ايهما تختار بايونير ام كينود ؟

انا معايا نيسان تيدا سيدان
كنت حابب اشترى سمعات اركبها فى الطابلوه الخلفى
سمعات بايونير او كينود فى حدود 400 واط للسماعة يعنى الاتنين 800
سالت فى ادريان اللى فى باب اللوق على البايونير 400 واط قالى ب300 جنية وتايلندى ومكنش عنده كينود
سالت عند محل جو اكسيسورز قالى البايونير التايلندى ب350 والكينود الاندونيسى 400 وده طبعا غالى

- فهل فى محل مضمون اجيب منه ويكون سعره رخيص؟
- وايهما افضل البايونير ام الكينود؟
- ولو حجيب اجيب العادى ام الدبل بيز ؟
- وهل لما اركب السمعات الصوت حيكون احسن , اصل الصوت بحس انه مش قوى اوى هو جيد بس -كان نفسى يكون اقوى من كدا فهل ممكن السمعات تعمل شغل شوية ولا الاعتماد الاكبر على الكاسيت
لان حاسس ان السمعات بتاعت العربية ضعيفة والكاسيت فيه اقوى من كدا لانه كاسيت العربية الاصلى ويابانى

وشكرا

يا جماعة... انا محتاج الرد ضروري

والله وانا مستنى الردود برضه....خبراء الصوت راحوا فييييييين؟؟؟؟

بص الاتنيين حلويين جدا بس انا بفضل الكينوود وبص فلحلتيين لازم تركب رف خشب و يسلام لو خشب اسباني مش ام دي اف الصوت هيبقي فاجر

انا مش عاوز اعمل ورشة فى الشنطة او اغير حاجة ورا فى الرف والكلام ده انا عاوز اركب سماعتين بيضاوى فى حدود الواحدة 400 واط والحمد لله ان التوكيل لما سالته وافق وقالى هاتم وانا اركبهم

بس انا عاوز اعرف اى سماعة فيهم الاحسن

وكمان فى حاجة اسمها دبل بيز بتفرق فى ايه

وبعدين انا عندى اكوليزر هل ممكن اركبه معاهم ولالا لانه عندى من زمان ايام ما كان عندى عربية 128 ثم البولو بس شالته من البولو عشان كان الصوت بتاعت الكاسيت القديم اللى كان فى البولو حلو
وحايف بردوا اناه مش يردوا يركبوه فى التوكيل ربنا يستر

الدبل بييز حجم السماعه بيبقي اكبر 7*10 والعاديين 6*9 فبيدو بيز اعلي وصوتهم حلو بردو لو هتركبهم عن نفسي ارشحهملك اما بالنسبه للاكيولايزر معتقدش انه هيبقي ليه لازمه خالص متركبوش

اقتباس:

---

المشاركة الأصلية كتبت بواسطة loshabih

الدبل بييز حجم السماعه بيبقي اكبر 7*10 والعاديين 6*9 فبيدو بيز اعلي وصوتهم حلو بردو لو هتركبهم عن نفسي ارشحهملك اما بالنسبه للاكيولايزر معتقدش انه هيبقي ليه لازمه خالص متركبوش

---

يعنى الاكوليزر مش حيخلى الصوت قوى مالوش لازمة
طيب الكاسيت بتاع العربية انا خايف ليكون بيخرج صوت ضعيف ولما اجيب السمعات واركبها الاقى الصوت هو هو ومش بيعلى وبيقوى ولا ايه رايك
بس احساسى بيقول انه كاسيت محترم لانه يابانى وبتاع العربية الاصلى بس هو العيب فى السمعات بتاعت الابواب لان حاسس انها ضعيفة

فين وحوش الاصوات والناس الخبره يا جماعة
محتاج مداخلتكم ومساعدتكم بعد اذنك

بص ياباشا انا هقولك نصيحه هات بايونير عن تجربه وسعرهم ال 400 وات 270 جنيه ده اقل سعر عشان محدش يضحك عليك وبالنسبه للكنيودب260 وبراحتك اللى انت عايز تجيبه والبايونير تايلاندى والكنيود اندونيسى بس برضه بنصجك بايونير

بايونيير نقاء و تجسيم صوت حلو
كينوود بيز اعلى شويه و تجسيم حلو
و انا مركب غندى بايونيير و كينوود
بس البايونيير بصراحه انقى و احلى
و لو هاتجيب دبل بييز اعتقد انك لازم تركب جى ام عشان السماعت تقوم احلى
و بالنسبه للاكولايزر اعتقد انك مش هاتحتاجه
و يا رب اكون قدرت افيدك
تقبل تحياتى:satelite:

الناس خوفونى من البايونير عشان موضوع اللعب فى السوق فى حكاية الصينى والتايلندى
لان ممكن حد يبعلك صينى ويضحك عليك ويقولك انها تايلندى
فخلينى فى الكينود
بس تفرق من 400 واط الى 500 واط ولالا وبعدين هو بيكون السماعة الواحدة 400 واط يعنى الاتنين 800 ولا ايه

بس اتمنى ان استاذ حسام كودك يدخل ويفيدنى فى موضوع الكاسيت ده عشان خايف اجيب السمعات ويطلع الاداء هو هو

انا شايف الكينوود بتتفوق عن البايونير فى موضوع الضمان يا جماعه,مهما كانت البيونير احسن او اقوى او او بس برضو لما تشترى سماعه بالضمان ده يطمنك اكتر مش عايزه كلام

تقبلوا مرورى وتحياتى

يعني اعتمد سماعات الكينود واتوكل على الله