الرد على الأسئلة الصعبة للتيجو2000سي سي
السلام عليكم:
إمبارح روحت أبوغالي لصيانة ال5000كم وعرفت الرد الكامل للأسئلة اللي كنت طرحتها على حضراتكم:
1- بالنسبة لمكان مقياس زيت الفتيس الأوتوماتيك فلا يوجد في التيجو مقياس له:8954[1]:ولكن توجد طبتين في كرتيرة الزيت واحدة للتغيير وواحدة للإطمئنان على مستواه(زي زيت الكرونة بتاع العربيات الجر خلفي)....بمعنى ان حضراتنا مش هنعرف نشيك على الزيت بنفسنا
طيب لاقدر الله لو الزيت لأي سبب نقص هنعرف إزاي؟؟؟:O_stupid[1]:
الإجابة: لمبة في التابلوه هتنور بحروفWin لوحدها مش مع الزرار بجوار الفتيس ففي هذه الحالة تجري على التوكيل
ربنا يستر....وعلى فكرة بيتغير كل 30.000كم
2-ركبت الإستبن وطبعا قالوا ان الباب مصمم انه يشيله ولكن يعني مش تفضل فاتحه سنة وتنسى نفسك لأنه مهما كان الباب كبير + الإستبن عاملين حمل محترم على المفصلات:fun_36_3_4[1]:
3- الAUX في الكاسيت كنت كلمت حضراتكم عليه في موضوع تاني انه اشتغل والحمد لله على الموبايل بس بوصلة تانية غير اللي معايا......وشكرا لعلي أكون أضفت جديد
آه نسيت....ضبط ضغط العجل عندنا على 29 والا العربية هتدب طول ماانت ماشي
ملحوظة: توجد في التيجو خاصية ظريفة مش موجودة في كتير من السيارات وهي ان هناك لمبة على شكل مفتاح بلدي تنور لما ييجي موعد الصيانة ودي عشان تفكر الزبون انه يروح للتوكيل وهم هناك بيطفوها....
وكمان عرفت هناك انه توجد فيشة رئيسية توصل كابلات الكهرباء من حوض الموتور للكابينة...تم اكتشاف انها محتاجة عزل بسبب نزول مياه المساحات عليها فيتسبب ذلك انها تللمس لذلك الله يكرمهم عزلوها هناك من سوكات
آسف اني طولت جدا بس نفسي الكل يستفيد وياريت اللي عنده جديد يقول وربنا يجازيكم خير
والله أعلم
م.ياســـر