نكتة
يمكن لو حد غير ثقة قالهالي مصدقهوش
قصة كوميديا على الصبح :E_braces[1]:
زميلي كان راكن مخالف في المهندسين رجع لقى عربيته متكلبشة
لما راح للظابط عشان يدفع المخالفة الظابط قال له خلاص متعملش كدة تاني
بس إبقى راضي العسكري :colsmil:
عرض للطباعة
نكتة
يمكن لو حد غير ثقة قالهالي مصدقهوش
قصة كوميديا على الصبح :E_braces[1]:
زميلي كان راكن مخالف في المهندسين رجع لقى عربيته متكلبشة
لما راح للظابط عشان يدفع المخالفة الظابط قال له خلاص متعملش كدة تاني
بس إبقى راضي العسكري :colsmil:
ايوه طبعا
مش هيشوف شغله و يفك الكلبشه؟!!
انا مره قلتله انت هتستفاد ايه هتدى الدوله 30 جنيه و انت تاخد ايه خد دول و فك الكلابش :)
الفلوس دي بتروح للظابط و جزء بسيط منها بيروح للعسكري بس مينفعش الظابط يخدها كده علني
انا بقى واقف فى اشاره لاقيت العسكرى داخل عليا بيترعش وبيقولى الرخص قولتله خير قالى الحزام قلتله انا لسه راكب العربيه عادى يعنى وفعلا منت لسه راكب
نزلت للضابط قولتله انا لسه راكب العربيه صدقت ماشى ما صدقتش الى تشوفى
العسكرى عمال يلف حوالين العربية
قلتله مالك انت بتضور على اى حاجة وخلاص
المفاجاه لقيت الظابط بيقولى ها ت 20 جنيه انا رديته ال20 جنيه وانا مسيهل لقيته عاملى وصل بيهم على انهم لتحسين الخدمات المروريه
اسف على الاطاله
نفسى بقى تفرج كده و افتح كمين فى حته عتبتها كويسه
والواحد يبقى صاحب كمين و افتح قسم خاص و كروت خاصه و اقنن الكوسه عشان تعمل احلى فلوس
و اجيب كام ظابط على امين شرطه و عسكريين تلاته و كام برميل على قمعين و تبقى رضا اوى
والله إنت تعليقاتك ملهش حل
كنت باطلع شهادة مخالفات لعربية من حوالي ١٠ سنين من رشيد، النظام هناك بدائي جدا والمسؤول عن المخالفات (أمين شرطة) عقدهالي وقالي حتاخد أسبوعين تلاتة، نزلت لمأمور القسم وهو عقيد وحكيتله اللي حصل..
رد ببساطة قال: فتح مخك معاه...
قلتله: نعم...قالها تاني بالتشديد على الحروف: يا شييييخ فتتتتتح مخك معااااااه...
قلتله مخي أنا مش حفتحه بس ممكن أطلع أفتحلك مخه هو..إيه رأيك...
بصلي شوية بغيظ ...وقال إنت شكلك راجل محترم وشكلك سمح ومش بتاع مشاكل..اطلع قله فلان بيه بيقولك خلص الورق دلوقتي....بس خلاص خدت الشهادة بعدها بساعة
اللذيذ إن يومها وأنا داخل القسم عشان أعمل الشهادة الحرس اللي على الباب بيقولي :فين المخبر بتاعك؟....قلتله:.نعم.؟؟!!! ...قالي : فين المخبر بتاعك؟....
قالها بثقة مفرطة بطريقة من يتكلم عن حقائق كونية
أنا مت على نفسي من الضحك وهو باصص ببلاهة....زميله قاله ده شكله من اسكندرية..ادخل يا فندي
عرفت بعد كده إنك مينفعش تروح القسم إلا ومعاك المخبر بتاعك،،،،،يعني المسؤول عن منطقتك...ناس لذيذة جدا