السلام عليكم جميعا
بعد ان طرئ الي علمي وصول الفئة الخامسة الجديدة من بي ام دبليو و مع علمي بوجود الفئة الخامسة GT منذ مدة في صالة العرض قمت بزيارة التوكيل للتعرف علي العربيات عن قرب و هناك فوجئت بوجود ال X1 و ده تقريري و انطباعي عن العربيات
الفئة الخامسة كانت موجودة و محاطة بكوردون غريب و ضيق مما جعل اخد صورة للعربية من الخارج شيئ مستحيل و معرفتش اخد الا الصورة دي للانتريور
اما انطباعي عن العربية هو كالاتي
العربية بكل صراحة مخيبة للامال و مفيهاش الكاريزما و التميز بتاعت الجيل الحالي و العربية من الاخر هجين بين الفئة التالتة و السابعة مع نفس الانتريور للفئة السابعة لكن طبعا كبي ام دبليو مستوي التقفيل و الفخامة لا غبار عليه لكن العربية غير مبهرة علي الاطلاق و كلاسيكية بدرجة كبيرة و شخصيا اعتقد ان المرسيدس E Class بتتميز بشخصية اقوي و ان كانت البي ام اكبر حجما و اعتقد ان تجهيزها بالتيربو كتجهيز اساسي يعني انها كاداء هتكون اقوي و بالمناسبة الموديل المعروض كان 535 و المحرك 3000 سي سي تيربو طبعا بقوة 300 حصان.
بعد كده اتجهت الي ال GT عشان اشوف الفرق و اول حاجة عملتها انه فتح الشنطة عشان اشوف الفرق لكن و يال المفاجئة لقيتها اصغر من الموديل السيدان و لكني قلت يبقي اكيد اوسع من الداخل و بالفعل كانت اوسع و في اعتقادي نفس وسع الفئة السابعة ذات قاعدة العجلات الصغيرة و ادي صورها
http://img706.imageshack.us/img706/7966/img0292f.jpg
http://img716.imageshack.us/img716/3936/img0289f.jpg
http://img265.imageshack.us/img265/1166/img0290u.jpg
http://img256.imageshack.us/img256/5169/img0293wl.jpg
http://img408.imageshack.us/img408/8044/img0291p.jpg
انطباعي عن العربية هو انها عربية ملهاش لازمة و من الاخر افتكاسة من بي ام غير معروف الهدف منها و شايف انها مش هتنجح بل ممكن تاثر علي مبيعات الفءة الخامسة العادية و الفئة السابعة كمان و اعتقد ان اللي هيجيبها هيكون عشان التميز لا اكتر و لا اقل.
بعد كده فوجئت بوجود ال X5 M و ال X6 M و مش عايز اقولكم وحوووووووش بقوة 555 حصان لكن منهم يعني 1110 حصان مجتمعين واقفة و الاتنين عليهم جنط 20 انش خرااااااااافة و ال X6 نازلة بانتريور جلد احمر غير طبيعي للاسف معرفناش نصورهم بسبب الزحمة عليهم.
بعد كده توجهت لل X1 الجديدة و ادي صورها
http://img408.imageshack.us/img408/6374/img0299y.jpg
http://img709.imageshack.us/img709/9118/img0294sg.jpg
http://img687.imageshack.us/img687/2084/img0296hf.jpg
http://img225.imageshack.us/img225/2145/img0300f.jpg
انطباعي عن السيارة كان انها صغيرة جدا و سعرها مبااااااااااالغ فيه بشدة (اغلي ب 4000 دينار من الفولكس طوارق و ارخص من الكايين ب 2000 دينار) و بصراحة العربية من وجهة نظري عبارة عن الفئة الاولي كروس و طبعا العربية ضيقة من الخلف و شايف ان جمهورها هيكون اغلبة من الجنس اللطيف و الشباب الصغير.
بكده نكون وصلنا لنهاية التقرير و اتمني انه يحوذ علي اعجابكم و ان شاء الله يكون ليا زيارة تانية و يكون الكوردون الامني انفض عن الفئة الخامسة و اجيبلكم ليها صور اكتر