الموضوع: الضريبة علي المرتبات ؟؟؟ حد يفهمني

المشاركة الأصلية كتبت بواسطة bombom

حضرتك ضربت المثال بمرتب الموظف على اساس ان مرتبه ثابت ، طيب في حالة المرتب المتغير شهريا بيتم الحساب ازاي ؟ برضة في المثال اللي فات هو المرتب السنوي ، دا مرتب السنة اللي فاتت و لا السنة اللي جاية ؟ و اذا كانت السنة اللي جاية هما افترضوا المرتب على اي اساس. برضه في ملاحظة ان الضرايب كل شهر بتيجي بقيمة مختلفة مش ثابته زي المثال اللي فات .

الحسبة دي بتتحسب على المرتب كل شهر ..... قبل ما حضرتك تقبض الحسابات بيعملو الحسبة دي ويطلعو الضريبة المستحقة كام ....ومالناش علاقة بالسنة الماضية او القادمة ....
اللكلام اللي انا كتبته ده مبسط جدا ... لكن الفعلي اكيد بيبقى اعقد من كدة ... وغالبا بيتعمل بشيت اكسيل زي زميلنا احمد ما عمل
وطبعا فيه مبالغ معفاة وهي العلاوة الاجتماعية التي لم تضم الى اساسي المرتب و اقساط التأمين على الحياة
....
وآخر السنة بيتم اعادة الحساب تاني على السنة بالكامل .... ولو فيه زيادة او نقص لأي سبب بيتم تسويته
عموما ضريبة المرتبات زيها زي باقي الضرائب على دخل الاشخاص الطبيعيين ... زي التجار واصحاب المهن الحرة والمصانع والمشروعات التي يمتلكها شخص طبيعي .... وكلها بنفس النسبة .... لكن في المرتبات بيبقى فيه اعفاء قدرة 4000 حنيه سنويا يضاف للاعفاء العادي لباقي الاسخاص اللي هو 5000 علشان كدة احنا بنعفي 9000 سنويا يعني 750 شهريا
ما زاد عن ذلك ....
اول 15000 .....ضريبة 10%
ال20000 التالية ..ضريبة 15%
ما زاد عن ذلك ....ضريبة 20%
...
اما بالنسبة للاشخاص الاعتبارية يعني الشركات بكافة انواعها ( ماعدا شركات الواقع الناتجة عن تقسيم ميراث شخص طبيعي فردي )فتكون الضريبة 20% من اول جنيه من الربح الصافي بعد خصم المصروفات المباشرة والمصروفات العمومية المؤيدة بمستندات والتبرعات بالشروط المنصوص عيها ... ومافيش اعفاء 5000 ولا غيره ... من اول نقطة يا معلم
....
دي نبذة مختصرة عن الضرائب .....
اما التفاصيل ...................... بحر كبير

المشاركة الأصلية كتبت بواسطة cdkareem

طيب معلش يا ريس سؤال غبى منى شوية ، هنفرض ان مرتبى 1500 لو هنشيل منهم 750 = 750 صح كده ، يعنى كده انا المرتب بتاعى مش 1500 بقى 750 بس 0
السؤال الغبى بقى الضرائب المفروض تتاخد من اول 1500 بعد خصم الـ 750 ، ولا هتتاخد على الـ750 الفضلين ؟؟؟؟؟؟؟
انت فهمت حاجة منى ؟ اصل انا مش عارف افهم

انت ماشي صح ف الاول .... ال 750 اللي فاضلين هما اللي عليهم ضريبة
وعشان التبسيط ممكن نحولها شهري
يبقى اول 1250 × 10%
وتاني 1666.66 ×15%
وما زاد × 20%
...
يبقة ال750 اللي في المثال عليهم 75 جنيه
يعني لو مرتبك 1500 ح تدفع ضريبة 75 جنية ...

المشاركة الأصلية كتبت بواسطة human12

انا نصيبى كام من العمليه ديه يا حج احمد

شايفك عمال تاخد فى ضرايب و مافيش حد بيعد عليك

باصى حبه تزيد محبه

انت من الأحرار يا طارق