سواقة بنات

**hazem_khidr** · 13-01-2008 10:27 PM

اهلا و سهلا بيكي معانا في المنتدي:)
اهم حاجه في السواقه انك زاي تطلعي بالعربيه بسلاسه و ازاي توقفي العربيه في الوقت اللي انت عاوزاه من غير تاخير.\
يبقي احسن حل انك تاخدي بعضك في حته فاضيه و تطلعي بالعربيه لقدام و توقفي و ترجعي لورا و تعملي كده كتير علشان رجلك تاخد علي الدواسات و تعرفي تحركي العربيه من غير ما يبقي صوتها عالي.
غير كده الركن دا لازم تكوني حافظه ابعاد عربيتك كويس و تبصي وراكي و تبصي في المرايات و انت بتركني

**fahd_628** · 13-01-2008 10:41 PM

اهلا بيكى معانا اولا مبروووووووووك على العربية

ثانيا لازم زى ما الأخوة قالو الأول تروحى فى حتة فاضية و ترجعى و تطلعى كتييييييير لحاد ما تاخدى على العربية و الكلام دة مش بيجى من يوم واحد لأن من كذا يوم و بعدين تروحى فى شارع فاضى جانبى فاضى و تدورى على ركنة و تفضلى تخشى و تطلعى كذا مرة و مش مشكلة اول كام مرة تخبطى الرصيف او العربية الى وراكى او قدامك ( بس بالراحة طبعا مش جامد :) ) و برضة بعد كام يوم ان شاء الله حتبقى تمام

**haly** · 13-01-2008 10:57 PM

المشاركة الأصلية كتبت بواسطة speedy

السلام عليكم ورحمة الله
انا عضوة جديدة لسة النهاردة اول مشاركة
انا عندى مشكلة غريبة شوية (غريبة كتير)
انا عندى عربية ماروتى 2008 و العربية كويسة الحمد لله و انا بعرف اسوق (ذى كل البنات اللى فى مصر يعنى )
دى اول عربية ليا و انا بسوق من شهر واحد بس و نرجع للمشكلة انا السواقة عندى تجربة مش ظريفة
خد عندك اول و تانى و ثالت .دبرياج و فرامل و دبرياج لوحده وبنزين من غير فرامل انا تعبتتتتتتتتتتت و المشوار كل يوم طويل موووووووووووووووت
ده غير المواقف المحرجة مرة فصلت و مرة بتقع و مرة داخلة على الرصيف
ممكن حد يقولى اذاى اتحكم احسن فى الماروتى اللى لسة عليها اقساط و كمان اذى اتعامل مع ابعاد العربية فى الركنات الضيقة انا و اللهى بخاف على العربيات الراكنة و الناس الماشية حتى الناس اللى فى البيوت :)
و كمان سوال معلش لو مفيش فايدة خالص ممكن ارقام بتوع الانقاذ؟

شكرا

عموما السواقه ممارسه فعلا استمرى وخلي قلبك جرئ ومش تخافي المهم تحفظي علي الناس لكن العربيات ولا يهمك خبطي برحتك بس اختارى العربيات القديمة بلاش الجديد علشان الاقساط برضه وممكن حل اخير
انك تعملي مهرجان اعتزال سواقه

13-01-2008 11:28 PM

اقتباس
و انا بعرف اسوق (ذى كل البنات اللى فى مصر يعنى )
ما هو باين ان كل البنات اللى فى مصر بيسوقوا زييك[/quote]

ليه بقى الغلط ده
مالهم البنات
اعتقد ان زى ما فى بنات ضعيفه فى السواقه فى شباب برضو كده

13-01-2008 11:30 PM

المشاركة الأصلية كتبت بواسطة شاهين - بنز

أنا آسف على الكلام المحبط إلي حقوله بس ماتحاوليش لإن مفيش فايدة ستات مصر إلي بيسوقوا بقالهم 30 سنة (وأولهم والدتي) زي البنات إلي بيسوقوا لسه جديد
وده قدر الستات والبنات في موضوع السواقة وللأسف ولامرة في حياتي كلها لقيت واحدة سواقتها مختلفة عن التانية كلهم نفس النظام ونفس الغلطات إلي كلنا حافظينا زي الركنة على شمال الطريق وأخد اليوترن بدون مايبصو وفي الآخر أما يخبطوني يزعقولي ويقولولي أنا الغلطان؟؟؟

هههههههههههه
برضو
بجد زعلتونى ؛؛؛

**SEATLOVER** · 13-01-2008 11:34 PM

اصبرى شوية اكتر و بالعكس اتعاملى مع الشوارع الزحمة ولا يهمك العيب مش فيكى العيب فى اللى حواليكى اللى مش بيدوا فرصة لحد ياخد على العربية و يهروكى كلاكسات لحد ما يتعبوا اعصابك و كأنهم اتخلقوا سواءيين
بس لازم تعملى كام حاجة :
*خلى عندك برود و هدوء اعصاب مهما سمعتى من اللى وراكى
*اتعلمى تحركى العربية سنتيمترات قليلة لادام ولى ورا
*دورى على ركنة ضعف طول العربية
*ادربى تثبتى العربية على مطلع كوبرى فى و قت فاضى خالص
*دايماً عنيكى تتنقل على ال 3 مرايات

بس و بالتوفيق و دى بداية السوائيين الجامدين اوى

13-01-2008 11:36 PM

مبروك speedy على العربيه
و ربنا يسلم طريقك - على مهلك - و اهتمى انك متتحركيش بالعربيه الا لما تكونى مظبطه مراياتك و خصوصا اليمين و الشمال
متعمليش زى بعض الناس فكرينهم زينه و بيقفلوهم
لو اتعودتى عليهم من الاول حيكون احسن لك
و كمان خلى عندك سرعه بديهه و سرعه تصرف فى اى موقف مفاجىء
و امشى بالراحه فى الاول و احترسى اخطاء الغير
و ربنا معاكى

**sokasoon** · 13-01-2008 11:57 PM

الموضوع بسيط جداااااا بس بشرط ؟ انك تكون حابة تتعلمى مش غصب عنك

بالنسبة للتعليم مادام العربية جديدة وعليها اقساط يبقا من الافضل تتعلمى فى مدرسة

سواقة الاول وتخبطى وتعملى اللى انتى عايزاه فى العربية بتاعتهم وبعدين تركبى العربية الجديدة

ولو مصممة على التعليم على العربية الجديدة :) لازم يكون فى حد معاكى وتتعلمى فى مكان فاضى

الاول كويس وبعدين تبتدى تنزلى فى الزحمة وتلتحمى مع العربيات اللى حواليكى واهم حاجة تكونى

جريئة ومايهمكيش اى حد يقلبلك نور او يديكى كلاكسات إطلاقا

بالنسبة للركن باردو زى ما قال analyzer بالظبط لما تيجى تركنى تخلى كبوت عربيتك عند

الباب الاول من الامام للعربيه الى انتى هتركنى وراها وبعدين تحودى الدركسيون وترجعى

وممكن فى البداية قبل ما تركنى تظبطى المراية الجانبية لتحت بحيث تكونى شايفة الرصيف اللى

جمبك وماتخبطيش فيه لحد ما تتعودى على اجناب العربية وابعادها