الموضوع: منقول " لا تقولوا قوس قزح "

المشاركة الأصلية كتبت بواسطة ahmadalaaeldin

محدش قال نسيب الصلاة والصوم وعبادة ربنا عز وجل وتمتنع عن انك تقول قوس قزح!! مين قال الكلام ده؟؟؟
هو لازم علشان نعمل حاجة مكناش نعرفها نهمل حاجة عارفينها او حتى مقصرين فيها ؟؟؟
وعذرا مفيش حاجة اسمها توافه في الدين... لكن في امور اعظم من أمور.
يمكن انت بتصلي النوافل غيرك بيصلي الفرض بس بيتصدق اكثر وبيغض بصرة ولا يسمع ما يغضب الله . فكل يعمل على قدر إستطاعتة ويدعوا الله ان يوفقه وقبل العمل لازم العلم ..
اساس الدين وسبب خلق الله للإنس والجن هو عبادة الله .. واعبادة مش صلاة وصوم فقط.
كلما ازدت من الخير ومما امر الله ورسولة به فإنه عبادة وقربة لله عز وجل وكلما انتهيت عما نهى الله ورسولة عنه فإنها عبادة وقربة لله عز وجل.

ثم الراجل بينصح ان الأفضل ترك الكلمة ورعا كما قيل...
وكلامي هنا مش تعليق على اسم او محتوى الموضوع بس كلامي رد على كلام حضرتك ونصيحة في الله.

وجزاكم الله خيرا

حدثنا عبد الله بن يزيد المقرئ حدثنا سعيد حدثني عقيل عن بن شهاب عن عامر بن سعد بن أبي وقاص عن أبيه أن النبي صلى الله عليه وسلم قال إن أعظم المسلمين جرما من سأل عن شيء لم يحرم فحرم من أجل مسألته .صحيح البخاري ج6/ص2658

زى الاستاذ اللى كان عامل موضوع ان حرام سماع
القران فى العربية عشان السماعات بتكون جنب الاقدام...
والاعضاء الافاضل ذكروا اكثر من 4 تعريفات لكلمة قزح سيبناهم كلهم ومسكنا فى ان قزح دا اسم الشيطان.....
يا استاذ احمد الدين يسر مش عسر...
مش كل واحد فاضى يدور وينخور على فتوى ملهاش اى فايدة وينشرها ..وانا لا اقصد الاستاذ صاحب الموضوع..انا اقصد كاتب الموضوع الاصلى...

المشاركة الأصلية كتبت بواسطة ahmadalaaeldin

اعتقد ان الأخ ناقل الموضوع وضح فيما نقل الأولى ترك الكلمة ورعا... فيما قرات
وإن كنت انا ورع فلا الزم الناس ان يحذو حذوي فلكل طاقتة والإيمان يزيد وينقص كما اخبرنا الرسل علية الصلاة والسلام.
وكما نقل ايضا ان الي اكيد افضل مني علما الاف المرات اختلفوا في المسئلة.
وارى انه لم يلزم الناس ولم يقل :الي مش هيعمل كد ولا يعني غير مجرد الإسم يكون هالك والعياذ بالله...

اوافقك ان الدين يسر وليس عسر..
طبعا النت مليئ بأكاذيب كثيرة وحقائق ايضا وسؤال أهل التخصص هو السبيل لمعرفة الحق خصوصا في المسائل الدينية وليس عرضها على العقل ..لأن ربما عقلي اقل فهما من عقلك او العكس.
انا مازلت باتكلم بشكل عام وليس عن الموضوع نفسة.

الراجل بينقل معلومة بعضنا قرأها فمنا من استفاد بها او حتى علمها او بحث عنها ومنا قرأها ولم يعلق ومنا لم تعجبه.
وهو لم يجبر احد على مشاهدة موضوعة .. كل واحد دخل بإرادتة زي مشارك بإرادته.
فلا داعي من الدخول في كلام قد يوحي لمن يقرأه ان من يرفض هو رافض لكل معلومة في الدين وخلاص!
كلنا بنتعلم وانا شخصيا كل يوم بتعلم حاجة جديدة وحتى في مجالات اجيدها بل واتميز فيها.

بارك الله فيك

ارجع تانى واقول لحضرتك وانا كمان بتكلم بشكل عام....
ان اللى انا شايفه صح ومن وجهة نظرى ان المسلمين المفروض يكون اهتمامهم بالدين...ومش حقول اساس الدين وتسيب التوافه....يعنى كل واحد يعمل اللى عليه ومش لازم نمسك فى حاجات ولا حتقدم ولا حتأخر ونسأل فيها ونعيد ونزيد فيها...
اسمحلى حضرتك احنا ((واقصد الغالبية العظمى)) مش بنأدى فرائض الدين على اكمل واجه...
الواجب اننا نركز فى الاساسيات ولما نبقى نعملها على اتم وجه نبقى نشوف المسائل الفرعية...

المشاركة الأصلية كتبت بواسطة mahamedaraby

حضرتك يا استاذ عاطف الغرض من الموضوع ده عامه انك تعرف الصح وتعمله بعض كده محدش قالك انك حتخش النار علشان بتقول قوس فزح او هتخش الجنه علشان مبتقلهوش

هو الراجل بيقول ان دى غلط وبرهن عليها وعرفنا الصح فبلاش نقول بعض كده الكلمه دى وخلاص ده ولا تشدد ولا اى حاجه

زى مثلا المفروض منقولش اعتمد على الله و على ده غلط

المفروض نقول اعتمد على الله ثم على حاجه بسيطه اتعلمته وبقيت اقولها ومخسرتش حاجه بانى عرفت الصح وبقيت اعمله

احنا فى الدنيا بنحاول ندور على الصح والاحسن مينفعش نقول لما يبقى ندخل فى صلب الدين نبقى نشوف المواضيع دى

ده غلط احنا فى حياتنا بنشوف الصح ونعمله مش بنشوف صح كيبر او صح صغير غلط كبير او غلط صغير

واتمنى انى اكون وصلت وجهه نظرى اللى بتحتمل الصواب او الخطأ

توكلنا على الله...انا كل اللى عايزه ان مش كل واحد تجيله رسالة على الايميل يكتبها وينشرها ويقول الكلام ده منقول...بس مش اكتر...وربنا يهدينا جميعا...

المشاركة الأصلية كتبت بواسطة ahmadalaaeldin

طبعا كلامك سليم نهتم بالدين وكمان نجعلة منهج حياة مش صلاة وصوم فقط.

لكني أختلف معاك في النقطة الأخيرة وأرى ان كل منا يسعى في طاعة ربنا وعبادته في الفرائضو النوافل والسنن والقربات وترك المحرمات وما نهى عنه الله ورسولة قدر الإستطاعة وعن علم وبصيرة مش تقليد وجهل . علشان لما نموت تبقى نيتنا تحصيل طاعة ربنا ونحصل قدر ما قدر لنا من الخير. والله يتقبل بإذن الله. ولعل الله يطلع على نيتك فيعينك على الطاعة اكثر مما كنت تتخيل.

وإليك هذة الأبيات الجميلة لشحذ الهمم

عَـلَى قَـدْرِ أَهـلِ العَـزمِ تَأتِي العَزائِمُ === وتَــأتِي عَـلَى قَـدْرِ الكِـرامِ المَكـارِمُ
وتَعظُـمُ فـي عَيـنِ الصّغِـيرِ صِغارُها === وتَصغُـر فـي عَيـنِ العَظِيـمِ العَظـائِمُ

واخيرا كل منا قال وجهة نظرة اتفقنا في اشياء واختلفنا في اخرى ولعلي اثق ان كل منا يريد النصح في الله وفقنا الله إلا ما يحب ويرضى.

ولا تنسى كنتم خير امة اخرجت للناس طبعا كلنا عارفين باقي الأيه... وسبب الخيرية.

وهذا ما اعلم والله أعلى واعلم

تقبل تحياتي

وصلت وجهة نظر حضرتك ...واختلاف الرأى لا يفسد للود قضية...