افضل سيارة هاتش باك تحت ال70,000 جنيه ؟

السلام عليكم و رحمة الله و بركاته

يا ريت اي عضو يتكرم و يقوللي ايه افضل سيارة في حدود ال70000 و ماتزيدش عن السعر ده

انا تعبت من قراءة المواضيع الكثيرة في المنتدى و ماعرفتش اي عربية الافضل في الحدود دي

و مشكورين مقدماً

البونتو وال سيريون من رايه

كيا بيكانتو
فيات بونتو
هيونداى جيتز...

و الترتيب حسب السعر من 70 ألف إلى 74 ألف..و أرشحلك البيكانتو كعربية و توكيل....

تحت ال 70 الف

بيكانتو و i10

اللى تعجبك فيهم

اقتباس:

---

المشاركة الأصلية كتبت بواسطة abdozoon

السلام عليكم و رحمة الله و بركاته

يا ريت اي عضو يتكرم و يقوللي ايه افضل سيارة في حدود ال70000 و ماتزيدش عن السعر ده

انا تعبت من قراءة المواضيع الكثيرة في المنتدى و ماعرفتش اي عربية الافضل في الحدود دي

و مشكورين مقدماً

---

حضرتك في اسم الموضوع كاتب " افضل سيارة هاتشباك " ، وبعدين رجعت قولت "ايه افضل سيارة في حدود ..." بدون ماتذكر هاتشباك ولا لأ

عموما لو حضرتك برضه قصدك هاتشباك يبقى الموجود تحت ال 70 ألف هو:

1- كيا بيكانتو 1100 سي سي فول اوبشن اوتوماتيك بـ 70000 (65 حصان)
2- سوزوكي 1000 سي سي فول اوبشن اوتوماتيك بـ 70000 (67 حصان)
3- هيونداي أي 10 1100 سي سي فول اوبشن مانيوال بـ 64000 أوتوماتيك بـ 72000

أما بالنسبة للفيات بونتو والدايهاتسو سيريون هانستبعد الاتنين لأنهم بـ 75 ألف مانيوال وحضرتك قولت عاوز ماتزيدش عن 70 ألف

شكراً لكم على الردود المفيدة جداً
انا عايز اعرف ايه احسن عربية هاتشباك في حدود 70000 او اقل
من الآخر يعني

اقتباس:

---

1- كيا بيكانتو 1100 سي سي فول اوبشن اوتوماتيك بـ 70000 (65 حصان)
2- سوزوكي 1000 سي سي فول اوبشن اوتوماتيك بـ 70000 (67 حصان)
3- هيونداي أي 10 1100 سي سي فول اوبشن مانيوال بـ 64000 أوتوماتيك بـ 72000

---

للاسف انا مش عارف مين افضل عربية فيهم ، يا ريت تحطوا نفسكم مكاني و تقولولي القرار اللي هاتتخذوه

بيكانتو مانيوال كامله... ده رأي يا باشا

و ممكن تشوف الـ i10, بس أغلى من البيكانتو مع انها هي هي, و انا مش شايف اي سبب للفرق ده!!

و طبعاً الاتنين تحت الـ70,000 جنيه, و هتوفر منهم كمان مبلغ كويس...

ربنا يوفقك للخير ان شاء الله...

السلام عليكم ورحمة الله

رجااء هاااااااااام جداااا
ياريت يا جماعه اللي يكتب العربيات بالترتيب
يكتب ليه كتب انها رقم واحد
هل لأنها الارخص ولا الافضل ولا لمجرد انها جات على باله اول حاجه بس؟؟؟؟؟


جزاكم الله خيرا

أنا في رأي الشخصي ، كنت هاجيب بروتون ساجا

أما لو كنت مضطر اني اجيب هاتشباك ، كنت هاجيب السوزوكي سيلاريو ، لأنها ياباني ومعروف ان السوزوكي حمارة شغل ، وده مايعبش في البيكانتو ولا الـ أي 10 طبعا ، بس الـ أي 10 أصغرهم حجما وأغلاهم سعرا.

ودي صور للسوزوكي سيلاريو للي مايعرفهاش :

http://grandegypt-motors.com/dbpics/...erio-1-450.jpg

http://www.contactcars.com/images/th...33_pmesmfp.jpg

وده موضوع كان مكتوب عنها وبيشكر فيها :

سوزوكي سيلريو.. تسيطر على 60% من مبيعات سوق السيارات السعودي

بدل الفسافيس دى ماتيجى تشترى عربية هاتش باك حقيقية واللا انت مصر على الزيرو لو مش مصر الفلوس دي ممكن تجيب لك عربيات هاتش باك بحالة ممتازة زى الجولف 4 ملك الهاتش باك مو 2001-2002 او بولو 2003-2004 -2005او ابيزا 2002-2003- او جراند بونتو 2008 انما العربيات اللى بتقول عليها دى سيارات للمدينة صغيرة مش هاتش باك لكن لو مصمم على الزيرو فى العربيات الصغيرة مافيش احسن من البونتو الباقى كله ضعيف والله الموفق

اقتباس:

---

المشاركة الأصلية كتبت بواسطة eng_ahmedryad

أنا في رأي الشخصي ، كنت هاجيب بروتون ساجا

أما لو كنت مضطر اني اجيب هاتشباك ، كنت هاجيب السوزوكي سيلاريو ، لأنها ياباني ومعروف ان السوزوكي حمارة شغل ، وده مايعبش في البيكانتو ولا الـ أي 10 طبعا ، بس الـ أي 10 أصغرهم حجما وأغلاهم سعرا.

ودي صور للسوزوكي سيلاريو للي مايعرفهاش :

http://grandegypt-motors.com/dbpics/...erio-1-450.jpg

http://www.contactcars.com/images/th...33_pmesmfp.jpg

وده موضوع كان مكتوب عنها وبيشكر فيها :

سوزوكي سيلريو.. تسيطر على 60% من مبيعات سوق السيارات السعودي

---

ممممممممم انا لسه واخده بالي منها النهارده
بس قريت هنا في المنتدى في كذا موضوع ان هي السحب بتاعها اضعف من البيكانتو والi10 وانها لو اتشغل التكييف وكان في كذا حد راكبها هاتبقى ضعيفه

بتقول انها حمارة شغل؟مممممم..مش عارفه...العربيه دي عموما تصنيفها سيارة مدن يعني ماتستحملش مشاوير طويله مثلا وسفر وكده آخرها مشاوير جوه المدينة وخلاص والا ماتكنش كويسه ...
ياريت حد يفيدنا في الموضوع ده

اقتباس:

---

المشاركة الأصلية كتبت بواسطة kempel

بدل الفسافيس دى ماتيجى تشترى عربية هاتش باك حقيقية واللا انت مصر على الزيرو لو مش مصر الفلوس دي ممكن تجيب لك عربيات هاتش باك بحالة ممتازة زى الجولف 4 ملك الهاتش باك مو 2001-2002 او بولو 2003-2004 -2005او ابيزا 2002-2003- او جراند بونتو 2008 انما العربيات اللى بتقول عليها دى سيارات للمدينة صغيرة مش هاتش باك لكن لو مصمم على الزيرو فى العربيات الصغيرة مافيش احسن من البونتو الباقى كله ضعيف والله الموفق

---

هي مش البونتو بدايتها اكتر من 80.000؟؟

هو قصده تجيب جراند بونتو مستعمل وبال نسبة للبونتو العادية فـهي ب 72

اقتباس:

---

المشاركة الأصلية كتبت بواسطة warDaya

بتقول انها حمارة شغل؟

---

انا قصدي على الماركة عموما مش العربية دي بالتحديد ، واللي حضرتك عملتيه صح أنك شوفتي اللي اشتاروها قالوا عليها ايه .:shyy:
وانا زي ماقولت قبل كده لو الاختيار ليه كنت هاجيب البروتون ساجا 1300 سي سي 94 حصان ، سيدان ، محرك CamPro بتقنية شركة لوتس الانجليزية ، وكل ده بـ 69 ألف أوتوماتيك .:vctry:

اقتباس:

---

المشاركة الأصلية كتبت بواسطة warDaya

هي مش البونتو بدايتها اكتر من 80.000؟؟

---

البونتو تبدأ من 75 ألف .

اقتباس:

---

المشاركة الأصلية كتبت بواسطة eng_ahmedryad

أنا في رأي الشخصي ، كنت هاجيب بروتون ساجا

أما لو كنت مضطر اني اجيب هاتشباك ، كنت هاجيب السوزوكي سيلاريو ، لأنها ياباني ومعروف ان السوزوكي حمارة شغل ، وده مايعبش في البيكانتو ولا الـ أي 10 طبعا ، بس الـ أي 10 أصغرهم حجما وأغلاهم سعرا.

ودي صور للسوزوكي سيلاريو للي مايعرفهاش :

http://grandegypt-motors.com/dbpics/...erio-1-450.jpg

http://www.contactcars.com/images/th...33_pmesmfp.jpg

وده موضوع كان مكتوب عنها وبيشكر فيها :

سوزوكي سيلريو.. تسيطر على 60% من مبيعات سوق السيارات السعودي

---

بس الـ أي 10 أصغرهم حجما

المعلومة دى غلط تماما ال i10 اكبرهم حجما من الخارج (ابعاد) و من حيث مساحة الركاب بالداخل و حجم الشنطة

+

معروف ان السيلاريو اضيقهم حتى فى كل التقارير بيقولوا كده

معرفش معلوماتك منين

ابعاد ال i10 قريبه من السيريون و اكبر من الجراند بونتو اتفرج على دول:

http://www.whatcar.com/car-reviews/h...=600&width=800

Daihatsu Sirion Hatchback 1.0 SE 5dr Specifications - What Car?

http://www.whatcar.com/car-reviews/f...=600&width=800

اقتباس:

---

المشاركة الأصلية كتبت بواسطة hema1975

المعلومة دى غلط تماما ال i10

شكرا

اكبرهم حجما من الخارج (ابعاد)

اعلى في الارتفاع ونفس الطول واقل من عرض السيلاريو بـ 5 مم

و من حيث مساحة الركاب بالداخل

البيكانتو اكبر بلا منازع

و حجم الشنطة

ممكن ، بس السيلاريو اقلهم على حساب المساحة الطولية الداخلية
+

معروف ان السيلاريو اضيقهم حتى فى كل التقارير بيقولوا كده

ممكن ، بس ماصدفتش التقارير دي

معرفش معلوماتك منين

ملوش داعي التهكم في الحوار ، الغرض دايما المساعدة ومافيش حد خالي من الاخطاء

ابعاد ال i10 قريبه من السيريون ماشي و اكبر من الجراند بونتو إزااااااي الصور اللي حضرتك حاطت اللينك بتاعها بتقول عكس كده تماما

وعموما راجع الرابط ده
Suzuki Alto Hatchback 1.0 SZ2 5dr - Car Comparision - What Car?

---

الرد في الاقتباس باللون الازرق

هو إيه دي ولمو اغزة اللي أكبر من الجراند بونتو أصلا الي i 10 الصغار من البونتو يبقى إزاي أكبر من الجرند اللي هي اصلا أكبر من البونتو !!!!!!!!

اقتباس:

---

المشاركة الأصلية كتبت بواسطة fouady

هو إيه دي ولمو اغزة اللي أكبر من الجراند بونتو أصلا الي i 10 الصغار من البونتو يبقى إزاي أكبر من الجرند اللي هي اصلا أكبر من البونتو !!!!!!!!

---

اكبر فى المساحة الداخلية مش الابعاد الخارجية

اقتباس:

---

المشاركة الأصلية كتبت بواسطة eng_ahmedryad

الرد في الاقتباس باللون الازرق

---

i10 اوسع من البيكانتو بالتجربة.. يعنى لو قعدت فى الاتنين هتعرف تحكم لكن البيكانتو الاوسع فى فئتها دى فى ملحق اهرام الجمعة ملهاش اساس فى الواقع زى ما اقلك بيكانتو تنافس فيات 500

الحكم بالابعاد الداخلية مش الخارجية لان الركاب هيرتاحوا جواها من حيث مساحة الارجل و العرض الداخلى و ارتفاع السقف و ال 5 مللى يعنى نص سنتى متر

الهيواندى i10 جميلة وممكن الساجا بس لسه مش منتشرة شوية ويميز الساجا انها عائلية وواسعة وسيدان وشنطة حجمها حلو وموتورها جامد

اقتباس:

---

المشاركة الأصلية كتبت بواسطة hema1975

i10 اوسع من البيكانتو بالتجربة.. يعنى لو قعدت فى الاتنين هتعرف تحكم لكن البيكانتو الاوسع فى فئتها دى فى ملحق اهرام الجمعة ملهاش اساس فى الواقع زى ما اقلك بيكانتو تنافس فيات 500

الحكم بالابعاد الداخلية مش الخارجية لان الركاب هيرتاحوا جواها من حيث مساحة الارجل و العرض الداخلى و ارتفاع السقف و ال 5 مللى يعنى نص سنتى متر

---

حضرتك لو دخلت على اللينك السابق في الاقتباس وتختار Performance and measurements هتلاقي أن البيكانتو افضل في المساحة الداخلية فعلا عدا مساحة الارجل للمقعد الخلفي ، لكن الارتفاع للراكب الامامي والخلفي ومساحة الارجل للراكب الامامي اكبر من الـ أي 10 ، ولللأسف مفيش معلومات متاحة عن السيلاريو غير الابعاد الخارجية فقط .

وعموما لو تلاحظ انه كله في نفس الرنج ، يعني كله بيبقى احسن في حاجة على حساب حاجة تانية ، ومستحيل تلاقي حاجة كاملة ، الكمال لله وحده .

اقتباس:

---

المشاركة الأصلية كتبت بواسطة eng_ahmedryad

حضرتك لو دخلت على اللينك السابق في الاقتباس وتختار Performance and measurements هتلاقي أن البيكانتو افضل في المساحة الداخلية فعلا عدا مساحة الارجل للمقعد الخلفي ، لكن الارتفاع للراكب الامامي والخلفي ومساحة الارجل للراكب الامامي اكبر من الـ أي 10 ، ولللأسف مفيش معلومات متاحة عن السيلاريو غير الابعاد الخارجية فقط .

وعموما لو تلاحظ انه كله في نفس الرنج ، يعني كله بيبقى احسن في حاجة على حساب حاجة تانية ، ومستحيل تلاقي حاجة كاملة ، الكمال لله وحده .

---

اكيد الكمال لله بس خد فى بالك المساحه الاماميه دى لما ترجع الكرسى للاخر و بالتالى المساحه المتاحه ورا اقل ما يمكن و دى نقطة تميز ال i10 و تلاحظها على الواقع اكتر لان المواقع فيها ارقام غلط ساعات كتيير و الارقام بتختلف من مقيم لاخر و الفيصل هو تجربتك فى الواقع دا قصدى لانى جربت الاتنين و سقتهم نقطة تميز البيكانتو الوحيده ان كراسيها طريه عن ال i10 شويه

و لازم ولا بد جديد يبقى رأيي كالتالي:
1- لو معندكش مانع من الصيني يبقى فاو فيتا ب 60000 فل اوبشن و 69000 اوتوماتيك موتور تويوتا ياريس 1500 a+5 بالكامل بالفتيس تويوتا بكله.
2- فيات بونتو و لو حتدفع 4 الف زياده
3- سيريون وان
من الاقزام
4- كيا بيكانتو
5- هيونداي 10 (بس توكيل متعب)
6- سوزوكي سيلاريو (بس توكيل مبيفهمش في البرينجان)

لو مستعمل خفيف
1- جولف 4
2- جراند بونتو
3- بيجو 207 او 307
4- سوبارو امبريزا هاتشباك
5- نيسان تيدا هاتشباك

و اوعى تفكر في صيني مستعمل

اقتباس:

---

المشاركة الأصلية كتبت بواسطة eng_ahmedryad

حضرتك لو دخلت على اللينك السابق في الاقتباس وتختار Performance and measurements هتلاقي أن البيكانتو افضل في المساحة الداخلية فعلا عدا مساحة الارجل للمقعد الخلفي ، لكن الارتفاع للراكب الامامي والخلفي ومساحة الارجل للراكب الامامي اكبر من الـ أي 10 ، ولللأسف مفيش معلومات متاحة عن السيلاريو غير الابعاد الخارجية فقط .

وعموما لو تلاحظ انه كله في نفس الرنج ، يعني كله بيبقى احسن في حاجة على حساب حاجة تانية ، ومستحيل تلاقي حاجة كاملة ، الكمال لله وحده .

---

كلام حضرتك مضبوط تماما البيكانتو بالنسبه للراكب الأمامي وبالنسبه للسائق اوسع من الi 10 وأعلى
بالنسبه للكنبه الخلفيه الi 10 اوسع من البيكانتو فعلاً بس الكنبه ناشفه جدا زي كنبة الفيرنا تقريبا وده عن تجربه

شكراً على ردودكم
و شكلها هاترسى عالبيكانتو عشان بفضل الاوتوماتيك ولا حضراتكم شايفين ايه ؟

اقتباس:

---

المشاركة الأصلية كتبت بواسطة kempel

بدل الفسافيس دى ماتيجى تشترى عربية هاتش باك حقيقية واللا انت مصر على الزيرو لو مش مصر الفلوس دي ممكن تجيب لك عربيات هاتش باك بحالة ممتازة زى الجولف 4 ملك الهاتش باك مو 2001-2002 او بولو 2003-2004 -2005او ابيزا 2002-2003- او جراند بونتو 2008 انما العربيات اللى بتقول عليها دى سيارات للمدينة صغيرة مش هاتش باك لكن لو مصمم على الزيرو فى العربيات الصغيرة مافيش احسن من البونتو الباقى كله ضعيف والله الموفق

---

100 % و عن تجربة