النهارده الصبح كنت جاي من عند والدي من كفر الدوار ويادوب داخل علي الزراعي لقيت الونش واقف والعربيات اللي قدامي واقفه ولقيت ملازم علي نقيب علي كام امين علي مش عارف ايه بيجرو ورايحيين ناحية عربيه لادا راكب فيها شاب حوالي 20 سنه وتقريبا مرضيش يوقف او حاجه زي كده
المهم انهم شدوه من العربيه وبيزعقو وهات الرخص وحاجات كده
كل ده مش مهم
اللي حرق دمي بجد لما لقيت الامين او الغفير اللي معاهم بيقولو هات الرخص ويضربو بالقلم علي وشه- كان هاين عليا انزل اديلو باللي في رجلي
الولد شكله كان مخضوض جدا ومش عارف يعمل ايه حاجه
كان نفسي اروح ابلغ عنهم ولا اقوله اعمل لهم محضر بس عارف انها كلها كوسه في بعضها ومش بعيد يكونو حطوا اي حاجه في العربيه لانهم كانو فتحينها ومطلعين الواد منها
لو موقف ذي ده حصل معاكو هتعملو ايه؟