كلام جميل جدا يااستاذ عمرو
لالا دة انت كدة عامل شغل جامد
الله يخليك يا باشا من بعض ما عندكم :verygood:
تعرف بس المشكلة الكبيرة فى موضوع ورق العداد دى ان انا كنت عامل 6 نسخ من ورق الكلك وطابعهم بالطابعة الليزر بتاعتى وبعد ما طابقتهم على بعض كنت محتاج انى الازقهم ورا بعض جربت كذا حاجة وكان اخرهم الامير بس برضة بيخلى الحبر يطلع من الورقة واى حركة اللون الاسود بيسيح على بعضة
ودى مش لاقيلها حل لحد دلوقتى غير انى اقلل عدد الطبقات بتاعت الورق بس برضة الورق على قد ما هوة حلو فى الطباعة مينفعش تحط ورقتين منة بس لانة بيعدى الاضائة لازم على الاقل 4 طبقات
تماام بس العداد عندى كان واسع من جوة شوية يعنى في امكانية انى اكبر الورق والزقه من الاطراف بعيد عن الارقام والحبر اللى هيبقى باين
انا مش عارف ظروف العداد عندك يه بس حاول تلزق من الاطراف بس
طب انا كنت جربت حاجة تانية كان فى عندى فرخ ورق مساحتة متر فى متر كنت جايبة من زمان من عند بتوع المطابع هوة من ناحية بيلمع ومن ناحية تانية بيلزق زى الاستكر دة انا استعملتة فى الار بى ام وحطيت تحتية ورق الكالك بس برضة اى خبطة او حركة وانت بتركبة الحبر بيتقشر من علية
يعنى الورق ده شفاف تماما ولا ابيض ولا ايه ؟ وبينطبع عليه ولا لا ؟
ما هو ده يبقى جامد برضه
بس نعرف موجود عند مين ومين الى بيطبع عليه
كان ممكن احطة زى كفر كدة وهوة شفاف ماطبعش علية بس لاقيتة هايبقى الخلفية بتلمع بالنهار ومادخاتش دماغى بصراحة
ممممم مش عارف بس ممكن لو الورق ده نفسه انطبع عليه اللمعة ما تبقاش جامدة اوى او مزعجة في النهار
وفكرة كيس بلاستك ابيض دى حلوة قوى ممكن فعلا تشتت الاضائة شوية اصلى انا مركبهم ليد ليد مش شريط على طول علشان بقسمهم كل اربع ليدات مع بعض على التوالى من غير مقاومة يركبو على كهربة العربية على طول
تمام اوى فكرة انك تركبهم بالتوالى من غير ما تركب مقاومة
بس هى الليدات المفرطة دى بتتجاب منين واسعارها كام ؟
هو شريط الليدات برضه متصمم ان كل 4 توالى بس برضه ليد ليد دى ممكن تكون اضائتها اقوى
انا الى عايز اجربة بقى الورق بتاع اليوفط دة ممكن لو مش هايتباع بالمتر مثلا نحيب يافطة قديمة ونشيل اللون بالكحول مثلا او البنزين ونستعملها تانى
فكرة حلوة
انت ممكن تسأل بتوع شركات الدعاية والاعلان او الطباعة ،
انت لو في القاهرة هيبقى الموضوع سهل بالنسبالك عنى
انت طبعت الورق دة الى هوة بيلمع بتاع الصور بطابعة حبر مش ليزر وعلشان كدة الخوف من الرطوبة او اى شوية مية هايسيحو الدنيا انما الطباعة الليزر مضادة للمية ومش بتتاثر بالرطوبة بسرعة وكمان الورق دة لو اتكرمش هايبقى شكلة مش قد كدة
مش عارف والله بس هو صعب المية والحرارة توصله ( على الاقل عندى ) وانا جربت حطيت الورق ده قبل كدة فوق السطوح فترة و ماحصللوش اي حاجة
ده ورق صور وانت شايف الواحد بيبقى شايل صور في المحفظة و بتعيش بالـ20 سنة
هية حكاية عويصة بس عايزين نوصل لاحسن حل ممكن
انا بس عايز حد يدلنا على خامة كويسة نطبع عليها وبصراحة مش عايز اروح لحد من بتوع المطابع يعملنا حاجة الواحد منهم بيقعد يسال اسئلة غبية هوة هاتعمل بية اية يا استاذ ويقد بقى يزهق الواحد فى عيشتة يا عم ابوس ايدك اطبع الى قدامك وانزل من على ودانى
ههههههههه على رايك والله
ده حتى المصوراتى اللى رحتله
قاللى ايه ده ؟
دى ساعة ههههههههه
قلتله لا ده عداد عربية
قاللى عربية ايه
قلتله بيجو 504
قاللى اه ونعم العربيات
ده كان خالى عنده واحدة وماكنش يركب غيرها ولوك لوك لوك لوك هههههههههه
بس بصراحة طلع مية مية لانه خد في الصورة نص جنيه فقط لا غير يعنى انا طبعت العدادين
يعنى 4 صور على الورق الجامد ده بـ 2 جنيه بس !