تسلم ايدك يا باشا دايما مميز في كل ردودك :b4_388:لو حضرتك عايش فى شقة حمامها مثلا 2 متر * 2 متر ولا يتسع للغسالة والمكان الوحيد للغسالة هو المطبخ هتشوف المشكلة التانية مشكلة كبيرة ، ولو معندكش غاز طبيعى وتعتمد على سخان الماء الكهربى لتسخين المياه هتلاقى ان برضه الغسالة ذات الباب العلوى مشكلة، ولو هتحط الغسالة فى الطرقة المربعة الموجودة جنب الحمام بدلا من وضعها فى الحمام هتحس انها مشكلة لأن فى هذة الحالة انت محتاج تعمل لها وصلة سخن ووصلة بارد بدلا من وصلة البارد فقط، كما ان الغسالة الأفقية شكلها بيكون معقول خارج الحمام لأنه دائما يمكن تغطيها يغطاء غسالة انيق اوستخدام سطحها بأى شكل نظرا لابعادها المستطيلة وعدم الاحتياج لنزع الغطاء عند تعبئة الغسالة ، والمساحة الموجودة امام الغسالة الأفقية ليست معضلة لأنها مساحة يمكن استخدامها فى كافة الأغراض طالما ان باب الغسالة ليس مفتوح (وهى المسألة التى تحدث لمدة 5 دقائق مرة كل يومين فى اكثر الظروف تطلبا)
صدقنى ان المسألة ليست مسألة ان الشعب المصرى مبيفهمش، وقدامه غسالة ب 1500 ويروح يجيب ام 4 و 5، الفكرة ان ام 1500 لازم لها استعدادات خاصة من حمام واسع وتوصيلة مياه ساخنة وباردة خاصين بالغسالة وسخان غاز، من كانت لديه هذة الاستعدادات فان الغسالة الرأسية انسب واوفر له، اما من ليس لديه هذة الاستعدادات فأنه يفضل الأفقية
المفضلات