الموضوع: الموتور بيرجرج

السلام عليكم
محمد باشا ممدوح اجرب بوبينة تانية منين ولا اقصدك اغيرها بجديدة
المهم انا سألت عن الاتي:-
1- البوبنة لقيته عند ابو الحسن 450 جنيه
2- طرمبة البنزين الماني 425 وgm 550 اسلاك البوجيهات الاصلي 100 جم وفي بـ40 جم
لو سمحت افدني عن احسن هذه الانواع علشان لو حبيت اجيبها وافدني عن الموضوع بصفة عامة

المشاركة الأصلية كتبت بواسطة mmamdouh

استلف بوبينة من جار ليك او زميل فى الشغل او حتى من الميكانيكى بتاعك و جرب بيها عشان تتاكد ان العيب من البوبينة بتاعتك ولا من حاجة تانية قبل ما تغرم 450 جنية

طبعا الافضل فى كل قطع الغيار المذكورة هو الاصلى

mmamdouh

باشمهندس محمد, افتكر ان حضرتك كنت ذكرت طريقه لإختبار البوبينه
وهي على ما اتذكر ان الواحد وهو ماشي على سرع منخفضه (بدايه سرعه الغيار التاني مثلا) تعشق الغيار التالت وتدوس بنزين جامد شويه ولو العربيه نتشت يبقه كده البوبينه محتاجه تتغير

وكان تفسير حضرتك للتجربه هو ان العربيه في الحاله دي بتحتاج إخراج و توزيع قوه كهربيه اكبر وبالتالي البوبينه لو فيها خلل هيبان من خلال التنتيش اللي هيحصل

اتمنى اكون فاكر طريقه الاختبار الصح زي ما حضرتك قولتها وممكن الأخ الكريم صاحب الموضوع يجربها

اولا جميعا مشكورين (محمد ممدوح ، الشامي ، روميو)
الموبينة في التوكيل قالو لي انها صيني بس هيه راكبة من فترة
استاذ محمد ممدوح انا عارف ان الاصلي احسن بس ابو الحسن قال لي ان الطرنبة بنزين الماني احسن من الاصلي
استاز روميو انا غيرت فلتر البنزين ونظفت فلتر الهواء وفكيت طرمبة البنزين ونظفناها وكانت غير نظيفة خالص وبعد ما ركبناها حتي الحساس باظ من كتر التنظيف
وبالنسبة للرشاشات ان حطيت max44 في بنزينة موبيل للتنظيف
كل ده ولسة العيب بيظهر وعلي فكرة هو بيظهر علي فترات ومش دايما وفي كل الغيارات
بعد اذنكم لو غيرت بوجيهات واسلاك بوجيهات مبدئيا هلي لو الموبينة بايظة تأثر عليهم
ولا ايه رايكم ابدأ ازاي ياريت كل واحد يقول رايه بحيث نجمع الاراء ونختار المتوافق منها
انا اسف وعارف اني طولت وغلست
جزاكم الله خيرا

المشاركة الأصلية كتبت بواسطة moaaazmh

بعد اذنكم لو غيرت بوجيهات واسلاك بوجيهات مبدئيا هلي لو الموبينة بايظة تأثر عليهم
ولا ايه رايكم ابدأ ازاي ياريت كل واحد يقول رايه بحيث نجمع الاراء ونختار المتوافق منها

مظنش ان يكون في تأثير على البوجيهات والسلوك الجديده !! بس في تخيلي انك مش هتاخد اي تحسن ملحوظ في الأداء من بعد تغيير البوجيهات واسلاكها في وجود بوبينه بايظه

من رأيي اتاكد الاول ان العيب من البوبينه وبعدها غييرها بالبوجيهات بالأسلاك مره واحده , عالاقل عشان تحس الفرق بشكل ملحوظ