أنا و السارينة و الشرطة في خدمة الشيروكي

إمبارح كنت مروح بعد الشغل وبعد لفة طويلة من الدقي لغاية ميدان الرماية ولقيت نفسي نسيت مفاتيح الشقة في الشغل , رجعت تاني الدقي وانا مروح تاني ومش شايف قدامي في الاتجاة من الكورنيش ( عند القصر العيني ) علشان آخد الدائري وجيت كدة عند مصر القديمة وسامع صوت سارينة و نور عربية اسعاف او شرطة مش شايف ,
المهم بما اني مواطن صالح ( المفروض ) قعدت ادي كلاكسات للعربيات قدامي واحاول آخد يمين الطريق علشان نعدية لانة مشغل السارينة على طول, وانا عمال اقول ربنا يستر لو كانت اسعاف ويوصل بالسلامة .....لغاية قبل مطلع الدائري ... لقيتها عربية شرطة وعمال ياخد غرز .. أخدت يمينى جنب الرصيف والاقية كسر عليا ووقف قدامى ... عارفين لية, كان فية عربية شيروكي ( موديل قديم ) وقفت جنبة علشان يمشي قدامها يوسعلها الطريق وقاعدين يتكلموا مع بعض ووقفوا الطريق...
قعدت ازمر لهم ورحت عامل غرزة من بينهم بعد ما تحركوا ومشيت وانا محروق دمي منهم ... لقيت بتاع الشرطة ماشي ورايا وبردة مشغل السارينة وعمال يديني نور عالي ... مش عاجبة اني عديت منهم وعطلت الموكب المهيب بتاعهم ...
رحت واقف على مطلع الدائري علشان اقولة اية الهبل دة.
عارفين اللي جنب السواق بيقوللي اية..... انت المفروض مواطن توسع الطريق للشرطة.
لقيت نفسي بقولة يلعن ابوك انت والشرطة والبهايم اللي ماشيين وراك ( الناس اللي في الشيروكى ) أحنا ناقصين عطلة يا ولاد .....
وسيبتة ومشيت وهو طاير ورايا وعمال يديني فى نور عالى ( ونسى العربية الشيروكى )
لولا اني كان معايا ابني وكنت مش شايف قدامي ( اقسم بالله العظيم – ولو اني عمرى ما عملتها – كنت لبستهم في بعض )
تفتكروا المفروض الواحد يعمل اية مع المخلوقات دي؟وهل كدة لما اجدد الرخصة هلاقي مخالفات نوعها اية ( حسبي الله ونعم الوكيل )

يسلم فمك.. دول أحقر فئة فى شعب مصر إلا قلة قليلة جدآ جدآ.. هما ناسيين ان مرتبتهم اللى بيقبضوها من الداخلية هية الضرائب اللى بينهبوها مننا.

يا أستاذ احمد اهم شىء فى المواقف دى انك تمسك اعصابك وتهدى نفسك لانهم أذى (من الايذاء) وربنا ابتلانا بيهم بالرغم من انهم ممكن يكون ابويا او اخويا او خالى (سرينة الشرطة وهقفل المنتدى) لكن ما احلى السلطة وخصوصا عند سوء استخدامها
ونصيحة منى شكوى محترمة مرفق معاها ارقام السيارتين لهيئة التفتيش بوزارة الداخلية وعلى فكرة هيئة التفتيش على ما اسمع هيئة محترمة جدا وده اجراء وقائى للمخالفات اللى هتيجى على العربية من الهوا
........................*
محمود عينو

اقتباس:

---

المشاركة الأصلية كتبت بواسطة eino666

يا أستاذ احمد اهم شىء فى المواقف دى انك تمسك اعصابك وتهدى نفسك لانهم أذى (من الايذاء) وربنا ابتلانا بيهم بالرغم من انهم ممكن يكون ابويا او اخويا او خالى (سرينة الشرطة وهقفل المنتدى) لكن ما احلى السلطة وخصوصا عند سوء استخدامها
ونصيحة منى شكوى محترمة مرفق معاها ارقام السيارتين لهيئة التفتيش بوزارة الداخلية وعلى فكرة هيئة التفتيش على ما اسمع هيئة محترمة جدا وده اجراء وقائى للمخالفات اللى هتيجى على العربية من الهوا
........................*
محمود عينو

---

للإسف يا أستاذ محمود مكنش في دماغي آخد النمرة لاني لما زعقت .. إبني كان نايم على الكنبة قام مفزوع , فركزت معاة ومشيت.
أشكرك جداً استاذ محمود

العفو يا استاذ احمد والله لو كان بايدى حاجة اقدر اعملها لك ما كنت اتأخر عليك
وعلى فكرة انا واحد من الناس اللى بتتعصب و تتنرفز بسرعة من الحاجات دى وما بقدرش امسك نفسى ولسانى متبرى منى بلاقيه شغال لوحده بس لما اكون على حق ولما بكون غلطان بحط لسانى جوة بوقى واسكت او اعتذر لو الموقف يستحق الاعتذار
وربنا يهديهم ويهدينا جميعا
........................
محمود عينو

أشكرك جداً جداً.
أوعي تقول إن عربيتك لونها أسود!!!
راجع ( السن وسنة الميلاد وسنة التسجيل في المنتدى ونوع السيارة وسنة الصنع واوتوماتيك ولا عادة ) لكل منا.

ده بلاء و ابتلاء

all animals are equal but some animals are more equal than other animals

والله برافو عليك....
انت عملت الصح,,,ماهو مش كل من هب ودبدب يعمل فيها حاجة...
:Ta_clap[1]:

اقتباس:

---

المشاركة الأصلية كتبت بواسطة jam

يسلم فمك.. دول أحقر فئة فى شعب مصر إلا قلة قليلة جدآ جدآ.. هما ناسيين ان مرتبتهم اللى بيقبضوها من الداخلية هية الضرائب اللى بينهبوها مننا.

---

اقتباس:

---

المشاركة الأصلية كتبت بواسطة human12

ده بلاء و ابتلاء

all animals are equal but some animals are more equal than other animals

---

اقتباس:

---

المشاركة الأصلية كتبت بواسطة 3ateef

والله برافو عليك....
انت عملت الصح,,,ماهو مش كل من هب ودبدب يعمل فيها حاجة...
:ta_clap[1]:

---

ربنا يجازيكم كل الخير ويبعد عنا الأذى.

اقتباس:

---

المشاركة الأصلية كتبت بواسطة ahmed sharaf

أشكرك جداً جداً.
أوعي تقول إن عربيتك لونها أسود!!!
راجع ( السن وسنة الميلاد وسنة التسجيل في المنتدى ونوع السيارة وسنة الصنع واوتوماتيك ولا عادة ) لكل منا.

---

ههههههههههههه
لالآ عربيتى لونها سماوى وملاكى القاهرة لانى شاريها من هنا من المنتدى
متزوج من سنة 97 وعندى 3 اولاد
احمد 12 سنة و مازن 9 سنوات و اخر العنقود جنى 4 سنوات وربنا يبارك لى فيهم ويقدرنى عليهم يا رب احنا وانت وكل من كان له اولاد
........................................
محمود عينو

مخالفات ايه يا باشا اللى انت عامل حسابها , انت لو فعلا شتمتهم بالطريقة اللى انت قلت عليها يبقى الموضوع اكبر من المخالفات بكتييييييييييييييير دول موظفين عموميين من رجال الضبط اثناء تادية وظيفتهم.

تعمل زي ما أنا بعمل دائما وأبدا
تعمل عبده المهـــم

وبكل تناكة وقنعرة ..تطلع ورقة وقلم
وتاخد نمرته..وتسأله إنت تبع أنهي قسم ياإبني
وتحسسه إنك وزير الداخلية
ساعتها هيشيل جزمتك فوق راسه

وإسأل أهل الخبرة(أنـــا)

غلط يا باشا التصرف مع احترامى لحضرتك , انا عملت كده مره بس مكنتش فاهم هما ايه دول اصلاً عربيتين مرسيدس مشين ورا بعض بسرعه واحده منهم كسرت عليا و دخلت قدامى و التانيه عماله تزمر و تكسر مدخلتهاش , فبالصدفه بصيت عليها لقتها كلها بودى جردات اسود فى اسود و الورا مسكين مسدسات :L_bhuhhh[1]: انا اتفزعت رحت مفرمل فى ساعتها و مدخلهم كل ثانيتين يبصو ورا عليا رحت مدخل الناس كلها قدامى :C_laugh[1]: و هربت :C_laugh[1]:

مصر
وعجبي

معلش انت فى بلد تعبانين مفيش مخ اصلا والمفروض متتعبش نفسك وترد انت تفضل ماشى عادى ولا تركب نفسك ذنوب علشان الاشكال التعبانة دة