مش هنقدر نبطل سوء الظن دا شوية؟!!

سبحان الله ديننا الحنيف أمرنا بحسن الظن

unitll prove otherwise أو لحين اثبات العكس زي مبيقولوا

لكن للاسف المعايير اختلفت وبقينا نتعامل بمبدأ المتهم مجرم لحد ميبانله ضهر او صاحب

وبقينا نتصيد الاخطاء لغيرنا من غير منفهم ظروفه او نقدرها

العيب دا بيكبر فينا يوم من بعد يوم وحنا مش حاسيين وانا اولكم

اتنين ماشيين علكورنيش يبقي اكيد في حاجة غلط _منفكرش انهم ممكن يكونوا زوجين مثلا_

واحد كبير فلسن سايق وعمل حركة مستفزة منفكرش انه ممكن فللحظة دي يكون مريض ومحتاج مساعدة

:120146bمعلش مدخلاكم فمود كئيب حبتين لاني افتكرت موقف كل مفتكره بصراحة أقول_اخص_

في مسجد من المساجد المشهورة جنب كليتنا ديما بيكون فيه مشاكل بسبب وجود رجال فمصلي السيدات

وبيدخلوا علي غفلة والدادا كمان بتدخلهم فديما بنكون متهيئين اننا نتخانق مع الدادا دي:beatdeadhorse5:

فيوم لقينا راجل وست داخلين من مصلي السيدات وماسكين ايدين بعض أنجشية زي مبيقولوا

وداخلين المسجد وسحبوا كرسيين بسرعة وقعدوا صلوا جنب بعض وحنا متهيئين اننا نروح نوبخهم علي اللي بيحصل دا وثايرين جدااااااااااااااااااااااا اا

اول مخلصوا صلاة لقينا الست دي شدت زوجها من ايده وخرجوا بكل هدوء

اصل زوجها دا كان

كان



كفيف


من ساعتها بحاول علي اد مقدر التمس 70 عذر لاي حد وغالبا بيخلصوا اول موصل لخمسة:3_3_102[1]:

حد فيكم عنده صبر يخلص الاعذار دي كلها لبني آدم؟؟

معظمنا أصبح فى حالة فوران .... مش لاقى تفسير غير كده

دا مش فوران وبس يا استاذ خالد

دا تأهب للانقضاض علي الغير

والله عندك حق يا أختى ... فعلاً كده .... عاوزين يفرغوا الشحنة اللى جواهم ...
عن نفسى ساعات التمس الأعذار للى حولى و باقى ال 24 لا !!!

تفريغ شحنات كهربية

والله يا أختى
ده اصبح سمه من سمات العصر
سوء الظن وسوء النية الاندفاع عدم الصبر
واعتقد انه للاسف
قلة إيمان

الاخت الكريمة
ضغوط الحياة اللى احنا عايشينها صعبة قوى وفوق احتمال البشر
ولولا الستر والطمئنينة من المولى عز وجل لكنا انفجرنا من زمان
............................
محمود عينو

عشان كده ربنا بيحاسب القلوب مش الافعال

معتقدش ان ضغوط الحياة اختلفت فوقت من الاوقات اكيد كل وقت وكان ليه ضغوطه

والمفروض ان حسن الظن دي سمة من سمات المسلمين متتغيرش بمرور زمن او ظروف

عندك حق... للأسف :(

والله كلة بيلطش فى كلة وبيتخنق من اقل حاجة تحصلة
يعنى مديرة ولا مراتة ..........الخ تبئى منكدة علية مع اول واحد منديلة يلمسة يهب فية
بس دة ميمنعش ان فى ناس بتعمل مواقف متخلكيش فرصة غير انك تفرميهم
خد عندكوااا واحد لسة حالصى النهاردة نازل الكلية متأخر وصيت ولبست فى 10 دقائق
رحت على الميدان منتظر المعركة :120146b:120146b
لقيت الدنيا فاضية والعربيات مركنة مش لاقية الى يركبها المهم دخلت عشان اركب وكان فى ميكروباص وقاف قريب من الميكروباص الى انا هاركبة فا الحتة الى مبنهم متسمحش غير لواحد بس انة يعدى فى انا جاى وفى وشى واحد يقوم بنى ادام غبى ابن غبى جاى طار وشايل بتاعة ورد كبيرة اوى وعايز يتحشر ويعدى مع ان الدنيا فاضية بس لو صبر لحظة كنت هاركب وهوا ها يركب وقام خابطى فى وشى بالزفت الى كان شايلة
(طيب والنبى متتعصبوش على الراجل دة حتى لو كان وارة الديوان )
وغيرة كتير كتير

موقف فعلاً فيه عظة بجد

الواحد دايماً لازم يفترض حسن النية

ولو إننا في زمن حسن النية بقى صعب فيه

لفته جميلة جدا من حضرتك
ان شاء الله هحاول التمس الاعذار للناس بكل ما اوتيت من صبر
وتشاركيني في الحسنات ان شاء الله

من يوم كنت خارج من الكلية ..لقيت واحدة (حوالى 25 سنة) شكلها انسة محترمة ...ساندة على العربية وحاطة حاجتها عليها ....فرحت بكل هدوء فتحت العربية على اساس انها تمشى ...وبعد شوية شغلت العربية ....وشافتنى وبرضة مفيش امل ...قلت هانزل اهزاء فيها للصبح ......اول ما نزلت لقيتها بتقولى " انا اسفة اختى جاىة تاخدنى دلوقتى معلش ""

قلتلها طيب انا مستعجل ...لقيتها بتشاورلى على رجلها لقيتها مكسورة ومتجبسة لحد فوق الركبة ....قلتلها انا اسف وفضلت واقف لحد ما اختها جت اخدتها ....

الموقف دة بئى انا بضرب نفسى بالجزمة والصرم وكل حاجة تحصل فيا انا كنت مستعد اقبلها ساعتها
كنت بفطر فى الكلية وعادى جدا لقيت واحد واحدة مش مزبطين
والبنت عمالة تميل علية والواد كذلك ومرة يسمك اديها ......ةحبة حاجات من دى
وفى الاخر عرفت انها كانت بتقد الوعى وفعلا اغمى عليها بعد شوية بس الحمد لله فاقت وهوا كان بيحاول يفوقها وهيا كانت مش واعية وعمالة تميل علية
ساعتها كانت عايز اضرب نفسى بالجزمة وكان نفسى اقوم اساعدة بس
اهو الى حصل بئى

انا مرة واحد بشيروكي جاي في معاكس (طريق فيه جزيرة يعني المعكاس معروف) ... وقفت في وشه و مرضتش اعديه

يحاول يشاورلي ... انا ابداً... مش معديك ... بعد ما عدا .. ببص لقيت صف عربيات كبير جي وراه ... الناحية التانية من الطريق كان فيها حادثة

و الله كنت هعيط من كتر اني كنت عايز الأرض تتشق و تبلعني و نفسي اشوف صاحب العربية دا و اعتذر له :(

و الله انا بعدي الحركات القرعه اللي بتحصل للناس اللي علي قلبي زي العسل و العكس صحيح و طبعا ده غلط و بحاول اصلحه بقدر الامكان

اقتباس:

---

المشاركة الأصلية كتبت بواسطة أم حمـــاس

سبحان الله ديننا الحنيف أمرنا بحسن الظن

unitll prove otherwise أو لحين اثبات العكس زي مبيقولوا

لكن للاسف المعايير اختلفت وبقينا نتعامل بمبدأ المتهم مجرم لحد ميبانله ضهر او صاحب

وبقينا نتصيد الاخطاء لغيرنا من غير منفهم ظروفه او نقدرها

العيب دا بيكبر فينا يوم من بعد يوم وحنا مش حاسيين وانا اولكم

اتنين ماشيين علكورنيش يبقي اكيد في حاجة غلط _منفكرش انهم ممكن يكونوا زوجين مثلا_

واحد كبير فلسن سايق وعمل حركة مستفزة منفكرش انه ممكن فللحظة دي يكون مريض ومحتاج مساعدة

:120146bمعلش مدخلاكم فمود كئيب حبتين لاني افتكرت موقف كل مفتكره بصراحة أقول_اخص_

في مسجد من المساجد المشهورة جنب كليتنا ديما بيكون فيه مشاكل بسبب وجود رجال فمصلي السيدات

وبيدخلوا علي غفلة والدادا كمان بتدخلهم فديما بنكون متهيئين اننا نتخانق مع الدادا دي:beatdeadhorse5:

فيوم لقينا راجل وست داخلين من مصلي السيدات وماسكين ايدين بعض أنجشية زي مبيقولوا

وداخلين المسجد وسحبوا كرسيين بسرعة وقعدوا صلوا جنب بعض وحنا متهيئين اننا نروح نوبخهم علي اللي بيحصل دا وثايرين جدااااااااااااااااااااااا اا

اول مخلصوا صلاة لقينا الست دي شدت زوجها من ايده وخرجوا بكل هدوء

اصل زوجها دا كان

كان



كفيف


من ساعتها بحاول علي اد مقدر التمس 70 عذر لاي حد وغالبا بيخلصوا اول موصل لخمسة:3_3_102[1]:

حد فيكم عنده صبر يخلص الاعذار دي كلها لبني آدم؟؟

---

انا اسف مقدرتش امسك نفسى اى نعم خرجت عن النص بس اكت حته موتتنى من الضحك بتاع كان كان كان ان ان ان ااااااااااااااا تش انت مش ابنى هههههاهاهاهاههاهاهاهاهاها ها
عادى يعنى انا الحم لله مليش دعوه بحد على طول فى حالى واصلا انا بدايق من الناس اللى بتددخل فى الى مالهاش فيه بس لو حصل موقف زى ده بروح اتكلم مع الشخص بهدووووء اعرف هو عمل كده لييه الاول

والحمد للعه على نعمة الهدوء وطوول البال
:36_3_10[1]:واسف على تبلد الاحساس الى انا فيه كلكو بتتكلمو بجد وانا مش قاادر ابطل ضحك
هاهاهاهاهاها
:shine[1]::shyy:

اقتباس:

---

المشاركة الأصلية كتبت بواسطة abogogo

عشان كده ربنا بيحاسب القلوب مش الافعال

---

ارجو انك تعذرني , بس مين قال كده ؟



بخصوص الموضوع
اظن من كتر ما الفساد انتشر الواحد بقى يتوقعه في اي حاجة و اي حد
ده مجرد تحليل مش تبرير

انا بسبب الصبر على الغير وحسن النيه والتماس الاعذار هاموت بارتفاع الضغط عندى
وعمرى ماظنيت سؤ فى اى حد علشان كده باخد فوق دماغى
ابسط مثال من فتره قريبه ليا مبلغ عند واحد طبعا مابيردش على التليفون كالعاده وبعد الحاح كتير من الاتصالات رد عليان وقالى انه كان بيعمل دعامه فى القلب فعلشان كده ماكنش بيرد .................. والله اعلم
الطبع غلاااااب

انا الحمد لله بحب دائما افترض حسن النية لغاية لما اتاكد انة مكنش حسن نية وللاسف ناس كتير بتستغل الحتة دى

http://www.nilemotors.net/Nile/118780-a.html

جزاكي الله خيرا واحنا فعلا لازم يبقى عندنا شويه صبر وحكمة

لو كل واحد جرب يدي اللي قدامه عذر واحد من السبعين اللي مفروض نديهم كان زمان الدنيا بقت حاجه تانية

و لو طبقنا النظرية دي على المرور , مكناش سمعنا كلاكس واحد و لا شتيمة و لا زعيقة و كانت الدنيا هاتبقى وردييييييييي !!

بصراحة الواحد المفروض لا يفترض سوء نية و لا حسن نية أحسن حاجة الواحد ما يتدخلش فى الى مالوش فيه و يخليه فى نفسه مشكلتنا ان احنا بنبص للى حوالينا اضعاف ما بنبص لنفسنا
و لو كل واحد بص لنفسة و الله هايتكسف يبص لحد

و أنا بستخدم كلمة بيقولها الأجانب لما حد يحاول يتدخل فى حاجة تخصنى و هى It is not your business أو و انتا مالك زي ما احنا بنقول بس الناس بتستعيبها جدا مش عارف ليه

استاذ هاني حضرتك عنك حق طبعا مش من حق حد يتدخل شئون الاخرين

بس احنا بنتكلم عن حاجات تخصنا متخصش الاخرين

زي موقف المسجد دا مثلا كننا متضررين بسبب وجود رجل داخل المصلي الخاص بينا

وزي كمان استاذ عثمان لما اضايق من اللي كان جي فوشه مينفعش ابا يقول شئ ميخصنيش

blacksword ياسيدي اضحك زي متحب كويس ان الموضوع اتسبب ان في شخص ابتسم

اقتباس:

---

المشاركة الأصلية كتبت بواسطة theblacksword

انا اسف مقدرتش امسك نفسى اى نعم خرجت عن النص بس اكت حته موتتنى من الضحك بتاع كان كان كان ان ان ان ااااااااااااااا تش انت مش ابنى هههههاهاهاهاههاهاهاهاهاها ها
عادى يعنى انا الحم لله مليش دعوه بحد على طول فى حالى واصلا انا بدايق من الناس اللى بتددخل فى الى مالهاش فيه بس لو حصل موقف زى ده بروح اتكلم مع الشخص بهدووووء اعرف هو عمل كده لييه الاول

والحمد للعه على نعمة الهدوء وطوول البال
:36_3_10[1]:واسف على تبلد الاحساس الى انا فيه كلكو بتتكلمو بجد وانا مش قاادر ابطل ضحك
هاهاهاهاهاها
:shine[1]::shyy:

---

هههههههههههههه
ولا يهمك يا عم متعودين منك على كده بس لو فضلت كده كتير انا مش مسؤل عن اللي هيحصل ومش هيبقى هنا وفي الشارع كمان

واما بقى بالنسبه للموضوع ده فالمشكله بجد لو انت لقيت حد عمل موقف بايخ وغتت عليه واكتشفت بعد كده انه كان مضر فبتحس باحساس ندم فظيع وده هو المشكله الكبرى وفي نفس الوقت العلاج عشان لما بيجي موقف تاني قصادك بتفكر الف مره قبل ما تاخد رد

اقتباس:

---

المشاركة الأصلية كتبت بواسطة أم حمـــاس

استاذ هاني حضرتك عنك حق طبعا مش من حق حد يتدخل شئون الاخرين

بس احنا بنتكلم عن حاجات تخصنا متخصش الاخرين

زي موقف المسجد دا مثلا كننا متضررين بسبب وجود رجل داخل المصلي الخاص بينا

وزي كمان استاذ عثمان لما اضايق من اللي كان جي فوشه مينفعش ابا يقول شئ ميخصنيش

blacksword ياسيدي اضحك زي متحب كويس ان الموضوع اتسبب ان في شخص ابتسم

---

طبعا أنا مقدر الموقف ده جدا بس أنا بتكلم فى العموم يا ريت كل واحد يخليه فى نفسه قبل ما يفكر الناس التانية بتعمل كدا ليه

بخصوص موقف الأخ الكفيف و زوجته هو فعلا ممكن يؤدى لتساؤلات بس ده مسجد لو ظنينا ظن سوء فى الى داخلة يبقى علينا الف سلامة

اقتباس:

---

المشاركة الأصلية كتبت بواسطة tlrsiap

ارجو انك تعذرني , بس مين قال كده ؟



بخصوص الموضوع
اظن من كتر ما الفساد انتشر الواحد بقى يتوقعه في اي حاجة و اي حد
ده مجرد تحليل مش تبرير

---

انما الاعمال بالنيات والنيه محلها القلب كم ممن يذهبون الى دور العبادة ليقال عليهم متدينون او من يقدم الصدقة ليقال عليه كريم فأي فعل خير يجب ان يكون نابع من القلب اذا فعلت فعل خير يطلع الله على قلبك اذا كان خالصا لله او رياء للناس

اقتباس:

---

المشاركة الأصلية كتبت بواسطة abogogo

انما الاعمال بالنيات والنيه محلها القلب كم ممن يذهبون الى دور العبادة ليقال عليهم متدينون او من يقدم الصدقة ليقال عليه كريم فأي فعل خير يجب ان يكون نابع من القلب اذا فعلت فعل خير يطلع الله على قلبك اذا كان خالصا لله او رياء للناس

---

حلو و تمام و ما اختلفناش
و انا مش باتكلم على الاعمال بالنيات و انما على جملة (ربنا بيحاسبنا على ما في القلوب و ليس الأفعال) , لأن الأيمان ما وقر في القلب و صدقه العمل

لو فكرنا في حالة العمل الطيب بنية طيبة , هانلاقي ان ربنا سبحانه و تعالى بيجازينا عليه خير لتوفر الشرطين ,العمل و النية
في حال توفر النية الصادقة , و ربنا اعلم بما في قلوبنا طبعا , مع عدم الاستطاعة على العمل فربنا بيثيبنا برده

و اظن ان ده اللي حضرتك تقصده

لكن تعال نفكر في الناحية التانية , تخيل لو ان ربنا بيحاسبنا على ما بداخلنا بس فعلا , تخيل حضرتك لو ان كل فكرة شريرة بتيجي في بالك - من غير ما يترتب عليها اي فعل - بتاخد عليها سيئة , كانت هاتبقى كارثة
لكن من رحمة ربنا بينا انه مش بيعاقبنا الا على اللي بتقترفه ايدينا , و بيثيبنا على نوايانا الحسنة حتى ان ما قدرناش فعلا نحولها لأفعال و نحقق شرط العمل

انا من رد حضرتك التاني فهمت ان مافيش نقطة اختلاف و انما الموضوع مسميات و مصطلحات مش اكتر فيما أظن

تقبل تحياتي
:)

اقتباس:

---

المشاركة الأصلية كتبت بواسطة tlrsiap

حلو و تمام و ما اختلفناش
و انا مش باتكلم على الاعمال بالنيات و انما على جملة (ربنا بيحاسبنا على ما في القلوب و ليس الأفعال) , لأن الأيمان ما وقر في القلب و صدقه العمل

لو فكرنا في حالة العمل الطيب بنية طيبة , هانلاقي ان ربنا سبحانه و تعالى بيجازينا عليه خير لتوفر الشرطين ,العمل و النية
في حال توفر النية الصادقة , و ربنا اعلم بما في قلوبنا طبعا , مع عدم الاستطاعة على العمل فربنا بيثيبنا برده

و اظن ان ده اللي حضرتك تقصده

لكن تعال نفكر في الناحية التانية , تخيل لو ان ربنا بيحاسبنا على ما بداخلنا بس فعلا , تخيل حضرتك لو ان كل فكرة شريرة بتيجي في بالك - من غير ما يترتب عليها اي فعل - بتاخد عليها سيئة , كانت هاتبقى كارثة
لكن من رحمة ربنا بينا انه مش بيعاقبنا الا على اللي بتقترفه ايدينا , و بيثيبنا على نوايانا الحسنة حتى ان ما قدرناش فعلا نحولها لأفعال و نحقق شرط العمل

انا من رد حضرتك التاني فهمت ان مافيش نقطة اختلاف و انما الموضوع مسميات و مصطلحات مش اكتر فيما أظن

تقبل تحياتي
:)

---

كلامك مظبوط قال رسول الله صلي الله عليه وسلم " إن الله تعالى لايقبل من العمل إلا ماكان خالصا وابتغى به وجهه سبحانه وتعالى " <رواه النسائي> وقال ايضا " تعرض اعمال بني آدم بين يدي الله عز وجل يوم القيامة في صحف مختمة فيقول الله : ألقوا هذا واقبلوا
هذا, فتقول الملائكة : يارب والله مارأينا منه إلا خيرا , فيقول: إن عمله كان لغيروجهي ولا أقبل اليوم من عمل إلا ما أريد به وجهي " صدق رسول الله صلى الله عليه وسلم <أخرجه أبو بكر البزار>

والمفروض ان حسن الظن دي سمة من سمات المسلمين متتغيرش بمرور زمن او ظروف
عزيزتى
عندك حق فى كل اللى قلتيه
فعلا كل الناس روحها بقت فى مناخيرها
لكن حسن الظن ده عند المسلمين والمسيحين واعتقد ان اى ديانة اخرى بتشجع على حسن الظن
ارجو تقبل مداخلتى

دى مشكله طبيعه حياتنا ومجتمعنا هو السبب فيها , محدش فينا هتلاقيه بيسوء النيه بالفطره بس غالبا ولو احنا صغيرين حتى حصلنا موقف فرضنا فيه حسن النيه وطلع العكس ففى ناس بتؤمن ان شويه كدا وشويه كدا وفى ناس من بعد موقف زى دا بتاخد الحياه كلها بأتجاه سوء النيه

موقف لسه حاصل قريب مش هسامح نفسى عليه , كنت فى شارع رايح جاى وواخد سرعتى وشاب فى عربيه جاى فى وشى من غير ما يشغل اشاره دخل قدامى من مسافه قريبه علشان يدخل تقاطع يمين ففرملت جامد وتعمدت ارمى يمين ادخل قصاده علشان مخليهوش يعدى عند معاه على انه مشغلش اشاره ودخل فجأه

فالمهم جيت جنب شباكه ببصله بقرف راح قايلى على فكره كان المفروض تستنانى بس معلش حصل خير , رحت مفتوح فيه زعيق وبهدلته وختمتها بابقى شد الدراع اللى على شمال الدركسيون تحت وانت بتلف شمال علشان ده بيشغل الاشاره ولا انت اللى طلعلك الرخصه مقالكش كدا , راح قايلى انا على فكره مشغل الاشاره

قولتله يعنى كمان كداب بصلى وسكت ومشى , ببص فى مرايتى لقيته كان مشغل الاشاره فعلا بس يظهر ان اللمبه اللى قدام عنده محروقه

محدش يتخيل انا كنت حاسس بأيه ساعتها , كنت عايز اروح ابوس ايده اقوله حقك عليا وفعلا لفيت وطلعت اجرى مكان ما مشى بس للأسف ربنا يسامحنى ملقيتهوش

وقياسا على ده كتير بقى من مواقف حد رمى على واتسرعت فى الحكم عليه او حد وقف فجأه او حتى بعيدا عن السواقه خالص فى اى تعامل

ربنا يهدى نفوسنا جميعا
والله الواحد خلاص مابقاش عارف
احنا اللى بقينا متسرعين ولا ضغوط الحياه
هى اللى عملت فينا كده
ولا انتشار الشر هو اللى ظلل على الخير
(ربنا لاتؤاخذنا بما نسينا أو أخطأنا)