استاذ محمد
ازيك؟
والله كنت مستنى ردك عشان انا بثق فى كلامك وكنت عارف انك اول الناس اللى ح ترد عليا وتدينى رايك اللى فعلا بثق فيه وعارف انت خبرتك اد ايه فى العربيات الشاريد
زى ماقلتلك انا لما جبت العربيه كنت ناوى اشيك عليها كلها بس موضوع الكبوت واللى حصل ده خلانى ااجل الموضوع شويه ومن كام يوم وديت العربيه للميكانيكى وقلتله بص عليها كلها ونشوف ايه اللى محتاجاه ونعمل الاهم وناجل اللى ممكن يتاجل المهم رفعنا العربيه لقينا العربيه من تحت فيا زيت كتير وقالى اننا لازم نغير اولسيهات الموتور والفتيس لانهم فعلا كانوا بيسربوا زيت
ده بالنسبه للاولسيهات
وبالنسبه لسير الكاتينه انا اعرف انه لازم يتغير من اول ما جبت العربيه عشان كده ح اغيره بالمره بس موضوع البليه ده انا معرفوش ياريت تفيدنى فيها ولو ممكن تقولى سعرها كام
وفعلا وانا بشترى سير الكاتينه قالى المربع ب 45 والمدور ب 55 وقالى اللى فى الشاريد 1000 هوه المدور و فيه طقم اولسيهات الموتور السرساوى قالى لازم اجيب القديم عشان يدينى زيه عشان كده لسه ماجبتهوش
بالنسبه للاسعار انا شايف ان فيها شويه فروق بس مش كبيره اوى يعنى انا كنت كلمت اوشين واخدت منه اسعار وكانت ارخص شويه بس قلت الفرق ده ح ادفعه بنزين ووقت عشان اروح الحرفيين من الهرم فقلت اشوف السرساوى لانه اقرب بس بالنسبه للموديلات السيور انا ح اراجع اللى جبت مع اللى حضرتك كاتبه واقولك انا لسه ما ابتديش اركبهم
وبالنسبه للبطاريه انا كانت راكبه عندى 44 وكانت مجننانى كانت على طول محتاجه توصيله عشان تدور وانت عارف ان العربيه عندى اتوماتيك ودى مشكله فكنت لازم انى اغيرها
شكرا بجد لاهتمامك وردك :verygood: