المرور والتعامل مع الجمهور

**alto_nx** · 31-03-2010 12:40 AM

السلام عليكم ورحمه الله وبركاته

ازيكم

يا جماعة احنا بصراحه عايزين نتكلم عن التعامل فى المرور

انا مطلع الرخصه لسه و الصراحه التعامل غير ادمى مع الناس

بيعلموا اللى جأى كأنه كيس زباله

ياترا ايه السبب

**w-m-a** · 31-03-2010 12:53 AM

السبب
ان مفيش حد يحاسبهم
حسبنا الله ونعم الوكيل

**د.محمود صلاح** · 31-03-2010 01:08 AM

فاكرين كل اللي على الشباك سواقين ميكروباص وتاكسي وإن دي الطريقة المثلى معاهم

**Hany.ElBaathy** · 31-03-2010 03:18 PM

يا شباب مرور النزهة الى في شيراتون حاجة مش طبيعية بجد حسيت انى فى بلد محترمة مش فى مصر خالص المعاملة ممتازة و سرعة غريبة و المقدم خالد الى ماسك المرور هناك مابيقعدش فى مكتبة طول الوقت بيلف على مكاتب الموظفين يشوفهم بيعملوا ايه مما يؤكد ان مشكلتنا مشكلة ادارة بجد حاجة تفرح أنا مش هعزل من هناك ابدا بسبب المرور المتميز ده

**sh_masry** · 31-03-2010 03:38 PM

المشاركة الأصلية كتبت بواسطة hany.elbaathy

يا شباب مرور النزهة الى في شيراتون حاجة مش طبيعية بجد حسيت انى فى بلد محترمة مش فى مصر خالص المعاملة ممتازة و سرعة غريبة و المقدم خالد الى ماسك المرور هناك مابيقعدش فى مكتبة طول الوقت بيلف على مكاتب الموظفين يشوفهم بيعملوا ايه مما يؤكد ان مشكلتنا مشكلة ادارة بجد حاجة تفرح أنا مش هعزل من هناك ابدا بسبب المرور المتميز ده

فعلا المقدم خالد عماره ربنا يباركله راجل ميه ميه .... على طول بيلف على المكاتب و اى مشكله حتى و لو صغيره بيتدخل فيها و يحلها , و بيعامل الناس كلها بأحترام و يا سلام بقى لو المرور فاضى شويه , يدخلك تقعد فى مكتبه و يبعت معاك عسكرى يخلص كل الأجراءات من غير واسطه و من غير ما تكون عارفه قبل كده .... فعلا بيحسسك انك مواطن درجه اولى و بيتعامل مع الناس كلها بالذوق و الأدب و الشياكه .....حتى وكيل النيابه فى الدور اللى فوق شاب محترم و يدخلك تقعد معاه فى المكتب لو فيه مشكله و يعزم عليك و يسألك تشرب ايه !!!! بجد مرور فوق الوصف و الموظفين معظمهم محترمين و كويسيين ماعدا واحد و واحده كشريين شويه .....
و كمان فيه مراوح فى الصيف كبيره و بتشتغل بنظام رش الميه لترطيب الجو ......
فعلا مرور ممتاز ....

**JAM** · 31-03-2010 03:55 PM

انا سمعت فعلآ عن مرور النزهة دا... ياريت بقة مرور القناطر اللى هوا فى شلقان يبقة ربعه... والشباب اللى من القناطر عارفين معنى الكلام اللى بقوله ايه

**eino666** · 31-03-2010 04:05 PM

المشاركة الأصلية كتبت بواسطة sh_masry

فعلا المقدم خالد عماره ربنا يباركله راجل ميه ميه .... على طول بيلف على المكاتب و اى مشكله حتى و لو صغيره بيتدخل فيها و يحلها , و بيعامل الناس كلها بأحترام و يا سلام بقى لو المرور فاضى شويه , يدخلك تقعد فى مكتبه و يبعت معاك عسكرى يخلص كل الأجراءات من غير واسطه و من غير ما تكون عارفه قبل كده .... فعلا بيحسسك انك مواطن درجه اولى و بيتعامل مع الناس كلها بالذوق و الأدب و الشياكه .....حتى وكيل النيابه فى الدور اللى فوق شاب محترم و يدخلك تقعد معاه فى المكتب لو فيه مشكله و يعزم عليك و يسألك تشرب ايه !!!! بجد مرور فوق الوصف و الموظفين معظمهم محترمين و كويسيين ماعدا واحد و واحده كشريين شويه .....
و كمان فيه مراوح فى الصيف كبيره و بتشتغل بنظام رش الميه لترطيب الجو ......
فعلا مرور ممتاز ....

ده حلم و لا علم
يعنى حضرتك بتتكلم بجد و لا تريقة ؟؟؟؟؟؟؟؟؟؟
ومرور النزهة ده فى مصر ولا فيه مكان فى اوروبا اسمه برضو النزهة ؟؟؟؟؟؟؟؟؟؟؟
........................
محمود عينو