البنزيييييييييييييييييييي يييييييييييييييييييييييين
معايا موديل 2010
شاريها في شهر 11
عامله 2000 كيلو
و متضحكوش عليا العربيه بمشي بيها كتير بس جوه البلد ماسافرتش بيها هههههه
عامل صيانة الالف في نص شهر 2
و كانت العربيه اتخبطت من الجنب الرفرف و البابين اتسمكروا عند الوكيل " عيسي بالمنصوره " و الحمد لله رجعت زي الاول و الكلام ده كان من اسبوعين او تلاته بالكتير
ناس محترمه جدا و سعرهم مناسب جدا جدا
بس الخبطه كانت سطحيه نسبيا يعني مجتش علي الموتور ولا اثرت علي بابا من الاتنين
ده التاريخ بتاع العربيه كله
البنزين بقه
اول 1000 كنت بروح افول التانك كل 250 كيلو تقريبا و بدفع 70 جنيه يعني تقريبا 35 ليتر او نقول صفيحتين
بعد ضمان الالف الموضوع اتحسن شويه بس مش كتير ممكن 300 كيلو بدل 250 بس الفرق في سحب الموتور كان ملحوظ و انا كنت بديت اشد بالعربيه شويه
بس مش بشد جامد يعني ولا كتير
و العربيه استهلاكها كان بيتحسن يوم بعد يوم بس مش الفرق الرهيب يعني !!!
المهم بعد السمكره بقه
الموضوع اختلف تماما
العربيه كان فيها نص التنك و فجاه و كانه بيتشفط !!!! و بيخلص بسرعه جدا !!
روحت فولت التانك و مشيت اعدت يومين يعني بتاع 30 او 40 كيلو العداد مش بيعدي الفول انتوا عارفين انه بيبقي بعد النقطه ب سنه كده
قولت تمام يبقي تهيؤات هههههه
فوجات بعدها بيوم ان فجاه من بعد الفول بدا ينزل بسرعه رهيبه !!!
خلال 3 ايام و 90 كيلو العداد نزل للنص !!!!!!!!!!!!!!!!!!!
يعني التنك مش هيكمل 200
و لما روحت الوكيل لاني عارف مهندس هناك قالي استني لما التك يفضي خالص و احسب مشيت كام كيلو بالظبط و تعالالي
الكلام ده امبارح
انا مسافر يوم الاحد و الاتنين "" عيد بقه كل سنه و انتوا طيبين ههههههه "" ف مستني اشوف نظامها ايه علي الطريق
مع ان جوه البلد الاستهلاك مش مطمئن علي الاطلاق
انا اسف جدا للاطاله !!!!!!!!!! بس حبيت اشرح الموضوع من الاول علشان تبقي كل حاجه واضحه