دى مقارنة عاملها فى قسم الاوبل بين الفيكترا والنوبيرا يا ريت تشاركونا برأيكم
http://www.nilemotors.net/Nile/136981-a.html
عرض للطباعة
دى مقارنة عاملها فى قسم الاوبل بين الفيكترا والنوبيرا يا ريت تشاركونا برأيكم
http://www.nilemotors.net/Nile/136981-a.html
انا شايف ان اللى انت بتعمله ده دعوة مفتوح لمناوشات ومشادات كلامية بين اصحاب الاوبل والنوبيرا....الموضوع الاصلى فى قسم اوبل...
بصراحة مفيش داعى....لان كل الكلام ده ولا حيقدم ولا حيأخر ...ولو عايز تعرف مين فيهم الافضل فى قسم للمقارنات ممكن سيادتك تتفضل بالدخول فيه...
ويارب اكون مشخصنتش...
هممم , ليه صح ما اتعملتش في قسم المقارنات ؟
هههههههههههههههه والله ما عايز أسخنها ولا حاجة ، بس عايز فعلا أشوف اراء أكتر يمكن أعرف مزايا وعيوب مش واضحة قدامى لان انا فى الاول وفى الاخر لا امتلك اى نوع من الاتنين لكن بقارن وباخد اراء الناس ليس الا ، علشان لما أشترى أبقى على يقين وعندى معلومات صحيحة من ملاك النوعين الفعليين :shyy:
اكيد يعنى لما تسأل اصحاب الاوبل حيشكروا فيها....
ولما تسأل اصحاب النوبيرا حيشكروا فيها...
يبقى انت كده مطلعتش بحاجة مفيدة فى الاخر غير ان حيكون فى شد وجذب بين اصحاب الاوبل والنوبيرا...
ارجو مراجعة قسم المقارنات...
الاوبل فكترا افضل من النوبيرا ك عربيه ولكن بشروط...
اولا تكون 2000 سى سى
ثانيه متودهاش لميكانيكى عشان هتتخرب
ثالثا تتعامل مع التوكيل وتعمل الصيانات فى ميعادها...
وبذلك تضمن عربيه محترمه سحب ممتاز وقل اعطال....
لو مش عايز الشروط دى...النوبيرا هتبقى افضل من الفكترا
والله كلامك ده لسة كان على بالى .... فعلا الاوبل متتركبش غير 2000 سى سى المتور الايكوتك وتكون حالتها ممتازة كمان علشان تقول انا راكب عربية
بس شوفت يا راجل الواحد فيهم مبيقراش الموضوع اصلا ويقعد يصرخ ويقول المانى وكورى ومينفعش نقارن أصلا ... والله حاجة تضحك
انا عايز بس اقول حاجة
انا شايف ان الحوار هناك - لحد اخر مرة بصيت عليه - كان راقي و بعيد عن التعصب تماما , فبكده انا رأيي انك ما تمسحوش
و القرار قرارك طبعا
أوبل
1- قطع غيار معمره
2- متانه ميكانيكيه ( كمكونات سياره )
3- لو فتحت بؤها ( كل سنه وأنت طيب على القرشينات )
نوبيرا
1- قطع غيار رخيصه ويمكن الحفاظ على مكونات السياره بالأستعمال الرقيق للسياره
2- أقل فى المتانه الميكانيكيه ( كمكونات سياره )
3- بسهوله تتلم فيها أى مشكله
مستوى الرفاهيه يكاد يكون واحد فى السيارتين
ومع الحفاظ الجيد على السياره
فالنوبيرا تكسب ( مع الكادحين فى تكوين القرش )
وده عن تجربه فعليه ( معى شخصيا )
او انت مش بتفرق معاك مصاريف الصيانة العاليه ومستغنى عن جزء غير قليل من دخلك انصحك بالاوبل ولو عايز عربيه تلم فيها الموضوع بااقل خساير مادية هات نوبيرا
الله يخليك
وصدقنى أنا علقت فى الموضوع ده بمنتهى الأمانه
وعن تجربه مع النوعين من السيارات
ولا أنحاز لطراز سيارتى الحاليه