انا استعمالى للعربيه خفبف جدااا.. يعنى ممكن اقعد 3 او 4 ايام العربيه مركونة من غير سواقه فهل ده فيه ضرر على العربيه ولا لأ.... ارجو الافاده
وايه اقصى مده ممكن تتركن فيها العربيه من غير سواقه او رفع؟؟؟؟؟
عرض للطباعة
انا استعمالى للعربيه خفبف جدااا.. يعنى ممكن اقعد 3 او 4 ايام العربيه مركونة من غير سواقه فهل ده فيه ضرر على العربيه ولا لأ.... ارجو الافاده
وايه اقصى مده ممكن تتركن فيها العربيه من غير سواقه او رفع؟؟؟؟؟
اول حاجه ممكن تلقى خيوط عين كبوت جوه :)) هههههههه....بس دة لو ل شهر او اتنين...حصلت معايا كتير فى عربيتى الادا
بس طالاما 3 اربع ايام او اسبوع مفيش مشاكل
انا برضه بركن العربيه بالاسبوعين مبتتحركش بس بتقالها بتتأخر في الداوره طبعا بس معتقدش يعني ان في مشكله
ساعات باقعد ايام من غير ما اتحرك بالعربية
لكن لو اكتر من اسبوع ممكن البطارية تنام .... يستحسن تدورها ع الواقف شوية كل كام يوم
ولو ركنت كتير اوي ساعات الكاوتش بيريح
هى ممكن البطاريه تنام من الركنه والعربيه لسه زيرو؟؟؟!!!!!
طبعا لو البطارية جديدة ح تنام بعد فترة اطول من البطارية المستعملة ..... لكن مش معنى ان العربية زيرو انها مش ح تنام .... لكن بعد قد ايه ..... هو ده اللي مش عارفهاقتباس:
المشاركة الأصلية كتبت بواسطة waelkaramany
مفيش مشاكلاقتباس:
انا استعمالى للعربيه خفبف جدااا.. يعنى ممكن اقعد 3 او 4 ايام العربيه مركونة من غير سواقه فهل ده فيه ضرر على العربيه ولا لأ.... ارجو الافاده
كمل جميلك وقولنا باقي السؤال يا باشمهندس سميراقتباس:
المشاركة الأصلية كتبت بواسطة samirayad
ايه اقصى مدة ممكن تتركن فيها العربية بدون اضرار ... بفرض العربية جديدة .... ولو قديمة كمان يقى ايه الوضع ... وايه اللي ممكن يتضرر من الركنة غير البطارية
شكرا مقدما :satelite:
نورتنا يا هندسة:satelite:اقتباس:
المشاركة الأصلية كتبت بواسطة samirayad
اقتباس:
المشاركة الأصلية كتبت بواسطة aif
شوف ياحج أحمد
الفيصل فى وقت ركن السياره بدون تشغيل
هو كفاءة دايرة الشحن
فهل الدينامو تمام
وهل حالة البطاريه الفنيه تمام
وهل لايوجد أى تسريب أرضى بالسياره
وهل كابلات البطاريه موصله بأحكام ونظافه على الأصابع
لو كل ده تمام ............وعلى الشعره
أعتقد فى الحقن الألكترونى ممكن تقعد السياره على الأقل أسبوعين
ومفيش مشاكل حتقابلك فى الدواره بعد الركنه بأذن الله
أما لو العربيه ستخزن من أجل السفر الى خارج البلاد بدون تشغيل
فدى قصه تانيه وليها تجهيزاتها الفنيه الصحيحه
للحفاظ على حالة السياره بوجه عام ( كمكنه ومكونات )
مشكور يا هندسة ....
مشكور احمد مشكور :ma:
الله يخليك
ياحجوج
الله يخليكاقتباس:
المشاركة الأصلية كتبت بواسطة waelkaramany
متقلقش من حاجه
أنا بأركن عربيتى تقريبا بالأسبوع (كتير أوى )
وبدور عادى بفضل الله
لو العربيه اتركنت لمده اسبوعين متواصل مش هيحصلها حاجه (عن تجربه) بس ده طبعا في حاله ان تكون العربيه معمولها صيانتها صح ودايره الشحن والبطاريه تمام
بس يفضل تدورها كل 3 ايام مثلا , عشان الموتور مايكسلش وياخد على الراحه :C_laugh[1]:
أنا كمان مرة سبت العربية أكتر من أسبوعين حوالي 16 يوم بالضبط ودارت عادي بدون مشاكل بس غابت شوية لكن قوة المارش كانت ضعيفة سنة صغيرة عن لو تركتها 3 او اربع ايام بس الحمد لله دارت.
مش عاوز أعمل زي غراب البين وسطيكم .. بس أنا سبت عربيتي 42 يوم بالضبط مركونة وجيت غسلت البطارية غسلة تمام ومليتها مية نار ووديتها لبتاع التونجر شحنهالي ودورت العربية دارت من أول تكة كأني لسه سايبها إمبارح ولفيت بيها وكانت شغالة زي الفل .. دا أنا حتى لسه مانفختش فلتر الهوا ولا زيتت البوابة وللا الأيدل ولقيتها ـ والحمد لله ـ مضبوطة زي الساعة .
وبرضه سبتها قبل كده 46 يوم ولما جيت أدورها دارت من أول تكة .. بس كانت كسلانة شوية .
القصد .. إني لما جيت كانت مية الرادياتير هي اللي مصدية وعاوزة تتغير أما باقي الحاجات فماتأثرتش خالص .
آه . نسيت أقول إن المرة الأخيرة دي ماكنتش رافع العربية .. وسايبها في الشارع متغطية وعليها كوم تراب وفضلات عصافير ولسه والله مازودت الكاوتش لأني لقيته مريح سنة بسيطة جدا مش مضايقاني وماشي بيها عادي .
مفيش مشاكل
طالما بتدورها و تمشى بيها ان شالله حتى كل اسبوع ما فيش مشكلة المشكله هى الركنة الطويلة لشهور او سنين و كمان دى ليها حلاقتباس:
المشاركة الأصلية كتبت بواسطة waelkaramany
الركن لمدد طويله فقط هو اللي له محاذير واحتياطات
سؤال لأساتذة المنتدي.....
استلمت السيارة بتاريخ 2-12-2009 ، وحتى الآن لم تمشى غير 1300 كم فقط ( فهل أقوم بتغيير الزيت ؟ أم أنتظر حتى 5000كم )
حيث أن أول صيانه في الضمان 5000كم
وشكراً جزيلاً
يفضل عدم ركن العربية طويلا لان ضرره اكتر من نفعه ...د
شكرا ليك
http://img101.herosh.com/2010/03/21/328082236.jpg
طب سؤال يارجالة لو هركنها 5 شهور ومغطيها وكده ايه الضرر اللي ممكن يحصل خصوصا ان في ناس كتير بتقول البارومة تمسك فيها مع انها بعيدة عن اي ميه هي حاليا مركونة بقالها يجي 5 شهور وبدورها مرة في الشهر وكده....ارجو الإقادة جزاكم الله خير
لو الفتره أقل من أو يساوى 6 شهور
مفيش أى مشاكل
إن شاء الله
بس طالما بدور وتنشط البطاريه كل فتره
أبقى برضه مورها وحركها لورا وقدام سنه بسيطه بطريقة الزق المعروفه
كل فتره ( شهر مثلا )
جزاك الله خير بشمهندس رياض....هو سؤال طريقة الزق المعروفة دي ازقها ولا ادورها واحركها سنه ورا وسنة قدام وده عشان الكاوتش ولا حاجة تانية معاه؟.....وياريت من حضرتك شويه نصائح عن ركن السيارة في الشارع فترة طويلة وبعدين في ناس تقول اغسلها بالجاز في البنزينة وخليهم يشحموها كلها من تحت ايه رأيك؟؟
اللى تفضله أعملهاقتباس:
هو سؤال طريقة الزق المعروفة دي ازقها ولا ادورها واحركها سنه ورا وسنة قدام
مش حتفرق كتير
وياسلام لو خدتها مشوار صغير ( يبقى أفضل )
الكاوتش والبلى بتاع العجلاقتباس:
وده عشان الكاوتش ولا حاجة تانية معاه؟
ملوش لزمهاقتباس:
وبعدين في ناس تقول اغسلها بالجاز في البنزينة وخليهم يشحموها كلها من تحت ايه رأيك؟؟
ومفيش أساس علمى للكلام ده
الله ينور عليك استاذ سمير ويارب في ميزان حسناتك وشكرا للأستاذ وائل انو فتح الموضوع دا