استفسار للسادة الافاضل مالكى السيراتو الهاى لاين - هل يوجد بها مثبت سرعة ام لا وشكراز
عرض للطباعة
استفسار للسادة الافاضل مالكى السيراتو الهاى لاين - هل يوجد بها مثبت سرعة ام لا وشكراز
لا يا باشا مش موجود في أي فئة بتنزل مصر والخليج علشان 1600 سي سي
ولكن بينزل مع السيراتو ال 2000 سي سي
يا جماعه السيراتو بيركبلها مثبت سرعه
وأنا إشتريت الزرار الي بيركب في الدركسيون بس لسه ما جبتش الجهاز الي بيركب في الموتور ومازال البحث جاري عنه
للاسف مش بتنزل وعلي فكره هي ملهاش علاقه ب 1600 و 2000 الاسكودا a4 نازل فيها مثبت سرعه و هي 1600
ممكن تفاصيل أكتر يا باشا
لا يا زواوى عمرو ميقصدش أن المثبت لازم يكون فى عربيه 2000 سى سى
هو بيقول أن المثبت الى فى السيراتو بيبقى فى السيراتو ال2000 بس
مش كلام عام على كل العربيات يعنى :)
"المعلومه على مسئوليه عمرو بك :)"
تصدقوا هيبقى جامد لو ركب
انا نفسى فيه :3mla:
التوضيح يا باشا
إني شوفت الصور على النت إن فيها مثبت سرعه فسألت في التوكيل ودورت كتير لحد ما توصلت إن ممكن يركبلها وإشتريت الزرار الي بيركب في الدريكسيون مع الفبره بتاعت الدريكسيون يعني الفبره حيبقى فيها زراير من الناحيتين ناحيه مثبت السرعه وناحيه تحكم الكاسيت
لكن المشكله عندي دلوقتي إني روحت أركب الزرار ده عند محمد عسكر الي في الحرفيين قالي إن كده في وحده بتركب على الموتور ناقصه عندي عشان الزرار الي أنا إشتريته يشتغل عليها
فحاليا أنا مكلم ناس كتير أوي يدورولي على الوحده الي بتركب على الموتور دي
وأول ما أوصل لحل وأركبه ويشتغل إن شاء الله حقولكم إيه الأخبار بالتفصيل والسعر ومنين تجيبوه
بس خلي بالك ياباشا لو متركبش مظبوط 1000/100 فيه خطورة.....وهو بصفة عامة بيبقي مفيد في طرق السفر الطويلة وملوش فايدة جوة البلد.....وافتكر ان السيستم ده كان عليه ريكالز كتيرة في اوائل استعماله من سسسسنين.
ربنا يسترها ويركب كويس
وأنا مشكلتي إني بسافر كتير جدا وبزهق من الدواسه بتاعت البنزين عشان كده محتاج اركبه
وليا طلب عندكم
لو في حد في بورسعيد يسألي عند أي حد بتاع قطع غيار كيا إستيراد عندو الوحده دي ولا لأ
وأنا أنزل بورسعيد اشتريها
أيوه كده يارييت حد يدلنا عليه بس ومستنيين الاخبار الحلوة منك يا think_ pad
باقولك إيه ماتكمل جميلك وتشوف بقى البلويوث بالمرة عند نفس الراجل اللي جبت منه الفبرا ده
بالنسبة لمثبت السرعة تكلفتة كام بالتوكيل
أنا كلمت التوكيل 5 مرات وكل مره أسأل نفس السؤال في مثبت سرعه للسيراتو قالولي لا مش عندنا
بيسو البلوتوث موجود في الحرفيين بس المشكله إنك حتغير الكاسيت معاه عشان البلوتوث في الدي في دي
وهوا شاشاه تاتش وجي بي إس وبلوتوث وتاخد معاه فبره الدركسيون الي فيها الناحيه التانيه زرار الرد والكانسل والإسبيكر
تمن الدي في دي 5000 جنيه ودا طبعا إستهبال
والفبرا أنا بالعافيه أخدتها ب 600 بالزرار بتاع البلوتوث
الحاجات دي موجوده في الحرفيين عند كاظم بتاع كيا
بس انا شايف إن مثبت السرعه أفيد من البلوتوث
وحاجه كمان إن الدي في دي الكتابه في بالكوري يعني مش حنفهم حاجه منه
أولا بشكرك على ردك يا باشا فعلا أنا كنت عاوز اعرف موضوع Sat/Nav ده ومكنتش عارف إنه بيتباع استيراد بس شكلي كده أول مافضا حاطلع طالعة كده فالحرفين أشوف إيه الكلام
طبعا 5000 عفريت لما يناطاطأوه :) والف مبروك على بس أنا شايف إن 600 جنيه على فيبرا كتير قوي من غير الجهاز بس إن شاء الله تلقيه بسعر كويس كمان
شكرا
http://img41.imageshack.us/img41/701...koup201039.jpg
هو حضرتك اشتريت الفبرة بتاعت مثبت السرعة اللي على اليمين دي ولا انا فاهم غلط ؟؟
ولو كدة حضرتك هتركبها ازاي ؟؟
هوا بالظبط كده
وفكيت الدريكسيون بتاعي وركبتها وركبت فيها الزرار بتاع مثبت السرعه
وعلى فكره الزراير الي تحت دي مش موجوده لا في الحرفين ولا في كتالوج قطع الغيار
إتركبت ازاى؟؟؟
لازم هتخرم بقه !!!!
طب ممكن صورة ياباشا بعد التركيب عشان نشوف
معلش هنتقل عليك :)
غريبة جداً ...لأن ما لهاش مكان أساساً عندي ولا في الهاي لاين اللي شفتها قبل كدة
يا ريت صورتين تلاتة علشان أعرف عملتها ازاي :) :) :F_eyeb1[1]:
وبعدين حضرتك كنت بتقول ان فيه فبرة بتاعت البلوتوث اللي فيها بدء المكالمة وانهائها والسبيكر ......هتركب فين كدة ؟؟؟؟؟ لأن دي تهمني أكتر من مثبت السرعة بصراحة
وألف شكر ليك بجد
هى معمولة زى دي؟؟؟
http://i258.photobucket.com/albums/h.../Untitleed.jpg
معلش مختش بالى من الصورة بتاعتاك يا عمر غير بعد ماكتبت.
متابع ومش حسدق غير بصور :) بهزر معاك بس أنا فعلا نفسي أشوف فعلا ركبت إزاي عشان أنا حاول أشوف كده الفبرا ده بتفك إزاي وكده بس خفت اكسرها
كله مستني الصور ده على نار بس بال dyi بتاعها :)
موضوع جميل و مهم ارجوا المتابعه و التجديد حتى تعم الفائده
بالنسبه للفبره اظن انه اشتراها بغطاها من الحرفين و مخرمش فى الفبره الاصلى اظنه استبدلها بواحده فيها مكان الزراير و معلها الفبره و اظن المنطق بيقول كده
و بالنسبه للبلوتوث و الجى بى اس و الديفى دى ليهم مكان تانى غير مكان السيدى انا موضحه بالصور فى موضوعى
http://hi-motors.com/bbs/data/kia/KFR_NVNo02B.jpg
http://www.nilemotors.net/Nile/image...ons/report.gif http://www.nilemotors.net/Nile/image...tons/quote.gif
http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 700x7055.http://hi-motors.com/bbs/data/kia/KFR_NVNO_01B.jpg
و بالمره خليه يشوف مكان زرار الفبره الىبتقفل المرايات كهربه عنده والا لا فى الحرفين كمان زى الصوره دى
http://hi-motors.com/bbs/skin/gallery_2/t.gif http://hi-motors.com/bbs/data/kia/KFR_EXEX_02.jpg
http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 700x1813.http://hi-motors.com/bbs/data/kia/KFR_EXEX_02B.jpg
http://www.nilemotors.net/Nile/image...ons/report.gif http://www.nilemotors.net/Nile/image...tons/quote.gifاو عموما زور الموضوع بتاعى قبل ما تروح الحرفين و قولنا لقات اه هناك من الكماليات اللى انا عملها فى موضوعى على فكره هما تقريبا 15 صفحه صور سيراتو متظبطه و كل الكماليات اللى ممكن و اللى مش ممكن تتخيلها صدقنى هيعجبك
رابط الموضوع
http://www.nilemotors.net/Nile/145773-2011.html