عرض للطباعة
امبارح وانا نازل اركب العربية لقيت المراية الإزار اللي في المراية الجانبية اليمين مسروقة، حلجه تنرفز يعنى بالذمة اللي خدها ده هتجبله كام ؟ خمسة ستة جنيه؟ حد يعرف سعرها كام يا جماعة في التوكيل وبره التوكيل ولو بره التوكيل اركبها عند مين؟ وعندي سؤال تاني هو انا لو ركبت انذار هيشتغل على محاولات السرقة اللي من النوع ده؟
معلش بس إنت أول واحد يتسرق منه مراية بس ياريت توضح هو سرق الكف بتاع المراية نفسه يعني ولا الكافر (Cover) ولا خدها كلها عشان الموضوع أكيد أغلى من كده بكتيير
هو فيه حاجة ياراجل يطيب بـ خمسة ولا ستة جنيه فالبلد ده :)
معلش متزعلش نفسك وممكن تسأل في الحرفين إن شاء الله كله موجود بدل التوكيل مايروقك
موضوع الإنذار مش متأكد إذا كان حيعمل حاجة في حالة زي ده ولا لأ بصراحة مجربتش ومش عاوز اجرب :) يااااارب
هو اكيد يقصد المرايه نفسها , يعنى الجزء العاكس نفسه مش الـ Body بتاع المرايهاقتباس:
معلش بس إنت أول واحد يتسرق منه مراية بس ياريت توضح هو سرق الكف بتاع المراية نفسه يعني ولا الكافر (Cover) ولا خدها كلها عشان الموضوع أكيد أغلى من كده بكتيير
هو فيه حاجة ياراجل يطيب بـ خمسة ولا ستة جنيه فالبلد ده :)
معلش متزعلش نفسك وممكن تسأل في الحرفين إن شاء الله كله موجود بدل التوكيل مايروقك
موضوع الإنذار مش متأكد إذا كان حيعمل حاجة في حالة زي ده ولا لأ بصراحة مجربتش ومش عاوز اجرب :) يااااارب
اقتباس:
المشاركة الأصلية كتبت بواسطة ahmadyusuf
ان شاء الله متجربش أبدا يا بيسو باشا... اما عارف طبعا ان الماكنه غالية بس اللي اتسرق مش الكفر ولا الماكنه، الكف الاإزار بس هو اللي اتسرق زي ما الاخ احمد يوسف قالاقتباس:
المشاركة الأصلية كتبت بواسطة beeso
طيب الكف الازاز ده رخيص ويعمله بتاع 40 جنيه لسه مكسور وعملته عند بتاع الازاز للسيراتو متقلقش وهيجبلك المقاس بالظبط
وربنا يعوض عليك فى اللى راح
انا بردو حصل معايا الموضوع ده مرتين لغايط دلوقتي وكنت فاكر اننا الوحيد اللي بيحصل معاه كده وطلع الكف الازاز ده ب 60 جنيه وعربيتي نيو اكسنت حاجه تحرق الدم والله
فين بتاع الإزار ده يا باشا؟ ولا انت قصدك أن أي واحد بتاع إزاز بيعملها؟اقتباس:
المشاركة الأصلية كتبت بواسطة mahamedaraby
اى واحد بتاع ازاز على العموم لو عايز الراجل اللى عملت عنده قولى وانا اوصفهولك هو فى العباسيه لو تعرف بس اسئل هتلاقى كتير اوى عندك بيعملوا الموضوع ده
ده انا اول واحد سئالته طلع بيعملها وعملهالى ب 40 جنيه زى ما قولت
شكرا يا باشا على المعلومة ، على العموم انا متهيألى في واحد معروف بتاع إزاز جنبي في المهندسين اسمه دقدق ، هعدي عليه كده واشوف إيه النظام.اقتباس:
المشاركة الأصلية كتبت بواسطة mahamedaraby
بصراحة يا جماعة موضوع السرقة دة بقت حاجة تقرف
الكفة بتبقى غالية وسهله
95 جنية اصلى في شارع مشق
ربنا يعوض عليك
انا اتسرق مني 3 مرات لغايه دلوقتي
حتي في السودان بردو بيسرقو المرايات
حصلت لعربيه سيراتو sx بردو بتركن جمبي بس الحمد لله لسا متسرقتش مني
بس كانت المرايتان العاكس بس
انا مرة بردوا كف المراية اتسرق من البى ام و جبت واحد بـ 1100 جنيه من التوكيل :s
ان شاء الله ميتسرقش فى السيراتو
بصراحة قلة أدب ووطينه ملهاش مثيل السرقة دي بقت في دم الشعب خلاص من كل الفئات للأسف
ياااااه كل الناس دي اتسرقت منها المرايات الحمدلله لسة مجربتش وربنا يعوض عليكم جميعا
بس أنا ليَّ تعليق بس إن فعلا موضوع السرقة ده فعلا زاد وده عشان الناس مش لاقية تاكل فعلا للأسف بس بلاش كلام يودينا في داهية :)
الحمد الله وربنا يعوض عليك
شكرا يا جماعة على ردودكم....للاسف كنت مضطر اسافر بسرعة للصعيد ومكنش عندي وقت الف على المراية في شارع دمشق فاستسهلت وركبت واحدة عادية عند واحد بتاع إزاز وسافرت بيبها....الحقيقة النتيجة سيئة جدا...العربيات اللي وراك مبتبانش إلا بعد ما تكون لازقة تقريبا في شنطة عربيتك ده غير ان في الركنة مبتشوفش الرصيف ولنت بتركن إلا لو وطيت المراية جدا..باختصار مزعجة تماما...انا بكرة هروح اجيب يتاعة السيراتو من شارع دمشق.
ترشحوا محل معين؟
انا بقى الحرامى ريحنى من وجع الدماغ واللف والتدوير على الكف
خد المرايه كلها.... عوضى على الله
عزيزي
انا مرايتي طيرها ميني باص بس الحمد لله لجوده الكيا اكرر لجوده الكيا طارت المرايه والكفه بس البودي سليم
المهم عملت الزجاج عند واحد جنبي في حلوان ب 30 جنيه و صدقني احلي من الاصليه في مجال الرؤيه و عملي حركه كده عوضت ارتفاع الكفه و الحمد لله زي الفل
و الكفه عرفت انها عند حلمي سليمان ب 130 جنيه علي كلامه
انا تحت امرك لو عنوان الراجل يفيدك
ياباشا انا اتعمل معايا نفس الحركه ورحت جبتها الكف من عند الجندي ب 95 جنيه والتوكيل 110 جنيه
اقتباس:
المشاركة الأصلية كتبت بواسطة speedy4wd
شكرا على الرد على باشا....بس هو سعر التوكيل ده شامل التركيب؟ وياريت تقوللى الجندى ده فين يا باشا ونمرة تليفونه لو موجودة عندك..
اعرف انهم سعرهم غالي بالفعل وسرقتهم منتشرة لانهم بيتباعوا عند بتوع الأكسسوارات ب 700ج و ربنا يسترها عليكم جميعاًاقتباس:
المشاركة الأصلية كتبت بواسطة yasserelsayad