عرض للطباعة
لو سمحتم يا شباب اللوجان انا اشتريت فرش لكراسى العربية من كارفور وعايز اركبه بنفسى توفيرا للنفقات و كنت عايز اعرف من الرجالة اللى ركبت الفرش بره التوكيل الراجل اللى عمل الفرش فك الكرسى منين بالضبط.
يعنى هل فك الكرسى من المجرة اللى هوه متثبت عليها ودا عن طريق ست مساميربصاولة تقريبا مقاس 14
وللا فك الكرسى والمجرة مع بعض من جسم العربية ودا عن طريق اربع مسامير على شكل نجمة تقريبا مقاس t40
نصيحه ركبه عند اى حد بتاع فرش علشان يركب مظبوط على الكراسى و يكون مشدود كويس
وتكلفه تركبيه حتكون مش كبيره
على رأى المثل ادى العيش لخبازه و لو اكل نصه
هية النصيحة مفيدة طبعا يا ياشا بس انا بصراحة من هواة الفك والتركيب بنفسى. يعنى بحب اعمل كل اللى اقدر عليه فى العربية بنفسى وعموما برده ادينى باستشير اهل الخبرة او الناس اللى ركبت عند الخباز عشان استفيد من خبرتهم
انا لما جبت الفرش الراجل هو الي ركبه يس مفكش الكراسي الي قدام الورا بس فك القعده الاول من غير حاجه رفعها من الطرف اليمين وبعدين الشمال ففكت اما ظهرها ففكها بمفاتيح بلدي من تحت وراح ملبس الفرش وركب تاني بس علي فكره تركيبه في حدود 30- 40 جنيه