الاختراع الرهيب دى فى دى و راديو و تليفزيون و جى بى اس وبلوتوث ويو اس بى
ازيكم يا شباب
اشتريت اختراع كده حبيت اشاركم فيه ...... :)
هوه عباره عن دى فى دى للعربيه مقاس 7 بوصه و نص بيشغل جميع امتدادات الافلام ...فيديو سى دى او wmv او اسطوانات دى فى دى و خلافه
و طبعا فيه راديو محترم
كمان فيه تلفزيون ( بس مجربتش اشغله )
فيه مخرج يو اس بى ( تقدر تشغل الفلاشه )
فيه بلوتوث ( تقدر تشغل اغانى من موبيلك و كمان يتوصل بالموبيل لما حد يتصل تظهرك نمرته على الشاشه و ترد و تسمع الصوت من سمعات العربيه و كمان تقدر انته تتصل منه بدون استخدام الموبايل )
ممكن يتوصل بكاميرا بتركب فى الرفرف الخلفى لما تيجى ترجع لورا بيظهرك على الشاشه الصوره بحيث متخبطش فى اى حاجه ( بس برضه مجربتهاش)
نيجى بقه لاهم حاجه .... الا و هى الجى بى اس
طبعا انا لما اشتريته من بره مصر مكنش فيه خريطة مصر و مع الصبر و الكفاح قدرت اشغل عليه خرايط مصر و بالعربى كمان
مميزاته :-
1- تعريف الجى بى اس هو عباره عن نظام التقاط اشاره من الاقمار الصناعيه - بدون اى تكلفه عليك - بتقدر تحدد منها موقعك على الكره الارضيه .... لحد هنا مفيش اى فايده بس لما تحطه بقه خريطة تقدر تعرف انته فين بالظبط و اسم الشارع ........
2- البرنامج المستخدم هو igo و ده برنامج ممتاز جدا فى الملاحه تقدر تبحث عن اى عنوان و تظبطه كوجه ليك و هو بقه يقولك ادخل يمين ادخل شمال و يديك توجيهات صوتيه لغاية لما توصل
3- لو انته عاوز تروح مكان معين تقدر تبحث فيه على جوجل ايرث و تجيب احداثياته و دخلها فى البرنامج برضه يوديك زى الحلاوه
4- كمان ممكن تحفظ فيه الاماكن الى انته عاوزها علشان لما تحب تروح بعد كده يبقى سهل عليك
5- بيقولك سرعتك كام و طبقا للطريق بينبهك لو زودت عن سرعة الطريق ( بيقولك لقد تخطيت حد السرعه )
6- تقدر تشغل الراديو او الاغانى و انته مشغل برنامج الجى بى اس
7- لو انته مشغل الجى بى اس و الراديو وحد اتصل بيك برضه مفيش مشكله بيرن و يظهر رقمه على الشاشه و ممكن ترد عليه من الجهاز على طول
و الجهاز معاه ريموت و الشاشه نفسها تاتش سكرين
و مش فاكر لو كنت نسيت حاجه من امكانيات الجهاز ولا لا ....:ma:
و دى شوية صور للجهاز
http://www.7bab.net/download.php?img=1761
http://www.7bab.net/download.php?img=1760
http://www.7bab.net/download.php?img=1759
http://www.7bab.net/download.php?img=1758
لو حد عنده اى استفسار انا فى الخدمه .....و سعر الجهاز مع الشحن و الجمارك و ضريبة المبيعات و الذى منه حوالى 3500 جنيه
