الوزة مالها طمنوني عليها

**محمد الشامي** · 29-03-2010 09:38 PM

المشاركة الأصلية كتبت بواسطة tlrsiap

بس انا و الله كنت اقصد عربيتي انا بس
انا شايف لانوستي وزة و هو شايف جولييته وزة , هي العربية شكلها مدي على وز هانعمل ايه ؟

ياباشا حتى لو تقصد , هو احنا نطول

وبعدين بصراحه كلمه لانوس وزه عجبتني

احنا مش اقل من الناس اللي معاهم ميتسوبيشي بطه

بس ربنا يستر علينا من جو انفلونزا الطيور والحركات دي

تخيل معايا !!! دايو وزه وشيفروليه وزه

والله حلوه

**تامر.محمد** · 29-03-2010 09:55 PM

ما شاء الله
ده مافيش (قطة) هاتستجري تهوب ناحية القسم
ده الوز كان يقطعها

**محمد الشامي** · 29-03-2010 10:20 PM

المشاركة الأصلية كتبت بواسطة tompina

كاك !

كاك يا باشا

**ahmed2y** · 29-03-2010 10:23 PM

هههههههههههههههههه حلو قوى موضوع الوزة دة انا عربيتى مسميها البكبوكة وكنت فاكر انى بس الى مطلع على عربيتة اسم

**domty78** · 30-03-2010 01:51 AM

السلام عليكم باشمهندس سمير والله انا بقالي ساعة انا وزميلي في الشغل ميتين علي نفسنا من الضحك من ساعة لما قرينا تعليقاتك وتعليقات السادة الاعضاء لكنننننننننننننننننن انا بحب اسجل براءة اختراع للاسم بتاع عربيتي جوليت الوزة بس دي وزتي انا بس ولكل الناس اللي عاوزة تشوف الوزة وتتصور معاها العنوان الكيت كات شارع الفرارجي القفص التالت شمال وكمان بحب اقولك ان الرشاشات سليمة والحمد لله بدليل التسارع بتاع الوزة من الثبات لحد ال140 وثانيا اية اعراض تلف البمب الخاصة بابنزين وهل الاسكانر بيجيب الضغط الخاص بيها وهل دة هوة الي مأثر علي السحب في السرعات العالية وسؤال كدة السوستة اليمين ورا اتكسر جزء منها ودة خلي العربية تميا ميلة بسيطة وانا مسافر بيها ارجو الرد ينفع امشي بيها كدة والا لا خصوصا اني مخلص اسبوع شغل ومروح وشكرا ليكوا صاحب الوزة

يرجى تحرى الدقة فى كتابه لفظ الجلالة

مشرف دايـــو

**samirayad** · 30-03-2010 07:51 AM

انا بقالي ساعة انا وزميلي في الشغل ميتين علي نفسنا من الضحك من ساعة لما قرينا تعليقاتك وتعليقات السادة الاعضاء

ربنا يبسطكم كمان وكمان

هو حد واخد منها حاجه

دا كل اللى أنت شايفه
شويه وحتلاقيه فى الباى باى

لكنننننننننننننننننن انا بحب اسجل براءة اختراع للاسم بتاع عربيتي جوليت الوزة بس دي وزتي انا بس ولكل الناس اللي عاوزة تشوف الوزة وتتصور معاها العنوان الكيت كات شارع الفرارجي القفص التالت شمال

طيب ليه كده ....
هو فيه مخترع بيخترع حاجه لأستعماله الشخصى فقط

والحمد للة بدليل التسارع بتاع الوزة من الثبات لحد ال140

ربنا يباركلك فى وزتك
وزى ماقولتلك
بلاش تضغط عليها زياده عن كده

علشان تفضل تكاكى معاك ( بحاله جيده )

وثانيا اية اعراض تلف البمب الخاصة بابنزين وهل الاسكانر بيجيب الضغط الخاص بيها وهل دة هوة الي مأثر علي السحب في السرعات العالية

لا الأسكانر ...مبيجبش ضغط رشاشات الوزه شخصيا

بس بيعرفك كفاءة الحريق ( لكل غرفه من غرف حريق مكنة الوزه )

فأكشف على بيوجيهات الوزه الأول

وشوف أخبارها أيه فى هضم الطعام

وياريت متنساش تبص برضه على فلاتر مكنة الوزه ( أو غيرها )

وسؤال كدة السوستة اليمين ورا اتكسر جزء منها ودة خلي العربية تميا ميلة بسيطة وانا مسافر بيها ارجو الرد ينفع امشي بيها كدة والا لا خصوصا اني مخلص اسبوع شغل ومروح وشكرا ليكوا

لا مينفعش تمشى بالوزه بالشكل التعبان ده

فحاول تغير السوسته دى على طول
وياريت الأثنين ( شمال ويمين )

لأن شكل الوزه حيبقى وحش أوى وهى ماشيه بالشكل الملفت للنظر ده

صاحب الوزة

أسأل الله أن يباركلك فيها

ويكفيك شر عضتها وتمردها عليك

**domty78** · 31-03-2010 11:18 PM

الحمد لله مشكلة الوزة اتحلت الموضوع كان من خط الطرد الخاص بمخة البنزين الضعط قبل الفلتر وبعدة ضعيف والضغط من المضخة من عند التنك تحت الكنبة شديد وبالتتبع ظهر ان خط السحب مخبوط خبطة صغيرة مما ادي الي خنق الخط وبالتالي ضعف في السحب وتم تغير البوجيهات ببوجيهات 3 شمعة ngk وكنت شاري سلوك بوجيهات امريكي من بورسعيد والحمد لله الوزة رجعت تكاكي في المحروسة وبقوة واختبرتها علي الطريق والحمد لله 165 والمكان مسمحش بعد كدة اشكر البشمهندس سمير والاستاذ ايمن يونس اللي لفت نظري تجاة المضخة وارجو من الكل الحذر من المطبات والخبطات السفلية ومراجعة الخطوط اسفل العربية صاحب الوزة وشكرا

**محمد الشامي** · 31-03-2010 11:22 PM

المشاركة الأصلية كتبت بواسطة domty78

الحمد لله مشكلة الوزة اتحلت الموضوع كان من خط الطرد الخاص بمخة البنزين الضعط قبل الفلتر وبعدة ضعيف والضغط من المضخة من عند التنك تحت الكنبة شديد وبالتتبع ظهر ان خط السحب مخبوط خبطة صغيرة مما ادي الي خنق الخط وبالتالي ضعف في السحب وتم تغير البوجيهات ببوجيهات 3 شمعة ngk وكنت شاري سلوك بوجيهات امريكي من بورسعيد والحمد لله الوزة رجعت تكاكي في المحروسة وبقوة واختبرتها علي الطريق والحمد للة 165 والمكان مسمحش بعد كدة اشكر البشمهندس سمير والاستاذ ايمن يونس اللي لفت نظري تجاة المضخة وارجو من الكل الحذر من المطبات والخبطات السفلية ومراجعة الخطوط اسفل العربية صاحب الوزة وشكرا

مبروك حل المشكله يا باشا

**samirayad** · 31-03-2010 11:24 PM

وارجو من الكل الحذر من المطبات والخبطات السفلية ومراجعة الخطوط اسفل العربية صاحب الوزة وشكرا

بغض النظر عن كل اللى أتقال من حلول وخلافه

عاوز أوصيك وأحملك أمانه

دايما طمنا على أخبار الوزه

لأنى حبتها الصراحه

وأنا قولتلك

خللى بالك من الوزه
وبلاش السرعات الكبيره دى

علشان تفضل تكاكى معاك

زى مابيحصل معاك دلوقتى من حكات فى المطبات

وكسور فى جناح الوزه

بسبب ضغطك الزائد على أكسراتير مكنة الوزه

وبدل مادوس عليها بعنف علشان تشد معاك

خليك حنين معاها
علشان تفضل تتبختر معاك مثل الغزال

واختبرتها علي الطريق والحمد للة 165 والمكان مسمحش بعد كدة

يانهار أبيض ومش باينله معالم

أنت كنت عاوز تخللى الوزه تشد كمان عن 165 كم /س

الله يكون فى عونها وفى صحتها اللى أنت عاوز تخلص عليها بدرى

-

الموضوع: الوزة مالها طمنوني عليها

LinkBack

أدوات الموضوع

عرض

-

-

-

-

المواضيع المتشابهه

الجيتا مالها و ما عليها يا ريت اصحاب الخبره يشاركوو

الهيونداي ال i10...مالها و ما عليها.

النيفا... مالها وما عليها !

النترا 2012 مالها وما عليها بعد 4000 كم

جولف 4 مالها وما عليها!!

الكلمات الدلالية لهذا الموضوع

المفضلات

المفضلات

ضوابط المشاركة