السلام عليكم ورحمة الله
امبارح كنت فى مرور محرم بك وكان المفروض انى أعمل فحص
انا معايا ( جولف 2 )
ودى صورتها
وعاوز رأيكو بالأمانه
المهم
دخلت على المهندس بتاع الفحص وطبعآ كنت حاطط فى بطنى بطيخه صيفى
عشان العربيه مافيهاش الهوا والحمد لله ، وانا عارفهم بيقفوا على الواحده
لقيتو طلع من الكشك اللى قاعد فيه بعد ما أستلم الورق وبيقولى " نور النور كده .... قلب .... رعش .... بس ... طفى "
طبعآ أنا مش مركب زينون ، قلت يبقى عادى بيبص على النور
بصو بقى لقيتو كاتبلى ايه فى ورقة الفحص
( الأنوار الأماميه )
عاوزكو بس تركزو فى كلمة النور و الانوار دول
طبعآ مفهمتش حاجه
قولتله : ايه ده ياباشمهندس يعنى ايه ؟؟
قالى : بس حتروح للمهندس فلان خليه يبص على الأنوار دى يشوفها فابريقه ولا لأ ؟؟
طبعآ ما أخدتش وأديت ... انا عاوز أخلص وأشوف الكلام حيكون على ايه ؟
المهم روحت
أنا : صباح الخير يا باشمهندس
هو : أهلآ
أنا : الموضوع كذا كذا كذا ....
هو : طب أستنانى بره انا جايلك
أطلطعت بره ربع ساعه وفى الآخر طلع
هو : نور ... قلب ... رعش ... طفى
أنا : ايوا يا باشمهندس
هو : أنوار مبهره .... !!
انا : أزاى يا فندم انا مش مركب زينون
هو : لاااااااااااااااااا الزينون حاجه والانوار المبهره حاجه تانيه ، الزينون ده اللى بيخطف زى البرء :U_thin1[1]: ( طبعآ هو مقالش كده ، هو شاورلى بأيده على حركة البرء دى وانا استنتجت )
انا : يافندم انا عارف ان القانون بيتكلم على الزينون هى دى الانوار المبهره انا ممكن أفتح لحضرتك الكابوت وتشوف .
هو : لا لا لا دى فوانيس مبهره :majd(4):
( الكلمه اتغيرت من أنوار لفوانيس )
انا : يافندم هى فوانيس مبهره ولا انوار مبهره ؟
هو : لأ فوانيس مبهره ، هما شكلهم حلو بس ممنوعين عشان دول لو نورو بيعمو اللى أدامهم وهو بيكلمنى لقيته بيشاورلى على الفانوسين اللى فى النص .
أنا : يافندم دول برجلاش وانا مرجلشهم على الاسفلت
هو : فكهم وتعالى وانا مفيش مشكله أعديهالك مش عاوزين مشاكل مع حد فى الحص
مين الحد ماتعرفش ، مشاكل من ايه برضو ماتعرفش
بصو بقى الكلمه اللى فهمت منها أنى واقف أدام حمار
هو : الفانوسين اللى بره مافيهومش مشكله ، الفانوسين اللى جوا هما المشكله :khd:
عاوز أقولو ياعم ماهو اللى بره زى اللى جوا
( انت على حظى فاطر فول يعنى ؟؟ )
طبعآ انا عشان أفكهم (مع انى مش مقتنع باللى بيقولو ) فيلم وحوار كبييييييييييييير
المهم : روحت لظابط ابن حلال قالى روح هناك وكلمنى من عنده
روحت وكلمته
راح ماضيلى و قالى أوك
صباح الفل
:vctry: