سواقة بنات

**speedy** · 13-01-2008 07:05 PM

السلام عليكم ورحمة الله
انا عضوة جديدة لسة النهاردة اول مشاركة
انا عندى مشكلة غريبة شوية (غريبة كتير)
انا عندى عربية ماروتى 2008 و العربية كويسة الحمد لله و انا بعرف اسوق (ذى كل البنات اللى فى مصر يعنى )
دى اول عربية ليا و انا بسوق من شهر واحد بس و نرجع للمشكلة انا السواقة عندى تجربة مش ظريفة
خد عندك اول و تانى و ثالت .دبرياج و فرامل و دبرياج لوحده وبنزين من غير فرامل انا تعبتتتتتتتتتتت و المشوار كل يوم طويل موووووووووووووووت
ده غير المواقف المحرجة مرة فصلت و مرة بتقع و مرة داخلة على الرصيف
ممكن حد يقولى اذاى اتحكم احسن فى الماروتى اللى لسة عليها اقساط و كمان اذى اتعامل مع ابعاد العربية فى الركنات الضيقة انا و اللهى بخاف على العربيات الراكنة و الناس الماشية حتى الناس اللى فى البيوت :)
و كمان سوال معلش لو مفيش فايدة خالص ممكن ارقام بتوع الانقاذ؟

شكرا

**ahmedsrs** · 13-01-2008 07:16 PM

الف مبروك على العربية وانا شايف انك مستعجلة شوية هى السواقة محتاجة شوية ممارسة يعنى لو فى مشوار طويل او فى مكان زحمة ممكن فى الأول يبقى حد معاكى

**معتز** · 13-01-2008 07:18 PM

فى الحقيقة اقترح عليك تبعيها وتركبى تاكسيات..........لان العمر مش بعزقة ودى عليها اقساط....روبنا يسترها مع ولايانا.....:)..عربيتك اصغر عربية,,,,,,,,,,واصغر من كدة تبقى بسكلته..عجله يعنى.........

كلام بجد: اقترح عليكى استمرار التدريب والتوقف عن استخدامها فترة لحين التاكد والاطمئنان.........وربنا ما يحوج حد للاسعاف والنجدة والانقاذ

**badblood** · 13-01-2008 07:23 PM

الف مبروك وربنا يستر

**Mohamed_Hegazy** · 13-01-2008 07:51 PM

تجربة القيادة صعبة شوية فى الاول بس بعد كدة ها تشعرى بمتعة القيادة والحرية فى التقنل ولكن فعلا لاتغامرى فى الاماكن المزدحمه والخطرة الا بعد التاكد من التحكم الكامل فى السيارة وذلك بالتدريب الكثير فى الاماكن البعيدة عن الخطورة وربنا معاكى ـ قيادة المراة فى الضرورة شئ مهم جدا لابنائنا وبناتنا

**عزوز** · 13-01-2008 08:03 PM

اولا اهلا بيكى معنا
باختصار كده السواقه مماااااااااااارسه يعنى انتى اللى مستعجله اوى على الاحتراف
ومع ذلك احترسى دائما السواقه ملهاش كبير

اقتباس
و انا بعرف اسوق (ذى كل البنات اللى فى مصر يعنى )
ما هو باين ان كل البنات اللى فى مصر بيسوقوا زييك

**OlaOsman** · 13-01-2008 08:40 PM

طيب يا جماعة حاولوا تنصحوها من غير ما تتريقوا على كل نساء مصر اللي بيسوقوا.. و برضه في رجال كتير بتعمل أخطاء ساذجة جدا و همه سايقين.. يعني مش البنات بس

**analyzer** · 13-01-2008 08:56 PM

بداية لازمى تمشى على مهلك وده هيزود تركيزك اكتر
ثانيا السواقه ممارسه كل المشاكل دى مرينا بيها فى الاول يعنى مع الممارسه هتزول كل الاخطاء بس المهم تكونى مركزه انك تتعلمى من اخطائك
ثالثا عنيكى تبقى على احرف الرفرفين اليمين والشمال وده هيظبط الابعاد معاكى
ومتنسيش مرايات الجانب مهمه جدا يعنى متحوديش يمي او يسار الى لما تلمحى بعينك فى جزء من الثانيه حد بجواك ولا لا
ولما تيجى تركنى تخلى كبوت عربيتك عند الباب الاول من الامام للعربيه الى انتى هتركنى وراها وبعدين تحودى الدركسيون وترجعى
ومرة على مرة هتتظبط معاكى
وربنا يديكى خيرها ويكفيكى شرها

**OlaOsman** · 13-01-2008 09:01 PM

المشاركة الأصلية كتبت بواسطة analyzer

بداية لازمى تمشى على مهلك وده هيزود تركيزك اكتر
ثانيا السواقه ممارسه كل المشاكل دى مرينا بيها فى الاول يعنى مع الممارسه هتزول كل الاخطاء بس المهم تكونى مركزه انك تتعلمى من اخطائك
ثالثا عنيكى تبقى على احرف الرفرفين اليمين والشمال وده هيظبط الابعاد معاكى
ومتنسيش مرايات الجانب مهمه جدا يعنى متحوديش يمي او يسار الى لما تلمحى بعينك فى جزء من الثانيه حد بجواك ولا لا
ولما تيجى تركنى تخلى كبوت عربيتك عند الباب الاول من الامام للعربيه الى انتى هتركنى وراها وبعدين تحودى الدركسيون وترجعى
ومرة على مرة هتتظبط معاكى
وربنا يديكى خيرها ويكفيكى شرها

أهو كده الكلام.. جزاك الله خيرا :)

**شاهين - بنز** · 13-01-2008 09:13 PM

أنا آسف على الكلام المحبط إلي حقوله بس ماتحاوليش لإن مفيش فايدة ستات مصر إلي بيسوقوا بقالهم 30 سنة (وأولهم والدتي) زي البنات إلي بيسوقوا لسه جديد
وده قدر الستات والبنات في موضوع السواقة وللأسف ولامرة في حياتي كلها لقيت واحدة سواقتها مختلفة عن التانية كلهم نفس النظام ونفس الغلطات إلي كلنا حافظينا زي الركنة على شمال الطريق وأخد اليوترن بدون مايبصو وفي الآخر أما يخبطوني يزعقولي ويقولولي أنا الغلطان؟؟؟

الموضوع: سواقة بنات

LinkBack

أدوات الموضوع

عرض

-

-

-

-

-

المواضيع المتشابهه

هو ليه مفيش بنات في مصر؟

يا بنات ....

ياترى ده شجاعة ولا عبط بنات؟

ازاي تعلق بنات

سواقة بنات

الكلمات الدلالية لهذا الموضوع

المفضلات

المفضلات

ضوابط المشاركة