قبلها هتحس بالفرق دا
بس على السرعات العالية فوق 100
هى اللانوس مش ثابتة زى الBMW و المرسيدس بس مش لدرجة العومان على 100... مع احترامى الشديد دة عيب سواق
MMamdouh
دة طبيعى لان الكاوتش مش منفوخ و عامل زى السافنجة و بيمتص الصدمات... فى الملفات حتلاقى جسم العربية بيروح يمين و شمال فى الملف و حتلاقى العربية مش بتستجيب كويس لحركة الدركسيون
انت ممكن تجرب تزق العربية للجنب و هى واقفة و العجل منفوخ على 28 حتلاقيها بتروح يمين و شمال كتير لان العجل مش منفوخ كويس
MMamdouh
بالنسبة لنقطة المداس فا دة صح... الاطارات المنفوخة زيادة عن اللزوم او اقل من اللزوم بيبقى ماسها مش متصل بشكل كامل مع سطح الطريق... بص على الصورة دى:
http://s3.hubimg.com/u/858390_f496.jpg
اول صورة من اليمين دى لاطار منفوخ صح (صح يعنى حسب تعليمات كتالوج العربية) و زى ما انت شايف سطح المداس بالكامل متلامس مع الطريق و بيديك اعلى تماسك... لاحظ برضة ان جوانب الاطار مريحة حاجة بسيطة و دة بيساعد على امتصاص جزء من مطبات الطريق
الاطار اللى فى النص مفوخ زيادة بالتالى شكلة بقى دائرى شوية و جوانب المداس مبقتش ملامسة للطريق... لاحظ برضة ان جوانب الاطار بقت شبة مستقيمة و دة حيسبب دبدبة فى المطبات لكن حيسبب خفة فى الدركسيون و سرعة استجابة كويسة للدركسيون
الاطار اللى فى اقى الشمال منفوخ اقل من اللازم و بالتالى منتصف المداس بقى داخل لجوة و بعد عن سطح الطريق... و جوانب الاطار بقت طرية جدا و دة بيريح فى المطبات بس وحش فى الملفات (العربية حتبقى اكنها بكاوتش مصنوع من الملهلبية و الدركسيون مش حتبقى استجابتة سريعة و ممكن كمان يبقى تقيل)
لاحظ كمان ان دة بيفرق فى تاكل الاطارات حسب الرسم التالى:
http://static.howstuffworks.com/gif/tire-problems.jpg
بالنسبة لمقاس 195/50/15 فا الكاوتش دة اصلا الجوانب بتاعتة قصيرة و بالتالى طبيعى تحس بالدبدبة... دى طبيعة المقاس دة... ممكن تجرب تنفخ على 30 زى ما قال ابو فارس و تشوف الدنيا عاملة ايه طالما الدبدبة مدايقاك... الكهم تبقى عارف ان دة مش عيب فى حاجة... دى طبيعة المقاس دة
MMamdouh
عارف ان فيه ناس هتزعل من كلامي
بس صرحة أسوأ سيارة جربتها في موضوع الثبات دا كان اللانوس
كان معايا اكسل 94 لمدة سنتين افضل بكتيرمنها
أما النوبيرا وضع تاني ماحستش بفرق خالص بينها وبين الكورلا2006
وأكيد ملاك اللانوس عارفين هذا الفرق الواضح بينها وبين النوبيرا
وماحدش ينتظر من عربية في حدود سعر اللانوس ثبات البي ام ولاالالماني بوجه عام, بس النوبيرا افضل الموجود
وكل واحد مقدم على شراء سيارة لازم يكون عارف كويس احتياجاته منها وعيوبها علشان مايقعدش يشتكي كتير في المستقبل
ومافيش عربية خالية من العيوب
اقتباس:
أما النوبيرا وضع تاني ماحستش بفرق خالص بينها وبين الكورلا2006
وأكيد ملاك اللانوس عارفين هذا الفرق الواضح بينها وبين النوبيرا
وماحدش ينتظر من عربية في حدود سعر اللانوس ثبات البي ام ولاالالماني بوجه عام, بس النوبيرا افضل الموجود
الله يستر طريقك ياشيخ
ويجبر بخاطرك
زى ماجبرت بخاطرنا
انا الكوتش عندي ميشيلان وده مش فاكر ضغطه لغايه كام بس كان حاجه عاليه خالص يعني يمكن 50 او 60 حاجه كده عشان كده لما بنفخه خالص يعني حتي 32 بيبقي ناعم ومش بيدق في المطبات او عين القطه اما بنسبه لثبات اللانوس انا جبت بيها 180 وسايب الدركسيون بصراحه كان مسافر معايا واحد صحابي معاه اسكوده فانتزيا زيرو قالي ان العربيه ديه ثابتها حلو لغايه 180 وسايب الدركسيون والعربيه تمام وديه حاجه كويسه ربنا يدمها نعمه
بس والله يامحمد
أنا بأحب العربيه الانوس جدا
ولولا ظروف عدد الأسره
أنا كنت جبت لانوس
كفايه أن كل حاجه فى الحوض واضحه زى الشمس
والشغل فيها بمنتهى السهوله
أما النوبيرا مضلمه شويه والغرفه فيها نسبة لعبكه كبيره عن الانوس كتير
___________________________________
الانوس عربيه ممتازه ومبسطه للغايه
وجمعت كل الأمكانيات المعقوله والبساطه لعمل أى واحد بيفهم فى الميكانيكا فيها بمنتهى السهوله
أما الشغل فى معدات حوض النوبيرا
فده قصه تانيه
طبعا المقصود الانوس ال sohc
لأن أكيد الانوس ال dohc برضه فيها من ريحة النوبيرا
خلاص... تعالى نبدل المكن انا وانت
MMamdouh
ياباشا من غير مانبدل
لو تلزمك النوبيرا بتاعتى كمان مع الانوس
فهى لك
هى تكتر عليك
كفايه كل اللى بتعمله مع الأعضاء ومعايا أنا شخصيا
:POINTIy2[2]:
الله يخلليك يا هندسة
MMamdouh
ربنا يكرمك ويصلح لنا ولك الأحوال
آمين يارب
الانوس زيها زى اى عربيه لو مظبوطه هتديك ثبات زى الفل لو العفشه مفككه والكاوتش مهرى هتبقى زبالهاقتباس:
عارف ان فيه ناس هتزعل من كلامي
بس صرحة أسوأ سيارة جربتها في موضوع الثبات دا كان اللانوس
وهقولك على مثل بسيط
انا جربت عربيه bmw الفئه التالته موديل 97 بتتباع عند تاجر صاحبى العربيه شكلها متهان
لقيت العربيه موتور صوته عالى مفيش سحب فرامل زى الزفت وبتصفر و120 كيلو العربيه بتتفسخ من بعضها
هل انا نزلت قولت ان ال bmw عربيه زباله ومبتجريش وبتعوم
اكيد لا
قولت العربيه دى كانت مع واحد ظالم انما مش معقول ان ال bmw كله بالشكل ده
صح
نفس الكلام على الانوس لو جربت عربيه سليمه مش هتزعل ابدا
العيب القاتل فى الانوس كان الفرامل واتحلت خلاص
انا باخد بعربيتى لانوس 2008 ربنا يحميها ملف دمياط الجديده ( للى يعرفه ) على 130 كيلو
قبل كده واحد صاحبى قالب عليه على 140 بالابيزا وطبعا محدش يتكلم فى ثبات الالمانى
بس كلمة حق
علشان مبقاش ضلالى انا كنت هموت على نفس الملف بسرعة 120 كيلو بس كنت مجنط 175\70\13
دلوقتى مع الجنط 195\50\15 وكاوتش TRACION AA اوضع اختلف
من الآخر
عايز تتبسط من ثبات اى عربيه
ارزعها طقم جنط وكاوتش صح ( LOW PROFILE ) وربط عفشه وزوايا صح
ويا سلام لو طقم يايات سبور ( توطى العربيه )
وعيش بقى ومتكلمش عن الثبات بعد كده لو راكب 126 حتى
وشكرا للتحيه
بصراحة شرح روعة ولا اجمل الف شكر لييك بجد روح ياشيخ ربنا يكرمك بحتة عيون كدة انشاء الله :) :)
النهاردة زودت ضغط الهوا من 28 ل 32 طبعا الباور خف جدا بقى ذى عربية الملاهى! الدبدبة زادت حاجة بسيطة (اسكندرية الكورنيش كلة عيون قط) بس مش مزعجة للدرجة
الانتقال من الحارات ع سرعة عالية 120 او اكتر بقى دلوقتى يتطلب منى حرص زائد بسبب خفة الدركسيون يعنى ع ضغط 28 لو بحرك الدركسيون سننة وانا ع 120 دلوقتى بحركة نص سننة! ودة زود احساسى بالقلق بس اكيد حتعود !!
سحب العربية زاد و دة طبيعى و الثبات اعتقد مختلفش قوى بس العربية بصفة عامة زيادة الهوا ايجابية افضل و انعم من ال 28
لباقى الاعضاء وابو فارس تحديدا الجنوط والكلام دة و عرض الكاوتش طبعا حثبت العربية بس كام شهر تتعود علية وتنسى العربية كانت اذاى فى الاول حتبتدى تدور ع حاجات تانية او تعمل ذىى و تكتفى و تقول الحمد لله و حلو اوى كدة ع عربية ب 70الف :) :) :)
والف شكر ليك يامحمد و الله يجازيك خير
معلش سؤال برة الموضوع لو مش عايز ترد انت حر طبعا
(الفيرنا فيها علبة بيئة؟ ولو شلتها فى اضرار ؟ فى فوائد غير زيادة السحب ؟ و تقريبا كام فى المية ؟ )
وشكرا ع كل شىء