دلوقتى نور الصالون اما الباب يتفتح مبيشتغلش ولكن لو شغلتة من الزرار بيشتغل دة يبقى عيب اية
عرض للطباعة
دلوقتى نور الصالون اما الباب يتفتح مبيشتغلش ولكن لو شغلتة من الزرار بيشتغل دة يبقى عيب اية
فى جمب الباب بيبقا فيه صدادة كوتش فى القايم هيا عبارة عن الصباع اللى الباب بيدوس عليه و هوا بيقفل عشان يطفى النور جرب تدوس عليهم فى كل باب و تشوف مين فيهم اللى بايظ ممكن تكون المشكلة منهم
و الله اعلم
فى مفتاح اسمه تقريبا مفتاح تلاجه او حاجه كده
ده زى كويس لما بيكون مضغوط عليه بيقطع التيار الكهربى وده الحال لما تكون قافل الباب
ولما تفتح الباب الزرار بيطلع لبره وبيمرر التيار الكهربى وبينور اللمبه
غالبا المفتاحين دول باظو - ممكن سلك فصل - ممكن لو متوصلين على فيوز يكون طار
وممكن دواية اللمبه تكون محتاجه تتلف نص لفه
عندي نفس المشكلة
:120146b
وجربت ادوس علي الزرارين الي في الباب لما يقفل
وبرضه ما حصلش حاجة
يا جدعان بس ايه اللي بتقولوه ده
الراجل بيقول ان اما بيقيده من الزرار بيشتغل...ايه علاقة الموضوع ده بالفيوزات أو اذا كانت ليدات أو غيره
كده المشكله من توصيلات الزرار او الزرار نفسه
السويفت عندي بتعمل كده دايما وبالذات بعد اما تتغسل في المشحمة من قوة الميه فبجيب بنسه ومفك وباطلع الزرار من مكانه والمعه باسبراي بتاع تنظيف الكاربيراتير او اي مذيب عضوي ان شاء الله جاز وبانضف مكانه فالقايم ويشتغل تاني زي الفل
انا كانت عندي المشكلة دي زي ما هو مذكور بالاعلي
وصلحتها
وللاسف نسيت اقولك والله
بص يا معلم
انا رحت للكهربائي
وهي كانت نفس المشكلة الي عندك بالظبط
يعني من الزرار تشتغل
لكن مع الباب وكده لاء ولا الهوا
وطلع العيب في الضفيرة في سلك متاكل او مقطوع
واتوصل وبقي تمام
شغالة مع الاربع ابواب
وكمان بقي اللمبة الي في التبلوه الي علي شكل عربية والباب مفتوح علشان تنبهك
انا الي الاول كنت منفض وقعدت فترة منفض
بس نصيحة اعملها
لاء هي امان قبل ما تكون بتنور العربية
يعني ما اكثر الناس الي وانا ماشي اقوله الباب مش مقفول كويس
دي كده لو الباب مش مقفول كويس هتنور في التبلوه وانور الصالون كمان
والكلام دا مع اي باب من الابواب الاربعة
والضفيرة الي كانت فيها المشكلة الي هي تعتبر تحت كورسي السواق
هو فك الكرسي علشان يعرف يشتغل في الاسلاك براحته
وهو بصراحة شاطر ومش بيعك خالص
والمصنعية اخد 20 جنيه
هو الي قال انا مش بفاصل معاه
والشغل فيها اخد حوالي ساعة تقريبا