أنا عندى نقرة فى البربريز الامامى وخايفة توسع فكنت عايزة أعرف حد يكون شغلة نظيف فى حقن نقرات الزجاج ، ياريت يكون فى مدينة نصر أو مصر الجديدة .
عرض للطباعة
أنا عندى نقرة فى البربريز الامامى وخايفة توسع فكنت عايزة أعرف حد يكون شغلة نظيف فى حقن نقرات الزجاج ، ياريت يكون فى مدينة نصر أو مصر الجديدة .
في محل في الحي السابع في مدينه نصر
عند مسجد البخاري كده في الشارع اللي فيه مركز شباب مدينه نصر
انا مش كان عندي نقره انا كان عند شرخ بطول الزجاج كله
وعملهالي بماده كده وولا ظاهره
مش فاكر اسمه ايه ممكن اجبلك اسمه انهارده
عليك وعلى( الدكتور خالد) هو محله فى المرغنى بجوار ابو شقرة على طول بجد استاذ فى الحاجات حيعملك النقرة ويديلك ضمان مدى الحياه لو حصل فيها حاجه
شكراً لـ Funny Micky ، لـ Zaza 2002 على الرد . بس بعد إذنكوا هتقل عليكوا ممكن تقولولى على الاسعار .
لو النقره صغيره يبقى 25 جنيه ولو كبيره فى حدود 60:11:
ايوه انا عملت الشرخ بتاع الازاز كله ب40 جنيه
وفاصلي
وانا رأيي تروحي لدكتور خالد عشان الراجل ده انا سمعت عنه كتير اوي
ولو مستبعده المشوار روحي لبتاع السابع انا واخد منه شهاده ضمان بردو
شكراً لـ Janaaly ، ولـكل الأعضاء على الرد والمساعدة ، إن شاء الله هرووح للدكتور خالد ، وربنا يسترها علينا من الزلط ونقرات الزجاج .
طب معلشي سؤال اخير انا سمكعت ان في واحد تاني اسمه الدكتور خالد قريب من جنينه مول دة فرع تاني و لا واحد واخد نفس الاسم لان دة قريب من بيتي
لاشكر على واجب
وفيه فرع للدكتور خالد في المقطم
ويفضل ما تجبيش ميه على الزجاج وتعمليه فى اقرب وقت عشان المية والتراب بياثرو على الموضوع ده
هو اى بتاع زجاج بيعمل الموضوع ده ياجماعه
ولا ناس متخصصين
لا كان فيه ناس متخصصين فى كدة بس
بيعملوا الشروخ البسيطه ولا اى شرخ ؟
قصدى الشروخ المتشعبة
لا الشروخ البسيطه بس:120146b
هو اللي اعرفه ان الدكتور خالد ماشاء الله لا قوة إلا بالله ليه تقريبا 70 اواكتر من فرع في مصر وماشاء الله شغال من زمان فالخبرة موجودة توكلي علي الله وروحي لخالد وربنا يوفق كل اللي بيلحموا عشان اتعاملت مع واحد في بنزينه وروحتله اكتر من مره يظبطللي شرخ في الزجاج وفي الآخر مظبطش والزجاج لما تمطر بينزل مياه عالتابلوه بس خفيف خالص بس التصليح بيختلف من شرخ لشرخ واكيد في فرع للدكتور خالد في مدينة نصر
الحمد لله حقنت النقرة يوم الخميس اللى فات عند الدكتور خالد فى شارع الميرغنى وهو فعلاً قبل أبو شقرة بالظبط بس مش مكتوب على المحل إسمة ، ومخدش وقت كتير هى ربع ساعة ودفعت 50 جنية وخدت عليها ضمان .
حد يعرف حد فى اسكندرية