مش حيصعب علينا حد لان احنا مصعبناش على حد
عرض للطباعة
مش حيصعب علينا حد لان احنا مصعبناش على حد
ريحة فى الغيارات ودلعها فى المطبات على مكروباظ
حتى التاكسيات البيضاء الجديدة ملحقتش و قلبت كارو بنفس الأسلوب دة اللي هي المفروض تكون جزء من واجهة البلد
انا شايف انها تعليقات ظريفة جدا واحيانا تفطس من الضحك
مكتوب على نص نقل
سيبو المجروح في همه
هاهاهاه كنت مجمعهم هاهاها
" الحلوه لما تتدلع، تخلى الاسفلت يولع "
" ما تبحلقش كده يا لوح، دي جت بطلوع الروووح "
" ما تبصش كده يا عبيط، الحلوه دي بالتقسيط "
" سوقوا بالراحه يابهايم، أصل سواق العربيه نايم "
"الحلوه خوخه ،جت بعد دوخه "
"الحلوه تفاحه، للسفر والسياحه "
" دلعها فى الغيارات، وريحها على المطبات "
" متقولش دى بكام دى جايه بدهب المدام "
" ان نام السبع ،شويه كلاب يكلوه "
" لما كنت عصفور كلونى، ولما بقيت اسد صاحبونى"
(تركب اسليك , تنزل اولع فيك)
(ما تزعليش يا اموره بكره يركبلك مقطوره)
(بنزين في التنك ولا مليون جنيه في البنك)
(لتهدي لتعدي)
مستوره خليك هادي لاني مبعرفش ادادي
هسيبك كده ورايا انت مش مستوايا
بتغاظ لما الاقى الملاكى حاطط ستيكرز انزليجى من عينة
dongrous
i not drive but fly
must wonted
اى ستيكرز تانيه عربى من عينة الحاجات اللى كاتبينها فى المشاركات الى فوق
اديهم بيسلونا فى الزحمة و نضحك شوية
مع احترامي إنسانياً لأصحاب العربيات الأجره
بس انا شايف ان الموضوع كله بيعبر عن بيئه وفكر وطموح الإنسان اللي راكب التاكسي بالإضافه الى انه حماس شباب , لاننا لو بصينا على الناس الكبار اللي سايقين التاكسيات مش هنلاقي ولا كلمه مكتوبه من دي وهتلاقي شكل التاكسي عاااااااادي جدا !!!
وكمان معظم سواقين التاكسي الشباب بيكتبو العبارات دي كنوع من تزيين للعربيه , يعني بيروشها بس بطريقتهم
زي بتاع التوك توك بالظبط , تلاقي التوك توك كله على بعضه اد علبه العصير بس مركب سماعات ااااااااااااااد كده واريال للراديو طوله 5 متر (مع العلم انه بيكون مركب سي دي بتاع كمبيوتر اصلا :E_braces[1]: يعني مفيش راديو) واحيانا تلاقيه حاطط على التوك توك من ادام شبكه تهويه ريدياتير عربيه او مركبلها زينون (مسروق طبعا) وماشي يعمي في الناس
وللاسف الواحد بيشوف عربيات ملاكي بتقتبس من الكلام ده وتلاقي مكتوب على العربيه حاجات عجيبه
- شوفت واحده مثلا كاتبه على عربيتها Mohga يعني اسمها مهجه
- واحد تاني كاتب اميله على الهوت ميل ورقم تليفونه
- تلاقي مكتوب موقع انترنت فتقول يمكن يكون موقع مفيد ولما تيجي تجرب تدخل على الموقع تلاقي الدومين نفسه مش موجود , او يطلع حاجه غير اخلاقيه
- طبعا ده غير الأمثال الشعبيه , والأقوال العجيبه , زي مثلا اللي يصعب عليك يفقرك !!!
دي مش ورث.دي جايه بخلع الضرس
انت منين يا عسل حمدلله علي السلامة
على فكرة ، نفس الظاهرة موجودة فى السودان وشفتها فى مدينة الخرطوم
عربيه نقل بمقطوره كان مكتوب عليها (أحترس السواق صعيدى)
قريتها وكنت هتقلب من كتر الضحك :POINTIy2[2]::POINTIy2[2]:
طب شوفوه دية سواق بمقطوره كاتب
أبعدوا ياناس ياعسل ..... ده سارق الفرح وصل
وواحد كاتب سوق علي مهلك ترجع مدغدغ لأهلك
طبعا هو المفروض ترجع سليم لأهلك بس أخينا الظاهر
من الناس اللي مابتحبش اللي قدامه يمشي علي مهله ولازم
يقرص علي اللي قدامه ومبيسبش مسافه بينه وبين اللي قدامه
وطبعا الكتابه دية بتعكس فكرة منع الحسد من خلال لو واحد حسودي
جه يبص علي العربيه علشان يحسدها ينشغل في الكلام ده عن حسد العربيه
ده فكرهم ببساطه واللي بيخليهم يكتبوا كده
أقوى جملة شفتها كانت مكتوبة على نقل بمقطورة بخط كبير
"حتى هدف حياتي طلع تسلل"
والله انا شايف ان طالما مافيش كلام خارج ... يبقى مافيش مشكلة .... يكتب زي ماهو عاوز
..
الدور والباقي على الشباب اللي بيحطو علامة بلاي بوي وستيكرات عليها كلام في منتهى السفالة ..... دول اللي المفروض يتعاقبو .....وعلى فكرة كتير من بتوع المرور لما بيلاقي كلام مش ولا بد مكتوب بيرخمو عليه وبيتلككولو
انا رأيي . ان اللي حط كلام ينم عن جهل او سوقية .... ارحم من انه يكتب كلام خارج او يمس الادب .... حتى لو ملاكي وكاتب بالعنجليزي ....
..
الادب فضلوه عن العلم .....
..
..
والله عندك حق يا حاج أحمد.
االى المابيعجبنيش انه بيحط علامة العربيه على الازاز الورا
Faculty of Na2s
Masr University
لا اظرف حاجة بجد اللي بيعلق بادج كلية و هو مش فيها
كان واحد معانا في تجارة انجليزي حاطط بادج الـAUC على ازاز العربية من ورا... بنقوله اية انت حولت ولا اية ؟؟؟
لأ انا جايب البادج من ابن عمي ... اصله في الـAUC ... عارفها ؟؟
:mahf(5):
لسه شايف تاكسي كان كاتب (محوش ونازل اروش)
اجمد جمله شفتها ... (لو حد زعلان....البحر مليان)
لقيت واحد كاتب على عربية ميكروباص
لو لقيت غرب ابيض يبقي هتلاقي صاحب وفي
هههههههههههههههههههههههه
برشمها خالص
ومن أكتر الحاجات إلي بتدايقني
إنهم لو كتبوا كلام إنجليزي ..بيكتبوه غلط
زي
x-mens
fust&furus
...
ربنا يهدي الناس كلها
آمين
:POINTIy2[2]:اقتباس:
ماهى رقم سيارته قلم ( ق ل م ) .. يعنى لازم يكتب .. و بالمناسبة دا انا باشوف ناس عاملة حاجات زى دى فى ملاكى و منها موديلات عاليه .. و الغريب المرور كأنة مش شايفهم .. انما لو الواحد حاطت استيكر على الزجاج او شماسة .. اول لجنة تعمل له مشكلة و فحص
والله كلام عجب وكتير لسه امبارح سواق عربيه نقل كاتب
خاليها......؟!
طبعا مش هينفع اكمل الجمل حد عرف..((:
تسميه ايه دة بقا وايه كاتبها بخط عريض وبالاستيكر الفسفوري اللى بينور لو جيه فى كشاف نور
عاشقة السفــر .. من ظلم البشــر
( مكروباص بين المحافظات )
والله دى عليها اقساط
فى بنت عندنا فى المنصورة معها عربييتن واحدة دايو جوليت وواحدة سوبارو هاتشباك كاتبة عليهم الاثنين مفيمة الازاز اللى وارء سوبر دارك وكاتبة علية ابيض فسفورى بالانعجليزى I am still virgin بالبنط العريض والله حاجة تكسف والمشكلة انها بنت
علي فكره الجمل دي انتشرت كمان في محلات الحلاقه
ماشية على صامولة و مسمار و ربك هو الستــــــار
خد عندك ده كمان هههههههههه مكتوبة على مقطورة
الرجولة مواقف والندالة دروس
ومكروباص مخبوط فى الاكصدام وكاتب علية غلطة عمرى