مساء الخير أم نور
وأهلا بيكي أولا عضوة معانا في المنتدي وان شاء الله عضوة معانا في قسم الدايو والشيفروليه لانوس اللي برشحهالك بنسبة 100% بجد
أنا لسة جايبة العربية من أسبوعين تقريبا فول اوبشنز وأحب أقولك بلا مبالغة أحسن قيمة مقابل السعر في الفئة دي
العربية تقفيل مصري مفيش منها كوري 100% حاليا، ولكن..
متخليش الموضوع ده يقلقك تماما
المحافظة علي العربية بسواقة معتدلة والمحافظة علي الصيانات الدورية في مواعيدها بانتظام سواء في التوكيل أو عند أي حد بره يكون محترم وفاهم في شغله
والاهتمام عند الحاجة بشرا قطع الغيار الأصلية وعدم الاسترخاص فيها
كل ده باذن الله هيحافظلك علي العربية أطول عمر ممكن وهيخليها في حالة الزيرو باستمرار
وده مع أي عربية تانية من أول الألماني لحد الصيني حتي
اللي هيفرق معاكي انت ناقلة من ايه قبل كده
لو أول عربية ليكي او لو ناقلة من حاجة قديمة هتحسي بجد ان العربية ما شاء الله كانها بي ام علي أد الفئة بتاعتها
ناعمة والباور حلو وناعم أوي والعفشة كمان
استهلاك بنزين فوق الممتاز (بس لسة محسبتوش بدقة معلش)
حجمها حلو وعمليومناسب ولا ضخمة أوي علي البنات أو الستات ولا في نفس الوقت صغيرة
وكفاية انه ان شاء الله عند احتياج اي صيانة او قطعة غيار هتلاقيها عند أي حد وبأسعار في متناول اليد واختيارات متعددة من الأصلي لحد ما توصلي للصيني التقليدوزي ما انت عايزة
أتمني أكون أفادتك وربنا يوفقك ان شاء الله للي فيه الخير وتشتري علي خير باذن الله
وتحياتي ليكي
المفضلات