اصل بفكر بجديه في الموضوع ده فهل حد جرب يقولنا الحوار ده ماشي ازاي بالظبط ؟ و ميرسي مقدما للردود
عرض للطباعة
اصل بفكر بجديه في الموضوع ده فهل حد جرب يقولنا الحوار ده ماشي ازاي بالظبط ؟ و ميرسي مقدما للردود
أنا جربته زمان تقريبا من سنتين كده واشتغلت على ديمو الأول لحد مازهقت وخفت أخُش في الموضوع ده من اساسه رغم إني قريت فيه كمان كتاب بتاع 300 صفحة وكمان حست إني مش نافع في الموضوع ده
ده كل اللي عندي
واحد زميلي كان ناوي يخش فيه
وبعد ين قابلته فقال لي إنه مش هيخش تاني
سألته ليه
قال أصله طلع حرام
اولا هوه مش حرام معادا التداول في الذهب والفضه والنفط- بعد ما قريت اراء كتيره-
الحوار مش سهل خالص انا بقالي سنه ماشي فيه ولسه برده مش عايز اقولكو اقريت اد ايه وبقعد عليه في اليوم اللي فاضي فيه مش اقل من 8 ساعات ولسه لحد دلوقتي ما حطتش فلوس فيه لان بجد صعب
تعرف ان 95 % مين اللي في الفوركس دول خسرانين- ده مش كلامي ده نسبه لقيتها في كل مكان بيتكلم عن الفوركس- وكلامهم صح
واوعى وحط تحتها مليون خط تدي فلوسك لواحد يتاجر فيهم لانه على كلامه وارقامه بيكسب اقولك ليه لانه لو كان بيكسب والله مش هيبص للتفاهات اللي هتدفعاله مقارنه لو انه بيكسب ممكن يعمل فلوس مش عايز اقولك اد ايه فظييييعه ممكن تبقى مليونير في ظرف كام سنه ويمكن في سنه- لو انتا من اللي 5% الللي بيكسبوا-
تاني نقطه عايز اعصااااب حديديه بتكلم جد كفايه لانك ممكن تسيب صفقات مخسراك اد كده كام اسبوع لغايه ما ترجع لنقطه دخولك تاني- على فرض تحليلك صح-
يعني انا عن نفسي ان شاء الله اذا عرفت اوصل فيه لحاجه هاجي وقت واقول ستوب كفايه حرقه دم واعصاب
بجد الفوركس ده انا شايف بجد انك مش هتقدر تغمض عينيك
واي مساعده انا تحت امرك يا بلديات
طب ايه اللي دخل الفوركس في الميكانيكي:majd(4)::majd(4)::majd(4):
يمكن بيفهموا في الفوركس هما كمان:36_7_4[1]::36_7_4[1]:
بهرررج معاك:ma:
بص يا سيدي -اسمك ايه صحيح-
في واحد العيله كلها بتتعامل معاه وهو محترم جدا اسمه طارق عكاشه
عنوانه وانتا جاي من طريق القابوطي من عند الموقف يعني وانتا رايح الحرفيين الجديده اول تقاطع - المتكسر ده بدايه الحرفيين يعني- التقاطع اللي بعديه تقريبا على ايدك اليمين هتلاقي مغسله اسمها التوحيد على الناصيه هوا وراها عل طول والناصيه اللي بعديها على طول الكحكي او ممكن لو انتا جاي من الشارع اللي في وش الاستثمار - اللي فيه كافتريا ليالي البرنس ومصنع البيسبي
هتفضل طوالي لغايه ما تلاقي قوات الامن اللي على شمالك اول يو تيرن هتاخد حته عكس وتمشي في الشارع اللي جنب قوات الامن- شارع طالع عينه كده - تاني او تالت شمال تقريبا
المهم روحله بدري على 9 كده علشان بيبقى زحمه المهم المغسله اللي اسمها التوحيد دي ان شاء الله لما تخلص خش اغسل فيها ب 15 جندي لا غير جوه وبره وممكن تديله 5 تيبس واهو غسلت بالمره:B4_237:
للاسف انا مش في بورسعيد دلوقتي كنت جيت معاك:satelite:
اسمي ابو حميد و بيدلعوني و بيقولولي يا احمداقتباس:
اسمك ايه صحيح
و ميرسي علي عنوان الميكانيكي و لما هنوي اروح هقولك قبليها علي الخاص ان شاء الله
قعدت متابع في صمت من بعيد كده ومستني حد يسئل ايه الفوركس ده عشان مباقش الجاهل الوحيد:O_stupid[1]: واعمل لكلامه اقتباس +99999999:shyy:
بس مطضر اسئل ايه هوة بلضبط انا على مافهمته هوة نظام تداول اسمهم مثلا بس يفرق ايه عن البورصه:shyy:
اكتب كلمه فوركس في خاصيه البحث و هتلاقي 4 مواضيع تقريبا فيهم شرح مفصل لموضوع الفوركس ده
بص يا سيدى
اولا اوعى تتعامل مع احد فى الفوركس يقولك اشغلك فلوسك
لان دول يا يطلعوا نصابين يا مخاطرين ووخدنها عافية ويخسرك
انا قعدت سنة على الديمو مع الدراسة المستمرة لافضل الكتب في التحليل بالانجليزى
لحد ما عملت لنفسي استراتيجية امشي عليها تكسبني بأقل مخاطرة
ورحت فاتح حساب حقيقي بمبلغ صغير
كسبت في البداية ضعف اللى حطيته في خلال شهر
فرحت طبعا لكن للاسف جت حكاية الازمة المالية العالمية
ومبقاش ينفع تكسب من التحليل الفني بس زى ما انا كنت باعمل غير لما تكون مشترك بمبلغ
كبير بالنسبالي زى 100 الف دولار مثلا بحيث ان العملية ممكن تعد ايام على ما تقفلها
وبقي الشغل كله على الاخبار
ودى اخطر حاجة
خسرت 75 % من الحساب يعنى نصف اللي دفعته فى البداية بالاضافة للمكسب
روحت ساحب الباقي وتوبت لربنا وولعت فى كل الورق اللى عندى يخص الموضوع
صدقنى الموضوع حرق دم فوق مما تتصور
وعلشان تكسب لازم انتا بنفسك تدير الحساب ويكون معاك على الاقل 100 الف دولار
الايام دى
حتى شركات الفوركس قوانينها اتغيرت والهوامش اتغيرت
مبقاش الموضوع سهل زى الاول
مش عايزك تحبط من كلامي بس دى تجربتي الشخصية وكان لازم اقولك
-------------
محمد سالم