طب هوا مين عايز يتعلم ايه واحنا نشرحلو ؟؟
عرض للطباعة
طب هوا مين عايز يتعلم ايه واحنا نشرحلو ؟؟
هى الحكايه بالنسبه لى حاليا مش موضوع تعليم بس أنا استفدت جدا منهم فى الأول فى حاجات كتير بس أنا بشوفها من جانب آخر وهو اننا بنعمل فيديوهات وسهله وفى شباب وكبارفى السن مخهم مطرقع وبيعملو حاجات مطرقعه كتير ليه الناس مافكرتش فى حاجه زى كده ؟ ده فى كل حاجه على اليوتيوب تخص مواضيع تانيه عاملينها عرب زى أغانى وحلقات كرومبواللى بيتريقوا عليه فيها وفيديوهات لأطفالهم إشمعنى دى بقى ؟ليه بقى ؟؟؟ عموما ده إقتراح وبس وأنا شايفه إنه هيشرف العرب جدا لأنى بفرح جدا لما ألاقى عربى عامل حاجه جديده بحس إنه أخويا أو أبويا أو حتى إبنى (لو أطفال) مهما كانت جنسيته ولو على التعليم والأشياء اللى ناقصه الواحد ماأنا بدخل المنتدى وباسأل عليها بجد أنا بحب المنتدى ده لأنه فى ناس جدعان كتيييييير وما بيستخسروش فى المحتاج حاجه وده برضه صدقه جاريه تخيل كل واحد وأنا من ضمنهم إتعلم أى حاجه هنا وطبقها أو حتى كان هيغلط فى حاجه واتصححت له هنا ثواب اللى علمهاله إيه ! بس أنا بقول شكلها حلو أوى
هم أحسن مننا فى إيه
اكيد هم احسن مننا
لان هم اللى عملو اليوتيوب
المشكلة دي مش في مجال السيارات بس دي في كل المجالات تقريبا..المسألة ثقافة..النهاردة عندي معلومة حانشرها عشان الناس تستفيد بيها لأن أنا ممكن أحتاج معلومة تانية تكون عند حد غيري ونشرها برضه من باب الانتفاع المتبادل وهكذا
والثقافة دي هي التي أفرزت مواقع المطورين والويكبيديا مشتقاتها وأجوبة ياهو وأجوبة جوجل
معلش انا مختلف معاكو شوية ...
فيه حاجات او علوم معينة ماتنفعش نظرى او بالقراءة المنفردة او بالمشاهدة ... خصوصا لو العلوم ديه "عملى" زى السواقة مثلا ماتنفعش تتعلمها الا بالتلقى والتدريب العملى ... يعنى ما ينفعش اشوف فيديو لواحد بيسوق اقوم واخد عربيتى ونازل مجرب مع نفسى لازم حد يبقى معايا عملي يعلمنى ويصلحلى لو انا غلط...
من اهم هذه العلوم كمان قراءة القرءان ... ما ينفعش امسك المصحف واقرأ مع نفسى ... لازم حد يعلمنى قراءة القرءان الصح الاول وبعدين اقرأ مع نفسى ... لا يؤخذ الا بالتلقى ...
كذلك تعليم السواقة لا تؤخذ الا بالتلقى ...
ايه السبب فى موضوع التلقى ده سواء كان فى اى علم من العلوم ؟؟؟؟؟
السبب هو التفاعل ... تفاعلى انا مع اللى بيعلمنى ... لما اغلط يصلحلى ... لكن ما افضلش على الغلط وانا مش عارف ...
وده احد اسباب تدهور مستوى القيادة فى شوارع مصر ... ارجو ان ماحدش يزعل من رايى ده مجرد راى مش اكتر:shine[1]:
طيب ماهو ده اللى بتكلم عنه إزاى نغيير ثقافتنا للأحسن ونواكب تطورهم بتطورنا ولا نواكبهم بس فى الأمركه بالعربيه والتفحيط وفى إفادة الغير لأ
ماحدش يقدر يزعل منك إحنا بناخد آراء بعض بس أنا اللى مختلفه معاك وخصوصا فى موضوع القرآن يعنى الترتيل أغلبه سماع من الأشرطه والمقرئين الآخرين علشان ترتل زى صوتهم وكمان السواقه لازم تشوف الأول وبعدين تجرب إنت وكمان متفقه معاك فى إن لازم يبقى فيه حد معاك بس دى بعد ماتاخد فكره لوحدك وخصوصا بقى السواقه ده فيه ناس كتير بياخد عربية والده وبيسوق من كتر ماشافه قدامه بيسوق ولا كان باين عليه إنه مهتم بالسواقه ولابيسأل عن حاجه وعلى فكره أنا عرفت حاجات من الفيديوهات بتاعة السواقه دى محدش قالى عليها فى مدرسة السواقه خالص ولاجاب سيره
انشاء الله انا بفكر اعمل واحد وهرفعه على المنتدى بس هيبقى بكاميرا الموبيل
على فكرة عجبتنى الفكرة , وباذن الله فى اقرب وقت مناسب والاقى نفسى فاضى فيه هعمل فيه الفيديو ده ... وشكرا ليكى يا لبنى
http://img101.herosh.com/2010/03/21/328082236.jpg
انى رجل لا انحنى لالتقط ما سقط من عينى ابدا
(ايحسب ان لم يره احد)؟