طيب انا في النهاية لا عرفت مين هو الراجل
ولا اسمة ولا رقم تليفونة ولا عنوانة
إنقذونا يا ناس الصيف خلاااااااااااص بقي عنيف و الواحد مفرفر
عرض للطباعة
رحت عملت شحن وتغيير اوسيل جنب وكان فك الكمبوسور وكشف علية عن طريق وضعه داخل جركن مياة علشان يشوف التنفيس من فين فى الاولسيلات الورشه في شارع كمال هويدي العمرانيه الشارع اللي امام بنزينة الريان ورشه اسمها الفنيه لتكييف السيارت اسمه احمد المنياوى راجل محترم واسعاره كويسه وعنده ضمير الشحن كان ب 110 وطقم اصلاح للكمبريسور بالمصنعية 65 بعد الفصال كان الاجمالى 175 جنيه
العنوان في المشاركتين دول يا باشا
بعد اذن العضو زلاباني اسمحلى اجاوب لو حضرتك من الهرم هاتوصل على طول
فى شارع اسمة خاتم المرسلين دة موازى لشارع الهرم هاتدخل فى الشارع دة من عند كنتاكى اللى فى اول الهرم لحد اخر الشارع انت كدة بقيت فى شارع خاتم المرسلين هتلاقى بنزينة الريان على اليمين الورشة فى الشارع اللى قدام البنزين على اليمن
و لو انت مش من الهرم انا ممكن اروح معاك لحد الراجل علشان هو قريب منى
بعد اذنكوا عايزين حد كويس في حلوان
ركبت الكباس الحمد لله في مدينه نصر وشحنت وكل حاجه
الشحن بالتركيب 150 جنيه
المركز ما بين الحي السادس والسابع
بعد مسجد البخاري
اسمه الهندسيه
ومعايا رقم المهندس اللي هناك اللي عاوز رقمه ابعتهوله عالخاص
ألف شكر لجوجو و زلاباني
و إن شاء الله حروح للراجل الأسبوع الجاي
طب حد جرب قبل كدة يركبة على عربية بدون انقذونى يا عالم بحب اللادا ونفسى اشوفها بتكيف هى 1300 مش عارف اية رايكم
موضوع رائع
ايه يا اخوانا هوه مفيش حد بتاع تكييف غير في الجيزة بس ؟
ده احنا بتوع مدينة نصر زمايلكم في المنتدى برضه .... ايه مش صعبانين عليكم في جهنم دي !!
انا رحت النهاردة مركز متخصص فى التكييف . ضضغط الكمبروسر هواء لاقى بيسرب من ناحية كدا اعتقد ان فيها جوان قالى لو صلحناه هايرجع يبوظ تانى الافضل انك تشترى واحد يايانى استراد ب 350 و هو عنده بيركبه و بيظبطة قالى هاعوز منك 500 جنية و تستسلم احلى تكيف
طب و ليه مش يتصلح و يتركب جوان له و نخلص
رايكم؟؟؟؟
مع االعلم ان التكيف اللى فيها نازل فى العربية و العربية 132 المانى
النا س بتقولى اوعى تفرط فى الكوبروؤسور ده
الاقى واحد فى الزقازيق عارف ربنه و يصلحة افضل
حد سمع ياجماعة عن واحد اسمه العفريت هوفي مدينة نصر ناحية مسجد رابعة العدوية
لو حد يعرف حاجة عنه ياريت يفدنا
وجزاكم الله خيرا
ازاى عفريت و بيقى جنب الجامع؟؟
MMamdouh
ممكن حد كويس للتكيفات فى شبرا ....زعاوز اصلح الكمبوروسر بتاعى عربية 132
يا جماعه اشرف بتاعه التكييف جامد اوي تليفونه 0188885553
وصلت من المنيا الساعة 6 و وقتي رحت عنده و هوه في الشارع اللي قبل منصور على طول هتدخل يمينن و بعد 200 متر هتلاقي على شمالك يافطة الصعيدي للتكييف ... هتدخل في ممر بين العمارات هوه في آخره ...
زيدان راجل محترم جدا و ذوق و عنده 4 صنايعية و بتاع 7 ولا 8 عيال صغيرين مساعدين بس شاطرين قوي و لما رحت كان عنده 6 عربيات قدامي . المهم كشف لقي عندي 4 خرم و تسريب زيت و الحساب كان :
60 فك و تركيب جهاز تحت التابلوه
40 شحن
80 عدد 2 دكر
50 عدد 2 نتاية
7 جنيه للخرم
3 بلف
48 جنيه غاز فريون 12 بس من عند محل اسمه الصفا ورا انبي للبترول
زيدان مش رخيص بالعكس انا شايف انه غالي بس ناس صنايعية شاطرين جدا
و الراجل فرح قوي لما وريته التعليقات عليه في المنتدى ...
و باقي ليا جهاز بتاع الحراره اللي بيفصل و يوصل عشان اللي عندي طلع مش بتاع العربية بس شغال و انا قلت أغيره أحسن و هيكلف 60 جنيه...
شكرا لكل من ساعدني اني أروح للراجل ده
متابع باهتمام
فيه واحد في الظاهر اسمة الدكتور للتكييف واللي ماسك الورشة اسمة محمد جابر واخوة مصطفى وهما صنايعية بجد بس فيهم عيب خطير جدا مايفتحوش بدري وتليفون محمد 0107775910
فين فى الظاهراقتباس:
فيه واحد في الظاهر اسمة الدكتور للتكييف واللي ماسك الورشة اسمة محمد جابر واخوة مصطفى وهما صنايعية بجد بس فيهم عيب خطير جدا مايفتحوش بدري وتليفون محمد 0107775910
بالظبط
السلام عليكم:
يا جماعة انا عايز اركب تكييف وآخد الموضوع من اوله لآخره بئا فى عربية سكودا فيفوريت
بس اتمنى ان يكون فيه حد ساكن فى اكتوبر يدلنى على حد يعرفه..لأننا فى اكتوبر نفتقد الصنايعيه اللى بيفهموا اساساً..فى كل المهن..
متابع