الموضوع: ارجوكم ساعدونى فى الاسبرانزا a 620

انا عضو جديد فى هذا المنتدى و دى اول مرة اكتب فى هذا القسم و ارجو المساعدة .

انا كنت عايز اعرف ايه اخبار السيارة السبرانزا a620 ال 2000 سى سى

عاملة العربية دى و ضريبة ال 2000 سى سى كام

وسعر العربية دى فى البيع بيزل جامد و لا ليها سوقها فى اعادة البيع

وهل هى تستحق الشراء ام لا

و شكراَ لجميع الاعضاء

بص انا مش معايا العربيه دي بس شفتها كتير وسألت عنها كتير...طبعا بين مؤيد ورافض... بس التوكيل بيقولي ان اعطالها قليله
مع واحد صاحبي جايبينها فى الشركه بيقولي ثباتها رووووعه وصالونها حكايه وامكانياتها مفيش كده
بس صوت موتورها عالي سحب بنزينها يعتبر كتير طبعا لانها 2000 سي سي بس تقريبا زي استهلاك 516
وبيقولي انه مره كان راكب مع السواق ورايحين فى طريق سفر فتعب وحب يريح شويه المهم انه رجع الكرسي الكهرباء ورا ونام واستريح ولكن لما قام بيرجعه .... مرجعش معاه
طبعا انا فطست من الضحك.... بس صلحوها فى الصيانه
وبيقولي ان الشركه بتوديها كل شويه للصيانه.... الله اعلم صيانه دوريه ولا صيانه فوريه لعطل ما
الخلاصه العربيه حلوه اوي من كل حاجه بس طبها يوجد فيها اعطال ولكن ليست بجسيمه لانها تقفيل مصر للاسف
ضريبتها السنويه 1050 من المعرض فى المعادي قالولي كده وفى احد الاخوه المشاركين بيقول انها 1200 فى السنه وبتقل 50 جنيه سنويا

ملحوظه: انا بفكر اشتريها مستعمله رغم كل ما سمعته عنها
وربنا يوفقك