ممكن يكون بداية كوبلن؟؟سيارتى نيسان تيدا مو 2008 هاتشباك أوتوماتيك, عاملة 28000 كم , من أسبوع تقريبا بدأت اسمع صوت (تكتكة) فى الجزء الأمامى شمال, عندما تتحرك السيارة من السبات أو عندما أقف و أجيب الفتيس على r اسمع الصوت قبل ما السيارة تتحرك. المهم, رحت التوكيل, و أول ما سمعوا الصوت قالولى :"دى صاجة فرامل", فكوا التيل و نظفوه و ربطوه كويس و مازال الصوت موجود, راحوا فكوا تقريبا كل حاجة فى العفشة شمال, وقاموا بتنظيفها بwd40 و بعدين ربطوا كل حاجة تانى و الصوت راح !!! كدة تمام, سألتهم بقه المشكلة كانت إيه, محدش رد عليا رد قاطع, الفنى و المهندس قالولى شوية نظافة لجهاز الفرامل و الكوبلن !!
المهم الصوت راح و مازلت مش مقتنع بالسبب !!!
لو حد عنده تفسير أو حدث له شىء مماثل يا ريت يرد عليا !!
و بصراحة احب أشهد شهادة حق, إن توكيل modern motors الأسكندرية من أحسن التوكيلات فى مصر, من حيث المعاملة والأمانة و الفنيات !! و على فكرة إشتغلوا فى العربية حوالى ساعتان أخدوا 54 جنيه فقط.
شكرا جزيلا
م/حازم علاء الدين عباس
الأسكندرية
المفضلات