نفسى ادخل مدرسه مخصوص مختلفه عن باقى دول العالم انا محتاج كورس فى كيفيه التعامل مع العربجيه وحطو تحتها ميت خط لما واحد عربجى عمال يضرب الحصان وجالى مقابل فى وشى بيركنى ميت عفريت ولما الطريق بيبقى واقف والاقى موتيسكلات عايزه تتنزق بين العربيات ولما تلاقى واحد بنص نقل فى شارع ضيق ومعندوش زوق ويقولك ارجع انتا خصوصا لما تبقى داخل من شارع رئيسى ولا التكاتك اللى بلاقى خمسه حوليه ولما الاقى واحد بتاع العربيات الخمسينات وبكل رعونه تلاقيه يزنق عليك وهياخدلك جنب العربيه ولما تبقى ماشى فى شارع رئيسى على الحاره الشمال وداخل شارع يمين وتعقد تدى اشاره وتشاور ولا حد يعبرك وتضطر تعدى الشارع بدون متخش ولما تبقى داخل شارع اليفطه بتاعة ممنوع الدخول متغطيه او ممسوحه وتلاقى الامين مستنيك فى نص الشارع ولازم تبرز طبعا ولما تروح بلد مش لاقى اى مكان تركن فيه يبقى انتا اكيد فى مصر انا طبعا بعرف اسوق بس حاسس انا لولا ستر ربنا كان زمان الواحد ميبهدل ناس كتير بتقول حاول تتجنب خطا الغير بس محدش قال ازاى والنصائح اللى بنسمعها لقائدى السيارات حاسس انها تنفع مع دول غير مصر ولكننا عايزين دروس تانيه قبل ما تبقى سواق سامحونى لازم تبقى بلطجى ويا حبزا لو عندك نص نقل سيبك من الملاكى الورق ده او الاحسن الواحد يقضيها مواصلاات ويرحل دماغه
المفضلات