كنت فى الكهربا انهاردة و لقيت اعلانات عن عداد كهربا بكروت شحن
اشحن الكارت و لما الرصيد يخلص النور يقطع
يا ترى حد جربه و عارف عيوبه؟ هل نفس طريقة المحاسبة هى هى ولا بتختلف؟
شاكر ليكم
عرض للطباعة
كنت فى الكهربا انهاردة و لقيت اعلانات عن عداد كهربا بكروت شحن
اشحن الكارت و لما الرصيد يخلص النور يقطع
يا ترى حد جربه و عارف عيوبه؟ هل نفس طريقة المحاسبة هى هى ولا بتختلف؟
شاكر ليكم
ايوة انا عندي عداد كهربا بكروت شحن الدفعه مقدم يا باشا وياسلام بقا لو خلص و صادف يوم جمعة بهدلة
مجربه بقالى 5 سنين فى الساحل، بس دايما باشحنه بزيادة اول الصيف علشان الظروف لو عازم حد فى الشاليه مثلا بدل ما يتدبس، بس عموما هو مافرقش فى الأسعار عن العادى، اللى خلانى اركبه انى ابقى مطمن محدش بيسرق منى كهرباء فى شهور الشتا، لو انت ساكن علطول فى الشقة، يبقى خليك فى العادى احسن وريح دماغك.
حضراتكم بتتكلموا جد ؟؟
انا اول مرة اسمع عنه
ولسسسسسسسسسسسسسه
بكره هيعملوه للميه وبعدين للهوى واللي كارت الهوى بتاعه يخلص اهو يموت برضه وريح
طب ومصاريف النظافه هتتحصل ازاى؟
حد يعرف؟
وايه فئات الكروت بتاعه الشحن؟
طب ونفس سعر الاستهلاك العادى؟
وأختيارى ولا اجبارى؟
وطلع بلدياتنا ولي من اولياء الله الصالحين سابق عصره وزمانه
مش ساذج زي ما كلنا ضحكنا عليه
وتحققت الاسطوره
وانهارت جدران النكته المصريه
وبقي ممكن تشتري كهربا ناشفه
الغو النكته بتاعه الكهربا الناشفه بقي من سجل حياتكم
و كرت الشحن بقي بيبقي بكام ؟
الموضوع ده منتشر فى الاماكن المصيفيه
وانا شوفته فى جمصه
هناك العماره كامله ليها عداد كهربا واحد فى المدخل
وبيشتغل بكارت شحن مسبق الدفع
وصاحب العماره اللى كنت بصيف فيها
قاللى انه دايما بيشحن بمبلغ 500جنيه
وقبل مايخلصو بيجدد الشحن
والموضوع ده ماينفعش عندنا فى بيوتنا السكنيه
مجربه بقالى 3 سنين مشكلته بس انه كان بايظ فى الاول وكان بيسحب الرصيد وميشتغلش بس غيرته ودلوقتى كويس والحمد لله فى شقتى بجمصة
يا جماعة في تكنلوجيا وتخصص كامل اسمة الميترينج Metering
دة وظيفتة انة يحسب الاستهلاك من كل شيء الناس بتستهلكة..يعني
كهرباء
مياة
غاز
الفرع دة وصل لتطور خرافي ما نسمعش عنة في مصر..
يعني فكرة المحصل والكشاف ايلي بيلف طول النهار علي رجلية علشان يقرأ العدادات سواء مياة او كهرباء او غاز..اختفت من العالم...
العداد مسبق الدفع كان مشروع مقترح يجي من 15 سنة ..ويمكن اكتر..
الناس برة عندها عدادات ديجيتال من زمااااان...والعدادات بتنقل الاستهلاك الكترونيا عن طريق شبكات اتصال مع مراكز التوزيع ...ودي بدورها بتصدر فواتيرها الكترونيا ..علي حسابات العملاء
وممكن تندفع عن طريق النت ..او الفيزا من اي بنك..
دة غير ان معلومات الاستهلاك الحالي بتساعد في توقع القيمة المطلوب انتاجها من الطاقة....وبالتالي ما يحصلش انقطاع كهربي او ما يعرف بالـ Blackout...وما يتمش استهلاك كميات من الوقود في طاقة غير مستهلكة...
ههههههههههههههههههههههههه ههههههه :ma::ma::ma:
ماشي يا شنوري قصدك مين ببلدياتنا بتاع الكهربا الناشفه دا :B4_237:
بس هي ايه حكايه الكهربا الناشفه دي اللي طلعت نكتتها فشنك هههههههههههههه
والله انا النهارده كنت بدفع فاتوره التليفون المنزلي و كنت و انا واقف في الطابور بدردش مع اللي قدامي و بنتكلم عن الفواتير و المصاريف و الكلام دا
الراجل قاللي لما نشوف هنعمل ايه مع العدادات الجديده اللي بتشتغل بكروت شحن زي الموبايل
و انا كنت عامل الراجل بيفتي و بيشتغلني
انا كنت من فتره سامع بالموضوع في الجرايد و الموضوع خلص و محدش سمع حاجة تاني عنه
اتاري انا اللي مش عايش في الدنيا
و المصيبة اني " مهندس كهرباء" :120146b:120146b:120146b:36_1_2[1]::36_6_3[1]:
بس كهرباء عادية مش من الناشفه هههههههههههه هههههههههههههههههه
بالمناسبه انا كنت فى السودان من 4 سنين وكان النظام ده موجود ومكانش بيحلى للشحن انه يخلص الا يوم الجمعه ومظهرش نظام الكروت ده الا فى اخرى 2006 قبل كده لازم تروح شركه الكهرباء وتروح تشترى وتشحن .
فعلا فكرة كويسة ان للشقق المصيفية وللناس اللي بيسافرو كتير والبيت بيبقى مقفول علشان محدش يسرق منه ...... وخاصة لما.... ... اقصد ...... يووووووه .... لامؤاخذة .....رصيد العداد خلص .... سلام وح ابقى أ................................. تشششششششششششششششششششششششش ششششششششششششششششششششششششش شششششششششششش
السلام الجمهوري :nopity:
ممكن حد يبعتلي رصيد بخمسة جنية عشان اكوي القميص بتاعي :F_eyeb1[1]:
وممكن زى الموبيل اشحنلى شكرا قصدى كهربنى شكرا هههههههههههههههههههه