المشاركة الأصلية كتبت بواسطة borgelharm
انا لسه مجدد الترخيص في مرور محرم بك و الحقيقة كان الفحص في منتهي الرقي و الاحترام .اقسم بالله في اقل من 3 دقائق كان كل شيء منتهي لدرجة فتحت نفسي كتير و شيلت النظارة السودا اللي الواحد بيشوف بيها اي حاجة حكومية و مهندس الفحص بكل زوق قالي اتفضل حضرتك اركن عربيتك و روح خلص اجراءات المرور
لكن طبعا في بلدنا مافيش حلو بيكمل ابدا و انا كنت رايح بكل ثقة و مش واخد واسطة او حد يخلص الاجراءات و روحت عشان اطلع شهادة المخالفات فوجئت بمصيبة كبيرة لقيتهم عاملين مخالفات بمبلغ 2750 و طبعا كلها افتراءات و ليست مخالفات
مافيش الا مخالفة واحدة اللي فعلا صح و هي سرعة زايدة في محور 26 يوليو و الباقي مخالفات مضحكة جدا زي سراعة زيادة في شارع العطارين و طبعا الاسكندرانية مش حيصدقوا و دي قيمتها 900 جنيه
و تعمد تعطيل المرور بمعني اني انا عرضت العربية و حلفت ان مافيش حد حيعدي
المهم اتخفضت لغاية 1000 جنيه انا رفضت طبعا و عملت معارضة و اتحددت جلسة يوم 14/06/2010 انما ان شاء الله الموضوع حيتحل الاسبوع القادم ان شاء الله
لكن استكملت بقية اجراءات الترخيص و متبقي المخالفات فقط
ادعولنا يا جماعة
المفضلات